江芷妮神隱15年變美容王國女王、連洗廁所都做埋!揭當年一原因離開無綫
江芷妮(Cherie)現年44歲,自07年淡出娛樂圈後,就專注發展美容事業,更成為兩孩之母!神隱近15年的江芷妮近日就為港開電視新節目《有種老闆娘》擔任嘉賓,透露當年決心離開無綫的原因,江芷妮大談成為兩間美容公司的老闆娘的過程非常艱辛,凡事落手落腳,就連洗廁所都一手包辦,看出要成為美容王國女王絕對不易啊!
江芷妮神隱15年變美容王國女王 揭1原因離開無綫!
江芷妮07年淡出娛樂圈後,專注於美容事業發展。江芷妮透露當年決心轉型,皆因不習慣娛樂圈的生活模式,她說:「其實當初入行,唔係話好想做明星,做藝人有好忙嘅日子,但亦有好得閒嘅時候,可能連續一星期都冇嘢做,我唔慣呢種生活,所以就想做多樣嘢,開始學做美容。」
江芷妮被下屬激發全身投入美容事業
江芷妮開拓美容事業後,因為「下屬」的一句話,激發了她全身投入美容事業,江芷妮表示:「有次有個同事想問我啲嘢,不過佢問完後,就話『我諗你都係唔識』跟住轉身走咗,令到我想喺呢行學多啲嘢,慢慢就全身投入,冇做藝人。」
江芷妮放下藝人光環 唔想只掛名做生意
江芷妮落手落腳發展美容事業,同客人溝通,遞毛布,甚至乎洗廁所都一手包辦,江芷妮謂:「做藝人畀人服侍開,但轉型做服務性行業,就要招呼番人,如果呢方面嘅心態調適唔到,就好難去做。當時安德尊對我好好,佢曾經同我講『芷妮,做生意掛個名就得,唔使落手落腳』但我覺得唔全心全意做、唔認識業務,好難做好,我想更深入了解呢個行業,唔係淨係掛名。」
江芷妮搬新舖由老公一手包辦
江芷妮於2012年嫁給了建築師男友Derrick,節目中,她被問到是否待美容事業上軌道後,才考慮結婚生子?江芷妮表示:「其實冇計劃,當時入行拍劇,搵唔到合適對象,覺得自己可能遇唔到、唔會結婚生仔,直至認識咗我先生就想生小朋友。」
江芷妮去年在疫情下除了誕下第二胎外,還搬新舖,她笑言未懷第二胎時已決定搬新舖,江芷妮謂:「好感謝先生幫手,新舖嘅設計、裝修、買一枱一櫈都係佢幫忙,我亦好感謝媽咪,70幾歲都幫我手湊小朋友。」
江芷妮入無綫6年 曾與馬國明做一對
江芷妮自2001加入TVB,曾演出《隔世追兇》、《同撈同煲》及《愛情全保》等劇,直到2007年離巢無綫後,江芷妮開始轉戰商界,有指曾豪擲7位數開美容公司,實行做老闆娘兼生招牌,為了生意更修讀了香港大學的工商管理碩士學位,2019年升呢為「香港美髮美容商會」副會長及會董組成員之一。
江芷妮神隱近15年,在什麼場合亮相幕前?
江芷妮近日就為港開電視新節目《有種老闆娘》擔任嘉賓,接受可宜訪問,透露當年決心離開無綫的原因… 詳情請看
江芷妮在無綫期間,曾演出什麼劇集?
江芷妮自2001加入TVB,曾演出《隔世追兇》、《同撈同煲》及《愛情全保》等劇,直到2007年離巢無綫後開始轉戰商界… 詳情請看