朱敏瀚捱足12年終被力捧躋身一線小生！情場坎坷兩段情皆分手收場

輕·功｜朱敏瀚繼《拳王》再度跟黎耀祥演父子

現年30歲的朱敏瀚近年成為「上位」小生備受大台力捧，不少熱播劇集都看到朱敏瀚的身影，如《換命真相》、《拳王》、《痞子殿下》等等。今次於《輕·功》繼《拳王》再跟視帝黎耀祥演父子，或許有上次合作的經驗，今次二人合作更起了不少化學作用，朱敏瀚亦接受訪問時直言：「有一排開工好似返咗屋企」。

朱敏瀚奪《萬千星輝頒獎禮2021》最佳男配角！

朱敏瀚繼2020於《萬千星輝頒獎禮2020》打敗對手羅天宇、丁子朗、馬貫東、謝東閔等小生，憑《反黑路人甲》、《機場特警》及《C9特工》獲得「飛躍進步男藝員」獎後，2021年再憑台慶劇《換命真相》韓籍律師「朴寶劍」一角奪得「最佳男配角」獎！獲獎的他即時眼泛淚光表示：「我細個每一餐飯都係用電視撈飯，電視劇對我影響好大，好多謝自己17歲揀咗行演員條路。呢度（TVB）係我第一份工，我係喺呢度成長，多謝公司。我好享受自己依家做緊嘢……我好希望我會保留呢個對演戲嘅初心」，最後更首尾呼應指希望每家每戶都延續住電視撈飯的傳統。

朱敏瀚演活《反黑路人甲》中的陸秋，成功脫離一向陽光少年的形象，黑幫打手一樣入形入格，如此大突破難怪奪得「飛躍進步男藝員」。

朱敏瀚17歲入行 捱足12年操肌改形象成功！

朱敏瀚17歲中學畢業後，便投考無綫藝員訓練班入行，對演戲有很大憧憬，可惜被斯文瘦弱外形局限，每每只被派演主角年輕版及做主角細佬角色，早年發揮機會不多，更曾因體弱多病而試過失去角色。直至18年接拍劇集《機場特警》，朱敏瀚終於開竅，努力操肌洗走孱仔形象，拓闊戲路，隨即演出機會增加！

朱敏瀚為《機場特警》花數月操肌 一星期做5日Gym

朱敏瀚一向想打破主角細佬宿命，有知情者指：「喺無綫十年，Brian（朱敏瀚）接親都係啲唔起眼角色，始終冇自己嘅Character，佢好唔甘心，解唔開心結都成日搵朋友呻，咁啱接到《機場特警》呢套劇，因為要做機場特警組隊員，要拍攝好多特訓場面，一定要保持高體能，瘦弱身形更加冇說服力，於是佢花咗幾個月時間操肌，更加練到開竅，明白要打破自己外形局限，先可以爭取更多機會，好積極做 Gym，最初靠自己練，後來搵埋教練幫手，一星期做 Gym做足五日，嫌自己太白唔夠Man，仲去曬埋太陽燈。」

觀眾眼前一亮，無綫一班監製亦對朱敏瀚改觀，爆肌終於令他有運行連拍四劇，當中《反黑路人甲》、《踩過界 II 》都有不少發揮機會，據朱敏瀚好友透露：「最初操肌係想拓展戲路，都係諗住博一博，健身之後，發現身體健康咗，拍劇捱更抵夜都唔會咁易病，而且真係多咗好多演出機會，好似喺《反黑路人甲》，佢已經升呢做男三，監製仲安排佢有打拳戲，繼續騷肌，發揮機會多咗，佢覺得自己揀啱咗路，依家都繼續 keep住做 Gym。」

朱敏瀚曾被兩病纏身失角色

2017年正在趕拍劇集《是咁的，法官閣下》的他，同時兩病纏身，口水腺生石以及扁桃腺發炎，因口水分泌不足不能吃飯，扁桃腺又經常發炎，每星期要打針消腫，令他拍劇時相當辛苦，拍完該劇即入院做手術，也因為手術後要休息，失去《包青天再起風雲》一個重要角色，令他相當失落。據知情者透露：「嗰時佢啱啱同公司申請調離《都市閒情》冇耐，唔做主持，都係為咗可以有多啲機會拍劇，點知又因為身體出事，要做兩個手術，令佢接拍唔到《包青天再起風雲》一個幾重戲份嘅角色，佢覺得自己好唔爭氣，嗰時好唔開心，朋友不停安慰佢，佢先收拾心情再等機會，好彩皇天不負有心人，佢之後有機會演出《好日子》及《 C9特工》，令佢明白人嘅際遇，有失亦會有得，最緊要先裝備好自己！」

朱敏瀚入行多年收入不穩 加入《都市閒情》曾一度感打擊

朱敏瀚愛演戲，一心只想演戲的他曾被公司安排擔任《都市閒情》主持，他直言起初確實受到打擊。然而在加入節目後，他發現《都市閒情》對他而言亦是一種鍛練，亦是他入行以來最能感受到「大家庭」感覺的節目，大王安德尊及監制也非常照顧他，而且在那段時間的收入也較多。藝人工作收入不穩，退出《都市閒情》後便沒有了穩定的收入，他曾跟媒體透露母親知道他收入不穩，會塞八達通給他，但他也盡量不要。在收入少時或許無法給予家用，假如某段時間收入較多便會給一大筆錢作家用，作為子女當然想養活父母，不希望還要靠家人養。

朱敏瀚曾跟蔣家旻「秘戀」2年？

朱敏瀚跟華姐冠軍余思霆的一段情最為人熟悉，二人於2019年合作劇集《好日子》一拍即合，交往過程間二人感情相當穩定，而且朱敏瀚亦曾表示視對方為結婚對象，可惜今年7月兩人無預警下各自於個人社交平台宣布分手，當時二人寫道：「謝謝你的付出和留下的美好回憶，以後我們仍是像家人一樣的好朋友，一如以往支持對方，謝謝你，我們都變得更好。」外界猜測二人分手主因是聚少離多致分手。

不過跟華姐冠軍余思霆交往前，原來朱敏瀚跟「反骨琪」蔣家旻曾交往接近2年後分手，直到劇集《換命真相》二人再次碰面，劇中更飾演情侶及有接吻戲，但當時二人異口同聲表示完全不感尷尬，朱敏瀚甚至被女方大讚人品及氣場好好。