萌爆星二代

萌爆星二代 ! 2016出生明星BB大晒冷

娛樂資訊

回顧2016年,娛樂圈的喜事可不少,唔少藝人都宣佈結婚、甚至生埋B,升呢做埋爸爸媽媽!一眾藝人都好鐘意幫自己嘅寶貝仔,寶貝女影好多相,放上社交網站同大家分享。個個星B都非常可愛,網民都被佢哋溶化了。一齊回顧吓今年出世的 萌爆星二代 啦!

Photo:藝人Facebook、微博、Instagram | Source:orientalsunday.hk

1| 雷冬至 (陳敏之,雷偉信)

37歲「索腿天后」陳敏之於今冬至當日(12月21日) 剖腹分娩,誕下7磅11男嬰。相片可見B仔頭大大並擁有一雙大腳,預計將來似媽媽般人高腳長!另由於在冬至出生,敏之因此給兒子改乳名做「雷冬至」。

2| Camilla (陳茵媺,陳豪)

已經育有兩位公子的陳豪與陳茵媺一直恨生女,今年四月終於如願以償啦。陳豪指女兒的英文名Camilla,是代表優雅與高貴,如同小公主一樣。問到會否再生,兩公婆則表示三個夠晒數!

3| Jayden(陳琪,胡諾言)

本已育有兩女兒的胡仔與陳琪,三年前陳琪曾試過流產,當時做懷孕終止手術外,幾乎要切除子宮保命。兩公婆本無意再生育,不過今年年初陳琪卻奇蹟地再度懷孕,於10月剖腹順利誕下重8.1磅的兒子Jayden。

4| Kelly(鍾嘉欣,Jeremy)

今年母親節,鍾嘉欣在社交網站上公佈懷孕喜訊,直到八月,嘉欣終於首次在網上跟大家分享女兒Kelly的照片,網民們都大讚可愛。早前聖誕節,嘉欣更為女兒穿上聖誕裝,貼上兩人的合照,祝大家聖誕快樂。

5| 陳真 (黃伊汶,陳國坤)

今年3月為老公陳國坤誕下寶貝仔陳真的Emme,不時喺網上分享同仔仔嘅相片,一家三口非常溫馨。陳真眼仔睩睩,人仔細細已經識得Chok甫影相,唔少網民都大讚佢好靚仔好得意!

6| 楊榮心 (關心妍,楊長智)

關心妍於7月時剖腹誕下小公主楊榮心,仲在懷孕七個月時,邀請咗Cousin同吳業坤寫咗首歌《Smile》,送俾囡囡,又話呢首係佢咁多年嚟最開心同最冧的歌﹗

7| Tessa (Jessica.C,安志杰)

Jessica.C 於今年3月在美國採用無痛分娩誕下女兒Tessa,Tessa遺傳到爸爸媽媽的優良基因,眼大大表情多多,非常可愛!JC同安志杰仲話希望可以生多一仔一女陪Tessa!

8| Leora(張嘉兒,Nathan)

嘉兒於九月自然分娩誕下女兒,她大讚女兒樣貌精緻,輪廓相當清楚。而且經常都在Mama College內與大家分享女兒的照片。

9| Alex Junior (杜德偉,李曉冰)

54歲的杜德偉為了迎接小生命的來臨,在太太臨盤前一個月全面停工陪伴,非常緊張。兒子於十月出世,杜德偉升呢做爸爸後,不時上傳兒子照片,和網民分享。

10| 羅紫晞 (李蘊,羅章冠)

25歲的李蘊於今年5月誕下女兒晞晞,早前仲帶囡囡返廣州跟老公羅章冠一家團聚,李蘊仲幾乎日日都在社交網站分享女兒的照片。


有什麼Netflix、Disney+推薦及必睇劇集?

為大家整理一下截至目前為止小編追過的Netflix影集清單,必睇Netflix電影或劇集片單;Disney+方面,則可以一看電影片單推介

有什麼必睇劇集?

不少美劇都被稱為神劇,小編整合了一系列必看美劇推介。當然,不少得韓劇陸劇台劇BL劇推薦。

你可能也喜歡

Recommended