李麗珍25歲愛女許倚榕撞樣陳法拉 仙氣造型照曝光被讚「最美星二代」！網民跪求快出道
星二代一向備受矚目，皆因大多都遺傳了父母的強大基因，一出生便是人生贏家。李麗珍的女兒許倚榕也不例外，許倚榕女大18變獲網民大讚愈來愈美，更被指與一位女神撞樣，不過並非撞樣媽媽李麗珍，而是女神級人物陳法拉！
李麗珍25歲愛女許倚榕撞樣陳法拉 仙氣造型照曝光
李麗珍女許倚榕今年25歲，在加拿大大學主修設計，向來低調的許倚榕自被發現社交網後，網民驚訝昔日的怕醜四眼妹，已長大成氣質美少女，被指無論正面定側面，以致氣質都激似陳法拉﹗網民留言指：「無珍妹咁肉地，但有靚腿﹗」、「似全盛時期的陳法拉」、「唔似阿媽阿爸似法拉」等！
李麗珍：個女對幕前無興趣
有指許倚榕成為不少娛樂公司及模特兒公司的目標，可惜大學畢業後的她選擇低調生活﹗不過李麗珍卻表明不支持女兒入行，又代為發言指女兒對幕前冇興趣，只想在設計方面發揮所長，而且不喜歡五光十色的生活，只想低調生活﹗早前卻突然公開兩輯一黑一白造型照，立即被網民追問是否準備好出道﹗
許倚榕罕有貼出黑白造型照，服裝、髮型及化妝明顯經過精心設計，穿上吊帶背心裙，激罕微性感低胸又騷長腿，對鏡頭擺出各種甫士，輕撥秀髮，散發仙氣﹗
一代性感女神李麗珍與音樂人許愿離婚後，一直同囡囡許倚榕 (Annise) 相依為命。轉眼間 Annise 已經25歲，仲遺傳咗媽媽嘅優良基因愈大愈索㖭！許倚榕是否挾星二代之名入行，仍未知曉﹗只知道她與好友孖住在網上賣衫，自己做埋生招牌﹗在網店上賣韓式便服，全部時裝都由她和拍檔親自示範吸客﹗
李麗珍囡囡許倚榕女大十八變
仲記得細細個已跟住爸爸出席公開活動，Annise 當年仲戴住眼鏡怕怕醜醜，不過女大十八變，大學畢業的Annise 已長得亭亭玉立，眼大大、鼻高高五官標緻，白滑纖幼長腿同樣吸睛，同媽咪有得揮！
Annise 不時喺 IG 開心 share 生活相，早前同媽媽 一齊慶祝生日，拍埋去天生 baby face 嘅李麗珍身邊，十足兩姊妹一樣！爸爸許愿亦不甘示弱，大晒同個女嘅今昔對比圖，證明童年、現在都咁可愛！
名花有主常出po放閃 唔做藝人做設計
Annise 咁靚女當然大把人追，可惜佢早已名花有主，仲經常 po 出同男友嘅甜蜜合照放閃，又攬又錫鬼咁煙韌。雖然以 Annise 嘅條件要喺娛樂圈闖一番事業絕對唔難，不過李麗珍曾經講過囡囡冇意入行，只想向設計方面發展。李麗珍仲話從來唔會嚴管囡囡嘅工作以及感情事，只要囡囡開心就好，難怪同囡囡感情咁好啦！
有什麼Netflix、Disney+推薦及必睇劇集？
為大家整理一下截至目前為止小編追過的Netflix影集清單，必睇Netflix電影或劇集片單；Disney+方面，則可以一看電影片單推介。
