社內相親｜Edan沈殷怡床戲尺度輸韓版 網民嗌失望
ViuTV改編劇《社內相親》由Anson Lo、陳漢娜、Edan和沈殷怡主演，自開播以來成功地將不少韓國原版的名場面「神還原」，而韓版中男二和女二的大尺度床戲至今依然是不少觀眾心中最為轟動的演出之一，因此外界對Edan和沈殷怡的演繹倍感期待。然而，2人的床戲場面播出後，網民卻竟然大呼失望……
港版遲足2集先有吻戲
在原版的《社內相親》入面，副CP車成勳和陳映書在第6集中上演吻戲和床戲，港版的內容亦幾乎一模一樣，同樣是沈殷怡飾演的陳映書飲醉酒後藉機向Edan飾演的章成勳表白，並表示如果他再關心自己的話她就會越界，她數完3聲之後主動向男方獻吻，結果章成勳主動抱住陳映書再次深吻。2人回家後更展開一夜情，非常激烈，不過這場一夜情起碼卻足足遲了2集，去到第8集先有得睇。
港版畫面不如韓版刺激 網民感失望
該段副CP的激情戲播出後，反應卻未如想像般熱烈，皆因有不少網民都覺得與原版有落差，不但欠缺了原版入面的陳映書解衫鈕和陳映書被抱起的一幕，而且亦覺得Edan在沈殷怡身旁身形顯得非常瘦削，而且亦沒有韓版中的金旻奎大隻：「Edan好細隻」、「韓版女方有解衫鈕」、「韓版男方有扯開女方件衫」。不過，亦有不少網民大讚沈殷怡躺下之後「有嘢睇」，表示很羨慕Edan，而Edan在《大叔的愛》中的一句「我只喜歡大波妹」亦再次在網上瘋傳！
幕後照仲正過電視版
Edan事後在IG上載花絮照片，並表示「阿佛慘被…」、「陰功豬」；而導演黃汝樂在IG表示，第8集是用最多時間拍的一集：「戲如人生：當你現場等幾個鐘想佢停雨咩，但其實有啲戲係落住雨更好睇！」同時亦公開多張Edan和沈殷怡的床照，尺度似乎比起電視播出的版本還要大，令網民紛紛留言表示跪求「Director’s cut」：「有冇加長版/完整版」、「有冇加長天橋錫錫版」、「建議導演整個加長版」、「可否出Alfred映書高清加長版」、「真係cut太多啦！」
Edan親熱戲份唔敢同屋企人睇
Edan於上月《社內相親》的記者會中表示，自己和Anson Lo各自上演的床戲都是在同一日拍攝的，而且還自爆出動到2張King size床︰「我秘書嚟㗎，我要睇住總裁！佢拍先！（你咪向佢取經？）係呀！我梗係勁過佢呀！我各方面都勁過佢！」由於劇中有大量親熱鏡頭，Edan更講明自己唔會同妹妹「小如豬」一齊睇，因為怕到時候會dead air！至於Anson Lo則表示表示爸爸是盲粉，他做什麼都會睇，但媽媽就會感到不自在：「我媽一到嗰啲會即刻搵啲其他嘢做，去洗下碗呀，拎下嘢飲呀，我都估到佢一定避開嗰啲位睇。」
有什麼Netflix、Disney+推薦及必睇劇集？
為大家整理一下截至目前為止小編追過的Netflix影集清單，必睇Netflix電影或劇集片單；Disney+方面，則可以一看電影片單推介。
