楊卓娜青筋暴現被讚神級演技 入行21年演技獲肯定：演得好過視后

輕．功｜楊卓娜青筋暴現與韋家雄嗌分手

TVB劇集《輕．功》齊集眾多老戲骨，精湛的演技及新鮮的劇情吸引不少觀眾追看。劇集正式進入結局週，劇中每條線的劇情都開始進入高潮部分。當中飾演情侶的韋家雄及楊卓娜在日前播出的一集就突然戀情告急，只因飾演鍾志威的韋家雄想捐肝給吳錦賢（歐瑞偉），並將會影響二人移民的打算。楊卓娜得知韋家雄的決定後十分失望，只因他事前未有找她商量，劇中楊卓娜更青筋暴現地質問對方：「你究竟有冇當我係你女朋友，有冇諗過要尊重我架？！」最後更狠下心提出分手。

分手戲一Take過完成

楊卓娜在事後表示，這張情緒激動的分手戲一Take過完成，除了靠自身投入角色，亦多得與好拍擋韋家雄默契十足：「同家雄合作好開心，每次都有好多火花，一埋位就已經撻得着。其實我一入行已經識得佢，所以對大家都好有信心。」楊卓娜又笑稱，其實最怕與韋家雄拍感情戲，只因：「我每次見到佢淨係想笑，我好驚喊唔出，因Roll機前一分鐘，都仲係不停咁笑，佢成日都講埋啲唔三唔四嘅嘢，就算佢冇講我都覺得佢係講緊。」

網民：演得好過Ali

現年45歲的楊卓娜自2002年加入TVB，至今已為TVB效力21年。多年來，她大多飾演一些配角角色，惟每一次的演出都能讓觀眾留下深刻印象。是次《輕．功》播出的檔期剛好與由視后李佳芯（Ali）主演的《有種好男人》撞上，有網民就直接比較二人的演技，更直指，楊卓娜的演技絕對不輸視后，更揚言，她的表現「好過Ali」。

為拍《BB來了》報讀陪月課程

近年，陪月員成為搶手貨，對於每一位產後媽媽來說，一個好的「陪月員」絕對是湊仔的好幫手。在2018年，劇集《BB來了》中飾演「金牌陪月員」王佳妙的楊卓娜表示，自己因為要飾演「陪月員」，所以在公司安排下報讀了相關課程。楊卓娜表示，「陪月員」是一門學問，雖然自己有湊小朋友嘅經驗，但好多細節嘅嘢每個媽媽處理方法都唔同，時代不斷變化進步，好多嘢要從頭再學，到拍攝時候，自己都怕做錯陪月要做嘅嘢，所以今次做呢個角色，能讓自己加深了解做「陪月員」原來都係一門學問。

開明後母視繼女如己出

楊卓娜於2009年下嫁「廣告燈箱大王」楊志翹後，成了兩個女兒舒婷和舒雅的後母。不過，卓娜是一位「開明後母」，對兩個繼女視如己出，即使誕下三女兒楊舒然後，對三個女始終一視同仁。舒婷覺得媽咪雖並非親生，但一樣好偉大，從未為人母仍能接受另一半有兩個女兒。「媽咪一直視我為己出，唔會只對親生好，我同二妹都覺得好warm，有番媽咪愛錫。」一下子成為三女之母，卓娜湊BB的同時亦面對大女的青少年反叛期，她覺得青少年問題比湊BB更困難，青少年有自己思想，會質疑父母，她要邊湊邊學，見招拆招。「最重要係喺三個小朋友身上，我都得到好多愛。」

楊卓娜夫妻需有私人空間

現實中的婚姻，卓娜十分滿足現狀，生活安穩之餘，亦有空間追求自己的興趣。在湊女以外，卓娜喜歡閱讀、做手作，近期就愛上園藝，在小花圃種花種菜，療癒身心；相反，老公的興趣大多是戶外運動，如踏單車、潛水。「佢有佢去玩，我就留喺屋企做我想做嘅嘢，我哋會畀空間對方。」維繫婚姻最重要是緊密溝通，有心靈交流，物質只是其次。「我一有唔開心都係同佢傾，佢會細心開解我，互相明白係好重要。我唔會擺物質第一位，有得食有得住就得，或者買樓公一份、婆一份，不過依家樓價咁貴，租到間屋已經好好，再建立自己家庭，大家齊心、安穩就夠。」當然，兩人偶有意見不合之時，卓娜不會與丈夫硬碰硬，他責罵時自己保持緘默，時間一過便會沖淡不快。

