湯洛雯 湯洛雯

33歲湯洛雯投訴男友馬國明未求婚!大爆生B後會引退做全職少奶奶

娛樂資訊

湯洛雯與馬國明愛得高調又甜蜜,一直受外界祝福,大家都想見到這對金童玉女早日拉埋天窗!日前湯洛雯現身麥玲玲師傅與林盛斌(Bob)主持的新節目《師父有請》做嘉賓,大爆原來正在等馬國明(馬明)向她求婚!

撰文:東方新地|圖片來源:湯洛雯IG圖片、TVB節目圖片、新傳媒圖片庫

湯洛雯自封「幸福公主」

湯洛雯(靚湯,Roxanne)日前和好友朱千雪、岑杏賢及蔣家旻一同為麥玲玲師傅與林盛斌(Bob)主持的myTV Gold新節目《師父有請》(Master’s Talk)擔任嘉賓,提到四人被稱呼為「2Line黨」,湯洛雯否認,並笑指幾人已由二線跌落三線:「我哋私底下個群姐名叫『幸福公主』,除咗我哋仲有張嘉兒。」

湯洛雯投訴馬國明未求婚
蔣家旻(左起)、朱千雪、岑杏賢、張嘉兒和湯洛雯五位好姊妹曾被傳媒封為「2Line黨」,但湯洛雯指她們私底下的群姐叫「幸福公主」,這五人中除了湯洛雯和蔣家旻外都已升呢成為幸福人妻。圖片來源:湯洛雯IG圖片

自言事業心重的湯洛雯被麥玲玲指最適合生B,她笑言自己婚後會繼續衝刺事業,但如果生B的話就可能會選擇引退,去全力照顧小朋友。

湯洛雯投訴馬國明未求婚
湯洛雯指自己結婚後會繼續衝刺事業,但如果生B的話就會選擇引退。(圖片來源:TVB)

講到自己的理想男友類型,湯洛雯笑言:「我比較鍾意搵個似我爹地嘅人,因為我阿爸係一個好乖、好錫屋企嘅人,我阿媽係凸、我阿爸就係凹,所以我想搵個類似嘅⋯⋯」

湯洛雯投訴馬國明未求婚
湯洛雯表示自己理想中的另一半要和她的父親一樣愛錫屋企人。圖片來源:湯洛雯IG圖片

與馬明一凹一凸

湯洛雯續說自己和男友馬國明也是「一凹一凸」的類型:「我鍾意講嘢,佢都會出聲嘅,會話:『你鍾意啦』、『幾好吖』、『無所謂啦』、『激死我』咁囉!」

湯洛雯投訴馬國明未求婚
現年33歲的湯洛雯與46歲的男友馬國明拍拖已有大半年,她甜爆兩人和自己父母一樣,都係「一凹一凸」的類型。(圖片來源:湯洛雯IG圖片)

而當問到經常被催婚係咪好大壓力?湯洛雯答:「唔係好大壓力,係畀人問到有少少厭、有少少答到呆咗。次次都問,答咗唔係,咁我女仔嚟呀嘛,人哋都未求婚,我點答你啫?訂婚一定會講,大家唔使再問,一定公開!」

湯洛雯投訴馬國明未求婚
被取笑公開訂婚喜訊時可能又會用公仔表達,湯洛雯笑言:「你唔好理啦,唔好褻瀆我兩隻公仔!」(圖片來源:TVB)

朱千雪 入行八年冇人追

此外,同場的朱千雪和岑杏賢都已分別嫁與醫生和金融才俊,成為幸福人妻,符合節目該集「嫁得好」的主題。現年32歲的朱千雪與圈外青梅竹馬醫生老公吳昆倫(Justin)結婚已有一年半,雖然近年已正式掛牌成為執業大律師,但她透露仍有意做幕前工作。

湯洛雯投訴馬國明未求婚
被問到老公是否靚仔?朱千雪呆足三秒才回應說:「我覺得靚仔咪得囉!」令眾人捧腹大笑。(圖片來源:TVB)

