胡杏兒 胡杏兒

胡杏兒冒險帶仔仔演出內地真人騷賺人仔 老公李乘德黑面陪買衫

娛樂資訊
Cyan

胡杏兒 無懼全球疫情未受控，帶住1歲半細仔李奕霖（Ryan）北上參與真人騷《演員請就位2》賺人仔，又唔想同細仔分開太耐，所以毅然帶埋仔仔北上陪開工。而喺香港，杏兒有份參演的 ViuTV劇集《熟女強人》正在熱播，有傳早前 ViuTV曾力邀她擔正另一部劇，不過初步構思要先增肥後減肥。當年在無綫演《肥田囍事》而谷肥40磅的杏兒，拒絕再攞自己身材來較飛，再者她一直有意生第三胎，年尾完成工作返港便開始備孕。

原文刊於：東方新地｜圖片來源：東方新地、Instagram、微博

胡杏兒返港後即造人拒拍港劇增肥再減肥

胡杏兒15年離開娘家無綫後，事業與家庭雙線發展，與老公李乘德婚後三年抱兩，大仔Brendan(李奕霆 )3歲，細仔 Ryan(李奕霖 )1歲半，杏兒照顧囝囝之餘仍要努力工作搵錢。

胡杏兒因為唔捨得細仔Ryan，帶埋佢北上開工，早前趁放假，帶囝囝去郊外玩肥皂泡。
胡杏兒因為唔捨得細仔Ryan，帶埋佢北上開工，早前趁放假，帶囝囝去郊外玩肥皂泡。（圖片來源：胡杏兒微博）
胡杏兒為工作要與老公李乘德及大仔Brendan分隔兩地，中秋只好各自賞月，日前大仔3歲生日，杏兒透過視像講生日快樂，不禁感觸落淚。
胡杏兒為工作要與老公李乘德及大仔Brendan分隔兩地，中秋只好各自賞月，日前大仔3歲生日，杏兒透過視像講生日快樂，不禁感觸落淚。（圖片來源：IG@myoliemyolie）

上月杏兒帶住細仔 Ryan北上參與真人騷《演員請就位2 》，演技大爆發的她受盡好評，而同時她有份演出的 ViuTV劇《熟女強人》亦出街，據知情者透露，「杏兒喺《熟女強人》唔算孭飛，因為劇情講幾個女人唔同嘅古仔，戲份都分得好勻，本來 ViuTV計劃開多套劇畀杏兒做女一，想佢為角色再增磅，一聽到呢個構思，杏兒已經斷言拒絕啦！當年佢拍《肥田囍事》增肥40磅，花好多時間先減走啲肥肉，今時今日視后都攞埋，仲同你博？況且杏兒嚟緊想再生第三胎，短時間內增肥同減肥都好傷身，佢同老公已經有晒共識，等佢做完真人騷返香港就會休息一段時間，真係隨時會有 B，杏兒亦唔想應承咗到時拍唔到。」

胡杏兒在內地真人騷《演員請就位2》向高難度挑戰，演出影后趙薇獲獎的作品《親愛的》的村姑李紅琴，由化妝到演出也入型入格，更全程以安徽話演繹，獲評判陳凱歌、趙薇、爾冬陞等大讚，演技達評分的最高級。（圖片來源：胡杏兒微博）
胡杏兒在內地真人騷《演員請就位2》向高難度挑戰，演出影后趙薇獲獎的作品《親愛的》的村姑李紅琴，由化妝到演出也入型入格，更全程以安徽話演繹，獲評判陳凱歌、趙薇、爾冬陞等大讚，演技達評分的最高級。（圖片來源：胡杏兒微博）
在 ViuTV的劇集《熟女強人》中，胡杏兒與前輩吳家麗及多位女演員鬥演技，她飾演老公出軌的性治療師，一場攤牌戲被讚收放自如。（圖片來源：IG@myoliemyolie）
在 ViuTV的劇集《熟女強人》中，胡杏兒與前輩吳家麗及多位女演員鬥演技，她飾演老公出軌的性治療師，一場攤牌戲被讚收放自如。（圖片來源：IG@myoliemyolie）
胡杏兒本身都生得高大，入行後對自己身形同體態都要求嚴謹，06年增肥至152磅演出《肥田囍事》肥田一角，花兩個月增完肥再用兩個月減走40磅，雖然最後都瘦番，但搞到橙皮紋現晒。
胡杏兒本身都生得高大，入行後對自己身形同體態都要求嚴謹，06年增肥至152磅演出《肥田囍事》肥田一角，花兩個月增完肥再用兩個月減走40磅，雖然最後都瘦番，但搞到橙皮紋現晒。

41歲的胡杏兒，挾住無綫視后之名北上發展，事業繼續旺，過去十年拍過逾十部國內劇，再加上真人騷及綜藝節目，賺人仔已經豬籠入水，睇佢早前冒住疫情帶埋囝囝北上工作三個月，就知國內酬勞有幾可觀，要她再拍既困身又辛苦的港劇，有得揀當然耍手兼擰頭啦！

這日胡杏兒與李乘德行入圓方商場，即發揮女人本色逛時裝店。
這日胡杏兒與李乘德行入圓方商場，即發揮女人本色逛時裝店。
胡杏兒拎住件吊帶背心左拼右拼，很快就揀到心頭好。
胡杏兒拎住件吊帶背心左拼右拼，很快就揀到心頭好。
李乘德行入時裝店已翹晒手好唔耐煩，唔夠一分鐘即離場搵位坐低玩手機，玩到杏兒買完衫先收手。
李乘德行入時裝店已翹晒手好唔耐煩，唔夠一分鐘即離場搵位坐低玩手機，玩到杏兒買完衫先收手。

41歲胡杏兒冒險帶子北上賺人仔 老公李乘德黑面陪買衫

胡杏兒反而好順得人，行過電器舖肯陪老公睇男人最愛的新科技電子產品。
胡杏兒反而好順得人，行過電器舖肯陪老公睇男人最愛的新科技電子產品。
去年底疫情未肆虐，胡杏兒與老公李乘德結伴外出逛街，鏡頭下的視后無懼素顏示人，與一般師奶無分別。
去年底疫情未肆虐，胡杏兒與老公李乘德結伴外出逛街，鏡頭下的視后無懼素顏示人，與一般師奶無分別。
自知顧住揀衫悶親個老公的胡杏兒，行入超市即翹實老公手扮小鳥依人，
自知顧住揀衫悶親個老公的胡杏兒，行入超市即翹實老公手扮小鳥依人，
上完糧等司機來接時，兩公婆終於有講有笑。
入完貨等司機來接時，兩公婆終於有講有笑。
李乘德是客家人，當日胡杏兒亦有返「李氏宗祠」拜堂成親，婚後已講明會生夠三個，據知杏兒想追個女，老公就仔女都冇所謂，夫婦二人望明年成事。（圖片來源：IG@hakkaphil）
李乘德是客家人，當日胡杏兒亦有返「李氏宗祠」拜堂成親，婚後已講明會生夠三個，據知杏兒想追個女，老公就仔女都冇所謂，夫婦二人望明年成事。（圖片來源：IG@hakkaphil）

有什麼Netflix、Disney+推薦及必睇劇集？

為大家整理一下截至目前為止小編追過的Netflix影集清單，必睇Netflix電影或劇集片單；Disney+方面，則可以一看電影片單推介。

有什麼必睇劇集？

不少美劇都被稱為神劇，小編整合了一系列必看美劇推介。當然，不少得韓劇、陸劇、台劇及BL劇推薦。

你可能也喜歡

Recommended