披荊斬棘2｜周柏豪為賺人仔曬胸肌被指「蘭桂坊最帥的鴨」 8字大方回應評論

周柏豪為賺人仔 不惜「鴨王Look」曬胸肌

在首集《披荊斬棘2》中一眾藝人分為4人一組，舉辦了首個宿舍活動「時尚王大賽」。其中周柏豪被同組的任賢齊、仁科及黃義達等人套上豹紋套裝，組員仁科更將頭燈放在周柏豪頸上，打扮騎呢到爆！被組員惡搞的周柏豪不但任玩唔嬲，更加樂在其中大曬胸肌！

周柏豪被網民調侃為「蘭桂坊最帥的鴨」

周柏豪貌似十分滿意一身豹紋的打扮，節目播出後，周柏豪將圖片上傳到社交平台，並留言到：「我是一只很凶猛的花豹」。不少網民都留言大讚可愛，同時亦有網民留言調侃周柏豪是「蘭桂坊最帥的鴨」、「蘭桂坊最貴的」、「別說了，要攥點錢點他」等等。

周柏豪笑住8字回應評論

對於網民指他為「蘭桂坊最帥的鴨」一事，周柏豪竟然大方回應道：「終於有人發現我了！」如此大方的回應令網民都十分驚訝。有部分網民懷疑周柏豪是否因為沒有聽懂網民的評論，才沒有作出反駁。

周柏豪曾於節目爆房事：我同太太十幾年，每晚都拖住瞓

周柏豪年前合作拍攝的節目《兩個小生去Camping》中，「雙豪」除了鬥騷肌、鬥煮藝、鬥膽色之外，更來個深情剖白，周柏豪更激罕自爆同太太由拍拖到結婚一起十多年，到現在女都生埋，但每晚仍然拖住手仔瞓覺﹗

周柏豪話因為平常不能夠正常拍拖咁拖手仔，呢啲親密動作只能留在家中，柏豪話：「我哋要拖手嘅時間就係瞓覺嗰時，我都同佢講喺街先幾個鐘，但瞓覺八個鐘都可以拖住﹗所以我同太太到依家都仲係會拖住手瞓覺﹗」袁偉豪即抵死問：「你肯定八個鐘？」柏豪即笑笑口話：「有時起身痾夜尿，七個半鐘啦﹗」

周柏豪自爆想著西裝迎接女兒出世

周柏豪除了首度公開同太太的冧豬事，仲剖白初為人父的心情，柏豪同Stephanie（朱敏君）拍拖十年、16年結婚，另一半的真面目更是相當神秘，19年尾，老婆Stephanie為他誕下6.7磅小公主，初為人父的周柏豪喜獲女兒相當興奮，但老婆靚樣繼續絕跡他的社交網。柏豪於節目大爆陪太太入產房時相當緊張，為此前一天專程去剪髮，佢又話：「我真係諗咗好耐著咩衫入產房，前一日仲特登剪咗頭髮，啲朋友同我講：『入產房要戴浴帽㗎』。我有諗過係咪著套西裝入去見個女，但係其實要著保護衣，最後揀咗件粉紅色衫，因為係囡囡嘛。」

溫兆倫同被惡搞 被稱為「怪老頭」

與林峯、吳卓羲、陳小春一組的溫兆倫亦被一眾後輩惡搞。林峯、吳卓羲、陳小春三人在選擇衣服的時候靈感爆棚、笑彈連連，三人不但將鴛鴦襪剪穿窿，同時又要溫兆倫短褲配搭長皮褸等！不少網民都留言表示覺得溫兆倫的造型很像「怪老頭」、「好變態」、「是露體狂嗎」等。