朱千雪又指自己入行八年來從來無被人追過,坐在她身邊的湯洛雯忍不住踢爆說:「我知點解,如果有人主動問佢攞電話,佢會答人:『你Send e-mail畀我啦!』咁。」

湯洛雯投訴馬國明未求婚
朱千雪指自己同老公細細個就認識,感覺好安全,亦無需要用好多時間去認識大家,她說:「咁多年遠距離戀愛我都好信佢,佢亦好信我。」(圖片來源:TVB)

她續說:「最衰試過一次,有個人同我合照,影完張相,佢問我攞電話想WhatsApp番張相畀我,我話:『唔使喇,張相你Keep啦!』就算拍劇男拍檔嘅電話我都冇,唔需要嘛,要聯絡會搵PA(助理編導)呀嘛!」

湯洛雯投訴馬國明未求婚
朱千雪指自己並非冷漠:「我個人本身性格就係咁,所以同我老公傾偈好舒服,唔使好深入了解,又唔驚佢呃我。」(圖片來源:TVB)

湯洛雯又讚朱千雪是個好女仔,如果遇到拍劇有性感或者接吻場口都會堅定拒絕,朱千雪表示:「如果可以唔需要就最好唔好。以前試過有場戲安排我喺天台跌落去時,男主角要扯住我,扯爛埋件衫,見到露膊好性感咁。我唔係唔想性感,而係我又唔係瘦,做嚟都嘥氣啦!我就將裡面件背心同外面件背心縫埋佢,扯極都係見到少少膊頭,而且我又怕被人cap圖,話我手臂肥。」

湯洛雯投訴馬國明未求婚
朱千雪指自己在拍拖後盡量拒絕吻戲,她說:「可能我啲戲太差,所以冇人會再搵我,如果我有腹肌同40吋腿可能唔同講法。」圖片來源:湯洛雯IG圖片

朱千雪又否認退出幕前,她說:「唔係,我想做,家庭同事業要平衝,以前係事業以外就自己煲劇,依家係事業以外,老公想煲咩劇就一齊煲,工作上無分別。」而提到生小朋友,她說:「我好驚生BB係因為我怕肥,我未生已經被傳媒講到我起碼生咗三件咁,話我有咗五個月,傳聞真到連我自己都猶豫!」

湯洛雯投訴馬國明未求婚
湯洛雯笑朱千雪係因為唔想露肉而轉行,因為做律師可以包實全身,仲戴埋口罩。圖片來源:湯洛雯IG圖片

岑杏賢 讚老公係極品

在去年11月結婚的岑杏賢透露:「起初我同老公第一次見面係完全冇興趣,好唔鍾意佢,唔明點解朋友會介紹畀我認識,佢外表唔係我想要嘅類型。我好膚淺,本身就諗住索性搵番娛樂圈嘅人就算,直至遇到我老公之後,覺得佢簡直係極品,感覺佢優點比我想像更加多!」而生B方面,岑杏賢表示會先尊重老公的意願。

湯洛雯投訴馬國明未求婚"
被問到老公最好嘅優點係咩?岑杏賢笑答:「太多、勁多!」(圖片來源:TVB)

麥玲玲指女星如果在娛樂圈做到一線好紅的話,就一定不會嫁得好,因為兩粒星相冲,除非結婚後急流勇退。而以四女的命盤所計,蔣家旻最適合在娛樂圈發展,但將來的婚姻要嫁得遠,才能開花結果。

湯洛雯投訴馬國明未求婚
早前獲得無綫「飛躍進步女藝員」獎的蔣家旻,被麥玲玲批最適合在娛樂圈發展,但將來的婚姻需要遠嫁。(圖片來源:TVB)

有什麼Netflix、Disney+推薦及必睇劇集?

為大家整理一下截至目前為止小編追過的Netflix影集清單,必睇Netflix電影或劇集片單;Disney+方面,則可以一看電影片單推介

有什麼必睇劇集?

不少美劇都被稱為神劇,小編整合了一系列必看美劇推介。當然,不少得韓劇陸劇台劇BL劇推薦。

你可能也喜歡

Recommended