朱玲玲63歲生日獲「跳水皇后」郭晶晶祝賀 好新抱視奶奶如親母！回顧「最靚港姐」多年不變美貌

部份原文刊於：東方新地｜圖片：東方新地、新傳媒圖片庫、Weibo

朱玲玲63歲生日獲好新抱「跳水皇后」郭晶晶祝賀

朱玲玲即將踏入63歲，3名愛子霍啟剛、霍啟山及霍啟仁當然要與媽媽提前慶祝大日子，3子與媽媽的合照中親密無間，可見即便是再婚後好與兒子的關係也相當好！網民除了感嘆朱玲玲多年不變的美貌外，更大讚朱玲玲3名兒子也儀表不凡，遺傳了媽媽的美貌。

郭晶晶：Happy Birthday，Mum！

朱玲玲大仔2012年與「跳水皇后」郭晶晶結婚，身份大新抱的郭晶晶當然也有出席。郭晶晶更上載了二人合照並寫道：「養兒方知父母恩…Happy Birthday，Mum！ 感謝你把霍啓剛養育得如此優秀！ 感恩今生有緣讓我們成為一家人！」可見郭晶晶完全視奶奶朱玲玲如親生母親，更感激奶奶把兒子養育得如此好，相信朱玲玲一定甜到入心。

重溫朱玲玲夫唱婦隨拍拖公幹 愛得甜蜜

新一年度香港小姐又即將誕生，話就話長江後浪推前浪，不過香港人相信絕對不會有異議，幾多浪都唔會取代到朱玲玲「最美麗港姐」地位。朱玲玲日常除咗湊孫、同朋友打羽毛球、熱心公益同慧妍雅集活動以外，重心唔使講，當然係陪吓老公，即重溫2人有多甜蜜！

貴為瑞安集團董事長工作再忙，都盡量陪太太朱玲玲四圍去、出席活動。當年年頭難得擠出七日大假同朱玲玲飛去澳洲攤抖吓，平時就係老婆變身賢內助，陪番轉頭周圍公幹。日前上午返公司處理業務、下午要趕直通車上廣州，好彩有個好太太負責收 拾好短程行李、晨早先去時代廣場採購物品、再夾啱時間去到瑞安中心門口接埋羅康瑞齊齊去到紅磡火車站。兩公婆一如既往衣著樸素、連色系都係一個tone，肩並肩從落車處行入車站。經過零食店，朱玲玲買多兩合禮盒零食北上送禮、羅康瑞就乖乖企埋角落等太太買妥一齊出發。都話幸福唔係睇身家多少，而係關乎身邊有個啱key另一半。

「最靚港姐」朱玲玲靚足40多年打羽毛球keep fit

朱玲玲自言沒有特別保養容顏，只會keep住打羽球鍛鍊身體，朱玲玲自爆近年羽毛球腳葉倩文愛上哥爾夫球，所以近來練波都搵咗馬浚偉頂上。

除咗公事同慈善活動，兩公婆參加私人聚會亦形影不離，經常可見羅康瑞陪朱玲玲見老友林子祥、葉倩文、杜德偉及李樂詩。

回顧朱玲玲多年不變天然美貌史

77年當選港姐冠軍，九個月後舉行童話婚禮嫁入豪門霍家，朱玲玲不論任何階段、身為三子之母定係一對孫仔孫女的嫲嫲，四十多年來容顏氣質不減當年，最美港姐稱號絕對當之無愧！即看看她多年來的美貌吧～

19歲

77年當選港姐冠軍，被封「最美麗港姐」！

20歲

20歲嫁霍震霆。

46歲

仔都咁大，朱玲玲仍明艷照人。

59歲

同麥明詩合照都唔輸蝕。

63歲

以大會評判身份出席香港小姐2021準決賽，網民讚天然又順眼！