欣宜將繼承肥姐6千萬遺產 3千萬豪宅內藏衣帽間 長文悼念竟獲生日祝福

欣宜長文悼念肥姐離世14周年 自認兒時勁曳！

欣宜貼出被肥姐從後攬到實的溫馨舊照，欣宜以「過嚟，鍚番」為題長文懷緬跟肥姐的相處時光，欣宜自認兒時好頑皮。「睇吓我個樣幾頑皮。喺我返舊相嘅過程中發現由六歲至13歲期間影過嘅所有相入面我個樣都係古靈精怪。」

欣宜：「肥姐大喝一聲、嚴厲眼神，我就會靜下來」

「你以為我影相時做鬼臉係因為要掩飾對自己外表嘅不滿？可能都有關嘅⋯但係我知，佢都知：安安靜靜、乖乖女女、正正經經、坐定定的對我來講先至係一種掩飾。之前都講過細個時嘅自己真係好曳。當我嘈喧巴閉、跑來跑去、坐唔定嘅時候佢只會大聲喝我一聲『鄭欣宜』再加多一個嚴厲眼神我就會靜止下來（其實通常唔使講任何野，掘我一眼就夠）。」

欣宜：肥姐一定會叫我「過嚟，錫返」

但當我最跩最跩例如蝦婆婆或者突然變Moody黑起塊面冇禮貌唔睬人或者講大話時⋯佢真係會兜巴星我。然後佢就會叫我跪喺地下掹住耳仔。最搞笑係，畀佢打完，我梗係會喊啦～佢就會叫我『唔準喊！』

吓！？！

所以喺我又掙扎緊想喊但又唔準喊⋯又反思點解我會俾佢打俾佢鬧，自己做錯啲乜嘢⋯當我開始感到內疚時真係諗得通了，佢一定會叫我『過嚟，錫返』，然後我就會好似隻小胖羊走到佢身邊，貼住佢。佢就會攬住我，好聲好氣同我解釋我錯喺邊度。佢會同我解釋⋯其實打我佢仲痛過我。

欣宜等待一個叫我「過嚟，錫返」嘅人

今年35歲了。佢都走咗14年了。

人越大越珍惜佢那種不離不棄。無論我有多壞，無論我令佢多失望，到最終佢都會叫我「過嚟」然後錫返我。

如果我搵到一個⋯同樣對我不離不棄⋯ 當我嘈喧巴閉、跑來跑去、坐唔定嘅時候⋯當我唔覺意發洩我嘅脾氣喺別人身上、突然變Moody黑起塊面冇禮貌唔睬人(yes, i still do this often)、當我唔知點處理問題然而瞞騙世界進入報喜不報優的狀態嘅時後⋯都能接受我嘅好與壞，在任何情況的最終都會叫我「過嚟，錫返」嘅人⋯就好。#我仍會等

欣宜分享與肥姐舊照網民集體「炒車」送生日祝福

留言區不少人都向欣宜送上祝福，直言「Happy Birthday」，又指希望欣宜有美好的一天，更有人指「過嚟，姨姨錫返你」。成件事就好似為欣宜雪上加霜一樣，在自己母親的死忌上竟然收到「Happy Birthday」的祝福…

欣宜3千萬豪宅曝光開party一流

欣宜不時都會透過Youtube向大家分享她的日常或是美妝技巧，而拍片背影往往都在自己家中，因此也無意中令她位於西半山的千呎豪宅曝光。

客廳可以容納至少20人，欣宜更買入多盆植物放置於客廳；而飯廳更擺有一張7人飯桌，方便招呼眾多朋友。此外，睡床更擺有一張king size大床，更設有衣帽間，可想言之空間非常之大。

欣宜35歲可繼承6千萬遺產

欣宜除了擁有價值3千萬的豪宅外，其實肥姐更為了讓愛女能夠衣食無憂，生前留下6千萬的遺產給她。不過為了防止當時年紀尚小的欣宜會揮霍，於是生前便立下遺囑，要求欣宜在35歲後才可領取其合共6千萬的遺產。而欣宜即將滿35歲，也意味著終於能夠領取到全部遺產，屆時便立刻成為小富婆，下半輩子也能不愁吃喝。

欣宜愛表演卻得不到關注

出道多年的欣宜其實一路走下來都不容易，在ViuTV節目《歌手．門》中，欣宜就坦言自己希望可以透過表演令觀眾感覺高興，只要娛樂到大家，就能令她感到非常有滿足感。

不過因為是肥姐和鄭少秋的女兒，作為「星二代」的她自小擁有不少演出機會，因此也令觀眾對她的外表及演出都無限放大，從而批評，令她負評無數。她更透露連家人都不贊成其夢想，認為只是「發明星夢」。

欣宜努力終得回報

不過她仍憑著多年努力堅持不懈終於被網民們看見，更從以往新歌派台無人問津，到現在新歌上架便登上排行榜頭十，而今年更入選叱咤「我最喜愛的女歌手」最後五強，實力終於被大家認可，一切都苦盡甘來。