曾比特《聲生不息》爆紅 與女友相戀6年將結婚？揭入行辛酸史曾日打兩份工

曾比特參演《聲生不息》爆紅吸金力倍升

參加了內地歌唱節目後奪冠爆紅，曾比特近日被TVB高層蕭世和點名讚吸金能力高；亦提到除了曾比特外，《聲生不息》在內地紅了不少歌手，好像只獻唱了一首歌曲的糖妹都人氣急昇！曾比特曾在社交平台發千字文感謝《聲生不息》團體：「好難得嘅經驗同體驗，多謝公司，好似多咗17組家人咁！」

曾比特《造星》出道 被譽為「陳奕迅接班人」

曾比特在《全民造星2》時挑選陳奕迅高難度歌曲《浮誇》比賽，獲評判一致高度讚賞，被外界譽為「陳奕迅接班人」。對於這個稱呼，他坦言會做好自己，希望可以達成目標，大眾可以從他的歌聲得到共鳴：「我當然好多謝（讚賞），但係做接班人我好驚。覺得作為一個歌手，做好每一首歌，一切由心出發已經好足夠！」

曾比特奪冠仍感自卑？因媽媽才參加造星

曾比特於19年參加ViuTV選秀節目《全民造星II》，雖在比賽中只取得第八名，但得到節目導師之一Eric Kwok的賞識及提攜而入行。其實他從小就非常熱愛唱歌，中三曾獲得「全港中學校際歌唱大賽」的冠軍，但因自己的外表「唔靚仔」，更認為自已身材而失去自信。 曾比特更坦言當年參加《全民造星II》，亦有很多考慮因素，最後因為節目帶給他熱血的感覺而決意參加：「我參加呢個節目唔係因為姜濤效應，而係節目畀到我一份熱血嘅感覺。」當日，曾比特坐在公司電腦前沉思了一個小時加上媽媽的支持，就決定報名：「填表後再諗多一個鐘先決定『算啦send啦 』。其實我媽媽一直都鼓勵我放心去做，唔好太介意結果。我哋屋企唔習慣講好多嘢，但就總會感受到佢（媽媽）嗰種鼓勵咁已經足夠！」

曾比特火速爆紅感不知所措

微博粉絲超過50萬人 曾比特於《聲生不息》憑歌唱實力和搶眼爆炸頭成功打入內地市場，早前他在《舊日的足跡》中分享，自己演唱《初戀》全因當年周星馳於電影《食神》中身穿校服「乜咁啱嘅？」一幕，令他印象難忘。
節目播出至今幾星期，「爆炸糖」（曾比特粉絲暱稱）人數急增，微博目前突破50萬名粉絲，為了感謝大家的支持，他在微博連post多張有型照答謝粉絲：「哇哦！我的爆炸糖突破40萬囉，你們厲害！感謝大家對我喜歡，被我眼神鎖定的會是哪一個呢？說好要一直支持我啊！」對於突然走紅，他說：「我唔覺得紅定唔紅，我無太大概念。我最想戴住頂帽去旺角買格仔餅食。我只係一個普通人。如果要用四個字嚟形容就係『不知所措』嘅感覺。」他表示自己都十分掛念香港的「爆炸糖」，希望能盡快見面。

曾比特代言敏華冰室 齊齊北上發展

TVB高層更透露曾比特已成功簽約，成為太興品牌旗下的敏華冰室代言人！曾比特於內地人氣強勁，是當紅炸子雞，加上敏華冰室將會北上發展，由曾比特代言一定可以事半功倍！

曾比特爸爸早逝感遺憾 希望被他接放學

曾比特早前因節目《聲生不息》的關係與林子祥合唱《單車》，歌曲講解父子情，令他想起去世的爸爸：「爸爸喺我10歲時走咗。我5、6歲先由汕尾到香港同家人團聚，期間四年爸爸好忙，大家見面唔多。學校職員帶我去醫院，我唔知發生乜嘢事，喺的士上我唔明佢講乜嘢：『無事無事』，去到醫院就見到媽媽同姐姐喊到死去活來，原來爸爸已經走咗……」他再補充：「我最難忘嘅就係我喺汕尾讀咗一個學期嘅一年班，喺香港再重讀幼稚園。當時我最希望爸爸接我放學，因為佢會一手抱起我騎膊馬，好高，好開心，跟住我哋會去行吓商場……。」身處異地的他表示自己十分掛念家人，更想跟在天國的爸爸說自己一切安好，做着喜歡的事情，朝着目標進發，請爸爸不用擔心。

曾比特奪男新人金獎 單曲一首街知巷聞

曾比特在2021年派台推出《我不如》，一曲成名，獲獎無數，商台《903專業推介》冠軍、港台《中文歌曲龍虎榜》亞軍、ViuTV《Chill Club推介榜》及TVB的《勁歌金榜》奪冠！在各大平台都有一定收視，今年更奪得叱咤樂壇生力軍男歌手銅獎，以及港金曲男新人獎金獎，實力毋容置疑。

「曾比特」名字背後含義感人

「曾比特」這個名字特別又容易記住，不少人以為是他的藝名，但曾比特解釋道這個名字靈感來自父母，因為父母寄望他成為一個「比別人特別的人」，因此才會取名「曾比特」。

曾比特望與女友盡快成家立室

現年28歲的曾比特，因參加節目《聲生不息》需要長沙拍攝，要跟拍拖差不多六年的女朋友暫時維繫異地戀，但亦無損二人的感情，更坦言想盡快結婚：「我哋喺教唱歌嘅時候認識，依家感情愈嚟愈好，梗係要畀安全感佢。溝通好重要，為咗畀定心丸佢，我買咗部琴喺酒店練習，基本上我大部分時間都喺酒店房間。我哋拍拖差唔多六年，我希望盡快結婚，但諗起而家只係事業起步階段，必須考慮將來嘅生活。我喜歡佢因為佢唱歌好好聽，無論生活上、舞台上佢都係一個好charm嘅人，成日都有一個好吸引人嘅笑容。我鼓勵佢參加比賽，但係佢好怕醜。」