林盛斌 太太曾經歷小產 終於陀B仔！
已有3女嘅 林盛斌 （Bob）同太太Pearl，日前喺fb宣佈陀第四胎，今胎仲要係囝囝啊，預產期是今年9月！但原來Pearl去年尾曾經歷 小產 傷痛，所以Bob認為幸福唔係必然，仲叫大家集氣，希望BB喺媽咪肚中健康快樂成長！
Text: Sundaykiss
Bob星期六在FB宣布喜訊，留言話：「各位，我正式宣佈：『我又做爸爸呀！』霏霏、熹熹、機機，你哋有細佬嘞！」
生夠四個一定會封肚
其實Bob上月接受Sunday Kiss訪問時，坦言和太太正努力追多個仔，不過無論追唔追到， Pearl話生夠四個一定會封肚，四個已經好完美。原來嗰陣已經有咗細佬B啦！Bob幫細佬B改咗個乳名叫「大兜仔」，仲話囝囝似足自己！
太太去年曾經歷小產
其實Pearl喺上年11月曾經歷小產，Bob話當時只陀咗2個月，可能陀得唔穩。直至12月Pearl再次懷孕，當時兩夫婦有共識過咗五個月，等陀穩啲先講！囝囝預產期是今年9月。
養六個女人要過億
N年前「風之后」李麗珊話生一個要400萬，現在連通脹計算就不止此數目，Bob要養三個，嚟緊仲有第四個B，還租住加多利山大屋，Bob的開支十分巨大，坦言要再努力搵錢養家。佢早前接受訪問時講過：「仔都話求其俾啲嘢佢食、俾啲嘢佢玩，但女唔得，女仔啲嘢精緻啲，又貴啲、巴閉啲，你諗吓一個女朋友使你幾多錢？我依家屋企有三個女朋友，加埋我老婆，仲有兩個工人，佢兩個都要氹㗎喎，唔止千幾萬，億幾先啱呀！」
有什麼Netflix、Disney+推薦及必睇劇集？
為大家整理一下截至目前為止小編追過的Netflix影集清單，必睇Netflix電影或劇集片單；Disney+方面，則可以一看電影片單推介。
