李亞男《有個閨密叫祖藍》壓軸出場肉麻場面推翻「不被看好長短腳之戀」

Q: 李亞男於節目投訴王祖藍什麼？

李亞男狂數王祖藍「烏搲」事件簿，又投訴王祖藍惡意... 詳情請看

Sep 29 2022

李亞男壓軸出場由王祖藍主持的綜藝節目《有個閨密叫祖藍》最後一集，李亞男和王祖藍結婚當年一直因為「身高」問題不被看好，但婚後兩人經常晒恩愛，無不令人羡慕。平時大方得體的李亞男，近得王祖藍多都被感染，表情動作多多兼不介意在鏡頭前展現粗魯及樣衰一面，又多番扮惡「凶」王祖藍；兩公婆公然耍花槍，又錫錫又公主抱，搞到王祖藍大叫條腰頂唔住。

李亞男《有個閨密叫祖藍》壓軸出場與王祖藍曬恩愛

有個閨密叫祖藍王祖藍王祖藍《有個閨密叫祖藍》最後一集嘉賓係王祖藍太太李亞男。 — 《有個閨密叫祖藍》最後一集嘉賓係王祖藍太太李亞男。（圖片來源：無綫提供）

有個閨密叫祖藍王祖藍王祖藍李亞男今次身負重任要送驚喜畀祖藍，搞到唔習慣講大話的她事前個心籮籮孿。王祖藍最初難以置信最後一集嘉賓會係自己老婆，所以當佢見到李亞男，笑到失控。 — 李亞男今次身負重任要送驚喜畀祖藍，搞到唔習慣講大話的她事前個心籮籮孿。王祖藍最初難以置信最後一集嘉賓會係自己老婆，所以當佢見到李亞男，笑到失控。（圖片來源：無綫提供）

李亞男與王祖藍默契滿分

《有個閨密叫祖藍》最後一集由李亞男做壓軸，華姐出身的李亞男平時予人感覺高貴大方，但當面對住老公王祖藍卻變成另一個人，鏡頭前的她不停扮惡，王祖藍不但唔驚，還經常乘機捉弄嬌妻，尤其當李亞男說話走音時，王祖藍笑到趴地，令李亞男多番忍笑扮嬲兼反白眼，場面爆趣。在進行玩命版閨密快問快答時，「藍男 CP」展現驚人默契，當被問到「第一次見面地方」、「第一次見面年份」、「第一次約會地點」、「第一次入戲院睇嘅戲」及「第一次接吻地點」時，二人均九秒九答出正確答案及細節，甜蜜滿瀉。

李亞男有個閨密叫祖藍王祖藍王祖藍點解今次「快問快答」會叫做「玩命」版？大家心照啦。 — 點解今次「快問快答」會叫做「玩命」版？大家心照啦。（圖片來源：無綫提供）

李亞男有個閨密叫祖藍王祖藍王祖藍呢啲表情應該好難喺其他華姐或港姐身上睇到啩！ — 呢啲表情應該好難喺其他華姐或港姐身上睇到啩！（圖片來源：無綫提供）

王祖藍傳授驚人絕技

李亞男還首度展現了不為人知的「驚人絕技」，就是聲演恐龍，閉起雙眼細聽會真的以為「恐龍降臨」。王祖藍事後解釋指相關絕技是由他親自教授，主要是平時用來氹兩個囡囡開心，足見母愛偉大，難怪王祖藍亦一再大讚李亞男是願意無條件付出的好媽媽。

有個閨密叫祖藍王祖藍王祖藍呢個「恐龍叫」相當逼真，仲係李亞男嘅新技能解鎖，所以絕對係「不為人知」嘅秘密絕技嚟。 — 呢個「恐龍叫」相當逼真，仲係李亞男嘅新技能解鎖，所以絕對係「不為人知」嘅秘密絕技嚟。（圖片來源：無綫提供）

有個閨密叫祖藍王祖藍王祖藍不過李亞男對於呢個新技能，就有少少嘢想呻…… 「夫唱婦隨」版「恐龍叫」，今個星期六晚等緊你。 — （圖片來源：無綫提供）

李亞男自揭係「閨密任務」幕後黑手

王祖藍與李亞男應製作組「安排」，玩盡以往八集所有「閨密任務」，李亞男自揭是所有閨密任務幕後黑手，並大爆做 Big Boss 背後真正目的！玩任務期間「藍男」互爆對方黑材料，王祖藍指李亞男缺點是「太過華姐」：「佢喺屋企入面都好華姐㗎，佢唔會發嬲啦，你其實基本上見唔到佢唔笑㗎，佢唔明你講咩又好，佢嬲你又好，佢都係保持住華姐笑容。同埋佢永遠唔會太興奮，佢甚至乎喺屋企啱啱沖完涼，包住咗個頭，同我講嘢都會有華姐feel。」

