戴耀明 戴耀明

戴耀明突宣布結婚!與前女友復合全因1烏龍見真情、曾暗戀佘詩曼長達16年

娛樂資訊

戴耀明結婚|戴耀明與前女友復合,突宣布婚訊!戴耀明十分長情,曾自爆暗戀佘詩曼長達16年,更揚言想娶對方入門,不過結婚對象並非暗戀多年的佘詩曼,而是拍拖多年的前女友。戴耀明指二人結婚全因一個烏龍,在數月前才決定復合並計劃結婚。

戴耀明宣布結婚!前女友復合幾個月即變老婆

戴耀明入行接近三十年,感情生活向來低調,之前曾自爆暗戀佘詩曼,更開口想娶對方入門﹗戴耀明忽然宣布婚訊,另一半並非暗戀多年的佘詩曼,而是前女友,戴耀明指在無綫多年,演過不少奇怪角色,估唔到結婚都充滿戲劇性﹗他指未婚妻是圈外人,從事投資金融行業,2011年二人拍拖一起五、六年,因經常嗌交導致分手收場﹗戴耀明指二人因一個誤會幾個月前復合﹗

戴耀明
(圖片來源:IG@dia_yiu_ming)

戴耀明以為患骨癌 驚青告知前度

戴耀明透露早前發現手前臂腫痛多時,正安排作詳細檢查前相當憂慮,自認驚青的他,一度以為患上骨癌,除了告知至親的媽媽外,便是通知前度女友﹗戴耀明指和前女友雖然分手,但一直保持聯絡,感情如家人一樣親近,所以有事都立即通知對方,前女友知道他患病都好擔心,大家傾談間講笑提議不如去沖喜吓,如果有事便一起共患難,若然安然無恙,便當做一個伴,陪伴大家走埋人生下半場﹗戴耀明指幸好最後報告出了,他只是受傷腫了,而沒有患重病,就因這場誤會,令二人再次走在一起﹗復合了﹗便想好好珍惜餘下時間,所以二人決定結婚﹗

戴耀明 戴耀明之前剛忙完拍攝新劇《新十二章經》,現在正好有時間可以籌備婚事﹗
戴耀明之前剛忙完拍攝新劇《新十二章經》,現在正好有時間可以籌備婚事﹗(圖片來源:IG@dia_yiu_ming)

戴耀明讚女朋友為人樂觀 生B隨緣

戴耀明形容未婚妻有幽默感,為人又樂觀,正合他找另一半的條件,因為想開開心心走落去,至於問到會否趕生B,讓戴媽媽可以早點抱孫,戴耀明就話一切隨緣﹗提到之前自爆暗戀佘詩曼,戴耀明就話當笑料睇便可,不用認真,佢話同阿佘是比較熟的圈中朋友,亦好欣賞對方,對她沒有任何幻想﹗

戴耀明 49歲戴耀明宣布結婚,最開心相信是戴母﹗
49歲戴耀明宣布結婚,最開心相信是戴母﹗(圖片來源:IG@dia_yiu_ming)
戴耀明 戴耀明是家中獨子,是圈中出名孝順仔,在社交網除了自己的工作照,佔大部分都是母子及家人合照﹗
戴耀明是家中獨子,是圈中出名孝順仔,在社交網除了自己的工作照,佔大部分都是母子及家人合照﹗(圖片來源:IG@dia_yiu_ming)

戴耀明小時被指過度活躍 全因「1點」而做演員

《360秒人生課堂》戴耀明生動演繹自己的人生高低起跌,但背後原來藏有一個又一個的感人故事﹗戴耀明自小被懷疑過度活躍,入行做演員只因「怕悶」,認為當演員可以扮演不同職業的角色,戴耀明話:「今日做飛機師,聽日可以做律師,後日可以打劫阿婆,諗起都開心﹗」滿足其坐唔定的性格﹗

360秒人生課堂 今年50歲戴耀明於1992年加入亞視,1994年過檔無綫至今,入行三十年﹗
當年廿歲出道的戴耀明,曾參加新秀歌唱大賽。(圖片來源:TVB《360秒人生課堂》截圖)

戴耀明重申:我唔係茄哩啡,我個名叫戴耀明

戴耀明加入無綫後,演過不少角色,參演過無數古裝、時裝及民初劇,以及不同劇種溫情、搞笑至勵志都有,演過的角色有記者、綁匪及日本軍官等等,但觀眾都記唔到其名字,偏偏只記得佢叫「茄哩啡」,在街上多次被以此稱呼,戴耀明說時一臉唏噓,他指當時過程則與其演藝路一樣,有悲亦有喜﹗分享至尾聲,戴耀明大大聲講:「我唔係邊個邊個,我亦唔係茄哩啡,我個名叫做戴耀明。」

360秒人生課堂 戴耀明曾多次在街上被途人認出,但就只會叫他「茄哩啡」三個字﹗
戴耀明曾多次在街上被途人認出,但就只會叫他「茄哩啡」三個字﹗(圖片來源:TVB《360秒人生課堂》截圖)

