林作應戰鍾培生100萬擂台拳賽 舊愛麥明詩直斥：你呀媽都有勇氣過你
林作與鍾培生大戰一觸即發，連舊愛麥明詩及曾志偉等對人也被捲入戰爭中。事源是擁有百億身家的富三代鍾培生接受傳媒訪問時提到每年都會豪派100萬去回饋訂閱會員，林作卻留言嘲諷：「抄我100萬？」隨後鍾培生向林作發出隻揪宣戰，林作回應「驚都未驚過」更眾籌70萬上擂台，突然又改口表示要給200萬鍾培生，讓自己打他一鑊，鍾培生就直接攞出100萬現金，邀請林作「擂台見」！事件至此仍未完結，林作暫已應戰，到底最後百萬擂台戰會否打成呢？到時自有分曉，在大戰前不如先重溫林作鍾培生擂台拳賽的事件懶人包吧～
原文刊於：東方新地｜圖片來源：林作、鍾培生、麥明詩IG及FB圖片
林作對戰鍾培生：為作戰作準備
林作早前曾以半價出售心愛的名牌西裝，表示要籌夠100萬以為其保險團隊招募100個人才。金額與鍾培生訪問中所說相同，因此林作在這篇報道下留言嘲諷：「抄我100萬？」鍾培生隨即向林作宣戰說：「你咁想紅我幫你，我地打一場，你贏左我幫你找100萬，你輸左我都比30萬出場費你。」
林作初時曾上載自己兩張打拳照，揚言：「驚都未驚過。我打開。」又在網上發起眾籌70萬，話要「同佢死過！」但並未有寫上收款方法，而鍾培生就回應：「你唔使呃香港人錢，你話要有一球就打，無問題港幣一百萬我贏輸都畀你，我依家book場搵製作同寫合約，你唔使講咁多廢話你簽約唔好縮沙就OK。No bullshit let’s go！」
兩個有錢仔派咁大粒花生，網友當然搶住食，不過網友偏向覺得鍾培生贏面比較大，留言勁寸林作：「你都應該比人教訓架啦。」、「打死左，就係林作保險最大既宣傳。」、「知唔知你對手曾經係拳手？」、「一睇你身形就知你係練武奇才，加油。」
之後林作上載與母親飲茶及派利是照，表示「無暇顧及鍾先生的邀約」，又說：「目前本人態度開放，但老媽子表示不認識鍾先生，擔憂未夠知名度（並非惡意，僅僅陳述事實），需要少少時間起底並衡量。我們不懷疑對方家底比自己厚，但有錢不代表一切。」似乎採「拖」字訣。
到了今日（2月19日）凌晨林作又改口對鍾培生說：「鍾培生先生，我諗過架喇，以下係我嘅答覆：我畀200萬港紙畀你，你畀我打一鑊。」又上載生髮廣告片，話自己正在調理身體，為作戰作準備，並在片中戴上一條毛巾頭帶時，說：「呢條頭巾會係我到時上擂台PK鍾培生時所著嘅！」瘋狂抽水！
鍾培生：唔該唔好再抽我水
網友都紛紛留言鬧爆林作淆底縮沙，表示：「仲喺度拍廣告！？咪走數，幾時打？」、「人地錢都拎埋出黎，你唔係唔打呀？」、「笠水唔打就出聲啦，做男人做到咁核突。」、「同佢打好過你做COT喇！一日賺一百萬，我係你就撩佢星期一至五日日打，星期六日休息shopping買西裝。」
而鍾培生就晒出一張手拿一大叠一千蚊紙的相片，再度向林作宣戰說：「林作呢度100萬，你簽左就係你嘅。我本身唔識你，你零誠信令我睇唔起你。唔該你唔好再抽我水，我唔想同你拉上任何關係。擂台面前人人平等，你要借我上位擂台見。我相信打得成，會係近年來香港人最開心嘅事。No bullshit let’s go！」
網友都大讚鍾培生係「真男人」，又話「支持打爆林作」、「打完媾埋佢條女」、「有冇得眾籌打死佢」、「支持啊！唔好放水！加操打大力啲！」、「鍾老闆，打還打，記得打面！」等，狂食花生，連王晶個女王子涵都有留言力撐鍾培生！
林作宣布應戰：「Let’s go. No pussy」
林作先上載一張列有十條拳賽條件的圖片，並寫道：「我的條件，絕對不會這麼苛刻」，隨後又上載兩段影片，一段是自己踢足球的身姿並言：「睇下我敏捷嘅身手 – 我會怕打唔過佢？！我怕我快得太過份嚇死佢咋！」；第二段則拍攝了葉問經典畫面並寫上相似的經典對白：「你地咁想睇我打，我就同你打。」最後，他上載一幅狀似模仿葉問造型的照片以正式宣布應戰：「各位，本人正式宣佈：我接受挑戰。詳細資料需要和鐘生夾下，請大家稍候。Let’s go. No pussy.我從未龜縮過。我係林作。打殘鍾培生計劃，由今日開始。」
舊愛麥明詩罕見轉發 直斥林作：「你呀媽都比你更勇氣更有力量」
麥明詩看不過眼林作以No pussy來表達懦弱的意思，她轉發帖文並寫道：「你地兩個打還打, stop making sexist remarks. Vaginas are no weaker than penises. Your mothers had more courage and strength than both of you when they gave birth and raised you. Stop equating weakness and cowardice to women.（停止發表性別歧視言論。陰道不比陰莖弱。 當你母親生育並撫養你時，她比你們兩個都有更大勇氣和力量。不再將軟弱和怯懦等同女性）」。表達了對於林作用字不當的不滿。
麥明詩罕見的回應舊愛的消息，讓眾多網民大感驚訝，而網友不約而同都將重點放在林作是她人生最大污點，並勸她不要再管前度的事情。
鍾培生：「我從來唔打女人，你將會係第一個」
鍾培生得悉林作應戰，他亦不甘示弱直言：「我從來唔打女人，你將會係第一個，我會打到你記得我個鍾字點寫。Sign the fxxxxing contract. No bullshit let’s go」讓網友相當期待大戰的來臨。
林作建議曾志偉買直播權
林作更公然為兩人的「臨終之戰」尋找商機，他在社交平台公開向TVB副總經理曾志偉喊話：「致TVB 副總經理曾志偉先生：本人將同終生提議，建議TVB買下「臨終之戰」直播權。既然閣下負責綜藝節目，希望改革，一洗頹勢，咁就讓無綫回歸當年本質，為大家帶來真正嘅娛樂吧。我能夠一舉將收視推上當年高峰。因為本人代表的，就是現今時下的娛樂。唯一問題，係唔知你OK唔OK台上搞出人命。畢竟，目前業餘足球圈瘋傳，話林作，其實係個好勁嘅運動員，重錘出擊，後果自負。」網民笑言最後會不會變成打和，super！
林作公開訓練成果 找保險下線當教練
林作又上載了一段影片介紹他的教練，並展示了他的練習成果。
有什麼Netflix、Disney+推薦及必睇劇集？
為大家整理一下截至目前為止小編追過的Netflix影集清單，必睇Netflix電影或劇集片單；Disney+方面，則可以一看電影片單推介。