青少年比BB難湊

卓娜一入門成了三女之母，更是三女的新手媽媽，要湊不同年齡的小朋友。卓娜認為BB 不難湊，青少年才是最難，性格硬頸、不信任父母、易受同輩影響，只要教導上稍有差池，就好易讓小朋友誤上歪路。「我都係邊湊邊學，見招拆招。大女試過有段時期唔相信父母，產生咗好多爭執，例如佢拍拖，我哋唔想佢咁早開始，人選亦唔適合，爸爸呢方面好嚴厲，好驚個女學壞，成日唔畀佢同男仔出街，傾又傾過，打罵都試過。」

楊卓娜成後母絕不偏心

卓娜視繼女如己出，丁點偏心也沒有，與她自己的背景亦有關，她與妹妹楊怡自小爸爸早逝，在單親家庭成長，後來繼父的出現填補了她們的遺憾， 卓娜也希望把愛傳給下一代。「我一開始係認識兩個小朋友先，同先生一齊嘅時候冇諗咁多嘢，我好鍾意呢兩個小朋友同熱鬧大家庭嘅感覺，反而男女之間嘅浪漫我唔係咁着重，最重要係喺呢兩個小朋友身上，我都得到好多愛。」

楊卓娜為上車20年前逼細妹楊怡夾錢供樓

楊卓娜在《我要做業主2》中透露自細與家人租屋住，入行後早已萌生買樓之念。當年她為實現買樓夢，不惜氹阿妹楊茜堯一齊夾份，二人當時收入都未穩定，而她，楊卓娜為供樓都要咬緊牙關。二人買入將軍澳中心單位後，每月都要拿收入的 3份之2 來供樓，雖然辛苦，但楊卓娜認為堅持買樓是最正確的決定。

楊卓娜為方便返工堅持上車

楊卓娜與妹妹楊茜堯在2002年以約200萬購入將軍澳中心一個700呎單位。楊卓娜表示當時母親住沙田，她與楊茜堯都在將軍澳電視城返工，交通好唔方便，所以她覺得要搵個適合的地方定居。未幾，楊卓娜就向母親借了少少錢，那時只需付5%首期就買到。

楊茜堯被逼就範

主持胡諾言表示，廿年前將軍澳是剛發展的新城鎮，大讚楊卓娜獨具慧眼，她說：「又唔可以咁講，純粹工作需要。（阿怡當時咩反應？）佢話唔好呀唔好呀，我要好多錢買衫，我要錢去應酬……（你依家爆佢啲嘢？）唔係，大家都知做呢行乜嘢環境。其實，當時我同阿媽都計清楚，我知我嚟緊要點洗，之後阿妹就同我講，你傾過你點洗，你有冇計過我點洗呀？其實我都幫佢計過，10年之後就會好開心，佢都有聽，因為我同阿媽一齊去說服佢，應該係打劫老笠佢，我哋呢頭睇完轉頭就買咗，佢就話你哋去買棵菜呀？」

楊卓娜為供樓慳住洗唔去旅行

楊卓娜透露，自己初入行月薪只有6,000元，所以在買樓之前都要諗過度過，上車後更要慳住洗：「我放棄咗好多同朋友出街去飲嘢食嘢，你知呢行幾多應酬，百幾二百蚊對我嚟講已經好好用。大家要有個共識，一齊去渡過艱難嘅時期，入咗行十幾年，我冇去過一次旅行。」

升值500萬唔捨得賣

事過境遷，楊茜堯貴為視后吸金力強，楊卓娜亦與燈箱大王楊志翹組織家庭，生活總算無憂。至於與楊茜堯合資的單位早已供滿，持貨至今已升值500多萬，市值700多萬，楊卓娜更透露楊茜堯不想賣出去，近年用作收租。