戴耀明19歲投身娛樂圈:一定要有副業

想當年,戴耀明19歲就投身娛樂圈,一做就做咗幾十年。「讀書已經好鍾意做話劇,希望大個後可以投身呢行。其實入行經過都幾戇居,有日,我阿媽睇電視嗰時見到亞視請演員,咁啱當時畢業,未搵到嘢做咪試下,咁就入咗行。後來喺亞視做咗1年,發現冇咩人睇,覺得無綫好似好啲,就去無綫考訓練班囉!」加入TVB後,戴耀明先至發現TVB新人輩出,比起亞視更難「有人睇」。

「當時過嚟TVB冇諗過呢點,不過既然選擇咗,可能係命中註定嘅呢!我唔知道乜嘢叫做運氣,但可能係我唔夠進取。我比較被動,人際關係比較輸蝕。」身為獨生子,即使對星途樂天知命,但總要對家人有所承擔。

360秒人生課堂 戴耀明 93年投考無綫電視第6期藝員進修班,同學包括蔡子健、伍文生和傅明憲等。
93年投考無綫電視第6期藝員進修班,同學包括蔡子健、伍文生和傅明憲等。(圖片來源:無綫電視截圖)

戴耀明入行29年,曾於1993年參加《第12屆新秀歌唱大賽》,同屆參加者有張崇基、張崇德等,之後節目就加入TVB拍劇,一直都做綠葉角色,其中最令人熟知的就是於《巾幗梟雄之義海豪情》中飾演日本軍人,而備受好評。當時劇裡其中一幕,宅男女神陳法拉為了拯救愛人,不惜在他面前裸露身體「獻身」,戴耀明在節目中大膽回應:「雖然並非真的看到,但那意識好正!」戴耀明近年開設抖音帳戶,積極做直播帶貨賺錢,他直言收入比拍劇高3倍。

360秒人生課堂 戴耀明 在無綫工作廿八年,非常襟撈,今年新劇《新四十二章》亦有他的身影。
在無綫工作廿八年,非常襟撈,今年新劇《新四十二章》亦有他的身影。(圖片來源:tvb.com)

戴耀明:我係戇居

「可能係我個樣生得戇居居,所以普通一句對白,由我個口講出嚟,就變得好騎呢。其實我都覺得自己演喜劇係容易啲被接受,扮市井我冇問題,如果要我演醫生、律師,似乎冇咩說服力。」

360秒人生課堂 《潛行狙擊》入面嘅磨碌,戲分唔算多,但係就因為個髮型似阿Bert而被網民惡搞。連戴耀明都受寵若驚咁話:「點解佢哋會惡搞配角?」網民嘅喜好咁易被你估到咩!
《潛行狙擊》入面嘅磨碌,戲分唔算多,但係就因為個髮型似阿Bert而被網民惡搞。連戴耀明都受寵若驚咁話:「點解佢哋會惡搞配角?」網民嘅喜好咁易被你估到咩!(圖片來源:新傳媒照片庫)

戴耀明談及亡父 年邁母親的簡單心願勁催淚

《360秒人生課堂》分享過程中,戴耀明除了大談當演員的辛酸,也談及家人,他不忘細數亡父離世對他的影響,以及對年邁母親的種種歉意及愧疚。

戴耀明 360秒人生課堂 提及家人﹗
提及家人﹗(圖片來源:TVB《360秒人生課堂》截圖)

戴耀明家人支持 甘心留喺TVB

「其實屋企人好支持我做呢行,又冇嫌棄我喺娛樂圈唔湯唔水,搵唔到大錢。其實人一世物一世,做到自己鍾意嘅嘢,又唔係搵唔到食,OK啦!做演員都有萬零2萬蚊底薪,加埋爆show分佣,收入都算穩定。

「試過有年爆show搵多咗十幾萬,但都有試過唔爆show冇乜錢,唯有少啲出街囉!坦白講,我呢個年紀已經好難喺出面搵份工。反而keep住做呢行,幫到我搞啲小生意,因為啲人認得我,傾起生意上嚟都易啲。做呢行一定要有副業,以前都有搞過酒吧同埋運輸。除非TVB炒我,如果唔係我都唔會放棄。」甘心留喺TVB做綠葉,只可以話佢真係好鍾意呢份工!

360秒人生課堂 戴耀明 於網友認為其光頭形象酷似日本動漫《一拳超人》主角埼玉,故令他獲得 PlayStation 及 FHProductionHK 邀請,以一拳超人造型擔任電視與手機遊戲代言人。
於網友認為其光頭形象酷似日本動漫《一拳超人》主角埼玉,故令他獲得 PlayStation 及 FHProductionHK 邀請,以一拳超人造型擔任電視與手機遊戲代言人。(圖片來源:facebook@戴耀明)

戴耀明為盡孝道放棄北上發展

戴耀明在《360秒人生課堂》提及與母親的關係、如何愛錫自己,但遺撼在無綫工作近卅年,未曾帶過媽媽入電視城,一直因為怕麻煩而未有帶阿媽參觀自己工作的地方,更為照顧家中八十多歲的母親放棄不少北上發展機會,由於是家中獨子,父親十多年前已逝世,所以要獨力負起照顧母親的責任。

