男同學爭媾 朱千雪 變身 Law界女神
朱千雪 喺近排周六、日熱播嘅劇集《踩過界》中，雖然只係客串，但一樣成為網友熱話。無他嘅，美貌與智慧並重嘅千雪BB人紅唔囂又夠貼地，而且好學不倦，停工一年走去讀法律博士，係男人見到都心動，難怪她踏入校園變身 Law界女神 ，唔少男同學都爭住媾。日前成班同學為她慶祝29歲生日，其中兩名老是常在千雪身邊出現的男同學都在場，但兩男氹到女神笑晒都冇用，因為佢自爆同外地的醫生男友Justin Ng正在了解中，同學仔都係畀心機讀書啦！
Text:東方新地｜ Photo:東方新地、weibo ｜Edit:希彤
朱千雪 停工讀書 變身Law界女神
朱千雪 5年前選港姐，當年無綫玩全民普選，一直領先的她最後因冧server失后冠，但塞翁失馬，其發展比冠軍張名雅更順暢，成為當家花旦拍劇又受客戶歡迎。去年Tracy於香港中文大學企業傳播社會科學系碩士畢業後，竟選擇停工一年，再修讀香港城市大學法律博士學位，雖然大部分時間都放在學業上，但去年12月她趁學校假期空檔接拍正熱播的新劇《踩過界》，期間又接商場騷及品牌代言，keep住人氣高企。
為人貼地 呻冇時間識男仔
朱千雪為人貼地，素顏返學待人絕無架子，還引來唔少狂蜂浪蝶，成為 Law界女神 ，不過她為讀書犧牲不少私人時間，有時一日要花10至12小時溫習，再加上空閒時要接job幫補學費，今年情人節佢都公開呻冇時間拍拖，單身dry爆：「情人節都係約岑杏賢食飯，就算遇到都冇時間了解。可能自己敏感度唔高，大部分朋友都係女仔，又冇乜新朋友發展，唔覺有男仔追，依家淨係掛住讀書，唔諗其他嘢。」更笑言同班同學大多都是90後，直認年齡差距有尷尬。
男同學陪慶生 爭住獻殷勤
據知千雪所讀的博士班陰盛陽衰，男同學十隻手指數得晒，開學9個多月以來，能夠打入女仔堆的只有兩位男同學，6月23日晚上，一班法律系同學為千雪搞了個驚喜生日會，五女對兩男，飯局上兩名穿恤衫的斯文男同學施展渾身解數，全晚話題不斷氹女笑，壽星女亦表現得非常開心，飯後眾人捧出生日蛋糕為她製造驚喜，全場食客齊唱生日歌，千雪BB笑到見牙唔見眼。
飲飽食醉三個鐘，離開時恤衫男先行步出睇水，發現本刊記者後，他即向朱千雪打小報告，生日派對要散band，兩男望住千雪BB面露不捨之情。心情大靚的朱千雪邊行去停車場攞車邊與本刊記者閒聊，更大方表示當晚吹蠟燭後許了個「學業進步」的生日願望。
自爆與筍盤了解中
有指千雪因三高(高學歷、高收入、高顏值)難搵男友，她卻聲言擇偶要求並不高，最重要是無條件支持她，其次是懂得製造浪漫即加分。入行以來緋聞近乎零的朱千雪年中曾被爆有個在澳洲讀醫的男友Justin Ng，對方是有家底之人，其父五年前在香格里拉集團做執行董事，現為老牌茶莊「祺棧茶行」老闆，在朱千雪的fb朋友名單中，連Justin父親及胞弟也是她朋友，可見二人關係密切。朱千雪為密冚戀情一直否認有男友，只認對方是相識多年的朋友，不過當晚本刊記者問她與Justin發展如何，她卻甜笑回應：「了解中！」有個咁強嘅筍盤男友，又難怪千雪BB對同班的Law男冇乜興趣啦！
朱千雪屢次被讚親民？
日前，有網民在溫哥華偶遇朱千雪，指當天朱千雪正和幾名友人同行被樓主發現，於是樓主便怯怯地上前詢問，之後朱千雪做出一親民行為。
朱千雪與老公門當戶對？
朱千雪具有女神6大「完美特質」，因而成功將家底豐厚醫生老公收服，曾分享過他們的浪漫相識過程。
