偷圖KOL 「牛油果小姐」楊舒婷刪完留言終道歉 海外傳媒都有報！
曾經與方力申拍旅遊節目時傳出緋聞嘅KOL兼模特兒Sadelle (楊舒婷)喺網上都頗有人氣，其IG有逾九萬followers，但早前佢被踢爆原來係Google搵相扮識煮嘢食同去旅行！被人公審完一輪，Sadelle初時就不理網民的尖酸刻薄留言，將有關相片同留言刪除當冇事發生，點知件事愈演愈烈，仲上埋海外報章，最近Sadelle終於發文道歉，睇下佢點講！
撰文：東方新地 ｜ 圖片：Sadelle IG、BuzzFeed.News、連登討論區、網上圖片｜編輯：Cherry@Central
被指「猴子偷圖」楊舒婷即刻Del相
KOL兼模特兒Sadelle樣靚身材正，標致樣貌、豐滿上圍同白滑長腿通通有齊，但早前就被踢爆係「猴子偷圖」⋯⋯
事發後，Sadelle隨即刪除了IG內過百張相片，網民就反應激烈繼續鬧爆！
偷相呃Like被踢爆
Sadelle的眾多IG相中，有唔少旅遊同食物相都同一啲網上相片「出奇地相似」，無論係角度、色調、細節都一模一樣喎！無得解釋啦？
Google相片當旅行？
食物照都唔放過
Sadelle一系列飲食相片都有個「#Sadellecancook」嘅Hastag，但入面啲相就係人哋嘅！
最經典：「牛油果KOL」搵完食譜扮識煮
在她偷眾多的圖當中，最經典是以下這張牛油果，偷完圖仲要扮自己煮，真係「辛苦晒」！
網民鬧爆：好x肉酸呀！
網民於討論區踢爆Sadelle偷圖，再發文整理事情嘅來龍去脈，Sadelle刪圖後更引嚟網民瘋狂洗版留言！
刪圖後更引嚟網民瘋狂洗版留言！
不認不認還須認Sadelle發文道歉
被網民的狠批完，Sadelle貌似醒覺，終於轉口道歉，話自己反思完確實認為自己做錯，承諾唔會再犯，仲話要真係學下煮嘢食喎⋯⋯
連海外傳媒都有份報導！
勢估唔到，事情愈鬧愈大，海外媒體BuzzFeed.News亦有報道今次事件。網民更恥笑咁話，搞到臭名遠播，先焗住道歉喎！呢層小編就唔知啦～
IG Stories 回應粉絲問題
道完歉之後，Sadelle繼續有喺IG同粉絲互動，挑選咗一啲鼓勵嘅留言嚟回應，多謝佢哋嘅支持。不過佢好似好積極咁刪完一輪留言又終於道完歉，最後補句話「好多嘢唔係佢控制嘅範圍之內」，不過唔知佢指啲咩喇！
鐵粉支持 網民唔受
Sadelle道完歉之後，亦有唔少網民留言，獲部分群眾諒解，但亦有網民唔受落，指佢都係為咗搵食先焗住道歉。不過今次就醒番少少，冇再DEL留言，仲有讚好部分負評添！
Sadelle樣靚身材又好，之前去南非旅行現真身，今次應該唔係偷圖喇！唔知佢道完歉又使唔使到底呢？
有什麼Netflix、Disney+推薦及必睇劇集？
為大家整理一下截至目前為止小編追過的Netflix影集清單，必睇Netflix電影或劇集片單；Disney+方面，則可以一看電影片單推介。