有個閨密叫祖藍王祖藍王祖藍大家又點會估到，會見到李亞男咁嘅一面。見佢哋一面影，王祖藍不斷鼓勵老婆要「再樣衰啲」，嗰種甜蜜真係好特別。 — 大家又點會估到，會見到李亞男咁嘅一面。見佢哋一面影，王祖藍不斷鼓勵老婆要「再樣衰啲」，嗰種甜蜜真係好特別。（圖片來源：無綫提供）

有個閨密叫祖藍王祖藍王祖藍李亞男其實係傻大姐嚟，在所有閨密任務都係百分之二百咁投入。 — 李亞男其實係傻大姐嚟，在所有閨密任務都係百分之二百咁投入。（圖片來源：無綫提供）

李亞男有個閨密叫祖藍王祖藍王祖藍今次「藍男」仲要玩晒以往喺節目出現過嘅所有閨密任務，當中仲有一個好驚人嘅原因？！呢個驚人原因背後仲暗藏洋蔥添！ — 今次「藍男」仲要玩晒以往喺節目出現過嘅所有閨密任務，當中仲有一個好驚人嘅原因？！呢個驚人原因背後仲暗藏洋蔥添！（圖片來源：無綫提供）

王祖藍被爆惡行無數

李亞男則投訴王祖藍「惡意」放屁：「佢成日喺個被竇入面屙屁，佢明明可以講句唔好意思、然後出一出去㗎嘛……重點係我仲喺（被）入面，你要焗死自己，OK！It’s alright, but you know……」之後李亞男繼續狂數王祖藍「烏搲」事件簿，內容爆笑。

有個閨密叫祖藍王祖藍王祖藍唔知係咪同王祖藍一齊耐咗嘅關係，李亞男變得搞笑咗好多。 — 唔知係咪同王祖藍一齊耐咗嘅關係，李亞男變得搞笑咗好多。（圖片來源：無綫提供）

李亞男有個閨密叫祖藍王祖藍王祖藍作為結咗婚七年嘅夫妻，可以咁容易乜都笑一餐，都真係幾甜蜜。 — 作為結咗婚七年嘅夫妻，可以咁容易乜都笑一餐，都真係幾甜蜜。（圖片來源：無綫提供）

李亞男主動要求公主抱

已婚七年的「藍男」，雖然經常以孖公仔姿態接 Job 及出席大小活動，但在節目中還是按捺不住大耍花槍，今次竟然是李亞男較為進擊，二人玩 Truth or Dare 時，李亞男乘機向老公索吻，並撒嬌謂：「畀個機會我！（王：好耐冇咀過咩？）係哟，24 小時前（錫錫）喇！」不過當王祖藍真的準備獻吻，李亞男又忽然少女上身大叫「好尷尬」，幾經扭擰二人最終甜蜜咀嘴。之後李亞男又「秋後算帳」要求老公公主抱：「我搞咁多嘢就係為咗你要抱我咯！」由於李亞男太高大，即使王祖藍出盡吃奶之力，還是抱得相當不穩；此時李亞男再下一城要求老公抱著她跳舞，王祖藍聞言嚇至眼凸：「你真係決定咁做？我條腰要睇醫生架喇喎！」

李亞男有個閨密叫祖藍王祖藍王祖藍佢哋真係好鍾意耍花槍㗎啫。 — 佢哋真係好鍾意耍花槍㗎啫。（圖片來源：無綫提供）

有個閨密叫祖藍王祖藍王祖藍對於王祖藍不斷喺《閨密》入面同唔同嘅閨密有不同程度嘅身體接觸，之前同王祖藍約法三章不能與其他異性有身體接觸嘅李亞男，向老公大興問罪之師。 — 對於王祖藍不斷喺《閨密》入面同唔同嘅閨密有不同程度嘅身體接觸，之前同王祖藍約法三章不能與其他異性有身體接觸嘅李亞男，向老公大興問罪之師。（圖片來源：無綫提供）

有個閨密叫祖藍王祖藍王祖藍為咗「贖罪」，祖藍要「公主抱」李亞男，過程都有啲牙煙。 — 為咗「贖罪」，祖藍要「公主抱」李亞男，過程都有啲牙煙。（圖片來源：無綫提供）

李亞男和王祖藍相愛史

王祖藍和李亞男是圈中最為人熟悉的「身高差夫婦」，兩人因為同是基督徒的原因而而認識，一年後更決定拍拖，但在交往不久便分手收場。

有個閨密叫祖藍王祖藍王祖藍李亞男 — （圖片來源：Instagram@therivergirl）

王祖藍名氣漸升再續前緣

王祖藍與李亞男分手後，知名度開始增加，從最初只是一個兒童節目主持，到開始擔任節目主持、劇集主角，又或是錄製歌曲和配音。王祖藍工作慢慢地越變越多，但同時他也開始掛念當初在他毫無名氣也沒有怨言的李亞男，而剛好對方也想念王祖藍，於是兩人便重修舊好。而問到為什麼會選擇王祖藍，李亞男指對方「好有責任感，又夠勇向我表白」。