楊千嬅紀錄片自認好勝唱得衰 陳奕迅重提被楊千嬅吸引原因、嘈交多過食飯
楊千嬅最近活躍於《聲生不息》,不過近日亦於網上推出全新紀錄片《I · II · III MY STORY》,楊千嬅更邀請到陳奕迅、Paco黃柏高、吳彥祖、丁子高等人現身,大談相識至今的趣事!紀錄片最令網民注目當時是楊千嬅「緋聞男友」陳奕迅,陳奕迅更在片中重提與楊千嬅嘈交多過食飯,直指:「同我拗?我冠軍喎!」
楊千嬅邀陳奕迅現身紀錄片!Eason重提被楊千嬅吸引原因
楊千嬅陳奕迅曾傳緋聞
楊千嬅與陳奕迅認識多年私交甚篤又傳過緋聞,紀錄片中他分享二人相識經過﹐因95年第十四屆新秀歌唱大賽結緣。他形容千嬅性格倔強,有「大笑姑婆」之稱卻不太愛笑,他說;「呢個就係當時吸引到我嘅地方。」他又形容千嬅夠「男人」:「咁多年佢都冇變過,都係『喂!陳奕迅!』,其實我覺得有少少粗魯㗎!」Eason又提到與千嬅經常意見不合:「我講東佢講西,我就真係有嬲!你會識得多過我?我假假地都皇家音樂學院,有文憑,我係八級聲樂喎,同我拗?我係冠軍喎!」
楊千嬅自認好勝唱得衰 叱咤冇獎即刻捉同事開會
楊千嬅曾8次奪得「叱咤我最喜愛女歌手」,是樂壇上的紀錄保持者。她在紀錄片中自認好勝:「做artist唔好勝,做嚟做乜?1月1日(叱咤頒獎禮)冇獎嘅話我第二日即刻捉(唱片公司)同事開會㗎!」她又自認唱得衰,但要知道自己點解輸:「有段時間我係唱得衰嘅,我必須承認。我要知道自己點解輸,我先可以繼續進步。」
網民反應兩極 直言:過主啦!
楊千嬅紀錄片一出,網民持不同意見,fans們留言:「我也期待已久」、「開心!終於可以睇到!!!」、「終於有啦! 等到頸都長」、「無懼閒言閒語,永遠都會支持你」。但亦有不少網民反感,直言:「過主啦」、「無興趣!」、「香港歌迷真的不重要嗎?點解芒果TV比YouTube早播?真的令香港樂迷失望」。
楊千嬅多張入行前舊照曝光
陳奕迅點樣形容楊千嬅?
陳奕迅形容千嬅性格倔強,有「大笑姑婆」之稱卻不太愛笑,又形容千嬅夠晒…詳情請看
楊千嬅無獎拎會點?
楊千嬅自認好勝,曾8次奪得「叱咤我最喜愛女歌手」,是樂壇上的紀錄保持者;1月1日(叱咤頒獎禮)冇獎嘅話,楊千嬅第二日會…詳情請看