《360秒人生課堂》|戴耀明
戴耀明在《360秒人生課堂》提及與年邁母親的關係。(圖片來源:360秒人生課堂@TVB)

另外戴耀明透露母親思想單純,最大心願是他能找到一個好的女伴,背後原因更暗藏洋蔥。戴耀明在其社交網亦留言預告謂:「有些東西,掙扎咗好耐,到底應唔應該講﹗到最後,都係講咗…死﹗就死啦。」

360秒人生課堂 戴耀明
現實生活中的戴耀明是個孝順仔,為了照顧年老母親,曾放棄北上發展。(圖片來源:FB@戴耀明)

戴耀明曾暗戀佘詩曼16年!

戴耀明自從2017年跟拍拖5年的有錢女朋友分手之後,一直單身至今。早前他接受tvb娛樂新聞台《星光路上》訪問,戴耀明大方分享自己的感情生活,坦言渴望愛情,更提起當年當年暗戀佘詩曼一事,大讚對方是心目中的女神。

戴耀明日前接受tvb娛樂新聞台訪問,竟然重提當年視佘詩曼為女神
戴耀明日前接受tvb娛樂新聞台訪問,竟然重提當年視佘詩曼為女神(圖片來源:tvb)

戴耀明揚言想娶佘詩曼做老婆

2021年佘詩曼於《金枝慾孽》中飾演爾淳小主,戴耀明飾演太監「小禮子」,二人因此而認識。當年戴耀明經常向佘詩曼表達愛意,「我經常跟阿佘說,我賺到錢會娶你做老婆。」更揚言當年就想把她娶回家,「她係一個好正嘅女人,我相信好多人跟我一樣,有娶她的想法。」

佘詩曼是戴耀明心中女神
佘詩曼是戴耀明心中女神(圖片來源:IG@佘詩曼)

戴耀明妄想表白有一半機會:好掛住你

暗戀佘詩曼長達16年的戴耀明,無論身價地位都差一大截,因此當年不敢追這位當紅小花,不過又一次就借醉傳短訊示愛:「我好掛住你。」最後得不到女神回應。不過戴耀明似乎無悔:「講出嚟就有五十五十機會,唔開聲嘅話永遠都係零。」

戴耀明曾坦言自己現在不再年輕,渴望組織家庭,只想盡快找個人奉子成婚, 更大膽地回應:「我依家有個方向,唔係用正途去結婚生仔。想嗱嗱聲同女仔上完床有BB,然後即刻馬上結婚係最快。我又唔會話做犯法事,但盡量希望識到個女仔可以盡快結婚。無辦法,我唔係28歲,我已經係48歲啦,當個小朋友12歲我都已經60歲,我依家努力緊呢方面。」

2021年佘詩曼於《金枝慾孽》中飾演爾淳小主,戴耀明飾演太監「小禮子」,二人因此而認識
2021年佘詩曼於《金枝慾孽》中飾演爾淳小主,戴耀明飾演太監「小禮子」,二人因此而認識(圖片來源:tvb)

戴耀明媽媽獲譚俊彥暖心導賞、為戴耀明母子完夢

雖然節目不能夠幫他搵到好歸宿,但於仍為他安排了一個驚喜,找來戴耀明的好友譚俊彥帶戴媽媽參觀電視城的古裝街:

360秒人生課堂 譚俊彥暖心導賞,帶戴耀明母親參觀古裝街,戴耀明即場示範驚喜反應。
譚俊彥暖心導賞,帶戴耀明母親參觀古裝街,戴耀明即場示範驚喜反應。(圖片來源:tvb.com)
戴耀明 360秒人生課堂 有視帝譚俊彥幫手影相,戴媽媽笑容滿臉,被問到兒子有何期望,她坦言希望可以看到兒子得獎。
有視帝譚俊彥幫手影相,戴媽媽笑容滿臉,被問到兒子有何期望,她坦言希望可以看到兒子得獎。(圖片來源:tvb.com)

譚俊彥暖心安排戴媽媽參觀古裝街 觀眾:爭少少見到佘詩曼

由視帝進行導賞故然令人意外又驚喜,原來譚俊彥與戴耀明之所以「兄弟相稱」,是因為二人在譚初入無綫拍攝《天命》時早有交情,譚俊彥仲講到對劇本有不明白之處,都會向資深的戴耀明請教,聽得戴媽媽好開心又恩慰。觀眾對這個驚喜安排亦感到意外,但有網民就表示如果可以由「三好」佘詩曼負責導賞,可能畫面就更感人,因為早年戴耀明曾公開表示發誓娶佘詩曼為妻,痴戀的形像深入民心:

戴耀明 360秒人生課堂 佘詩曼 佘詩曼日前接受無綫娛樂新聞台訪問。
恰好早前佘詩曼接受無綫娛樂新聞台訪問,地點也是古裝街,二人緣慳一臉。(圖片來源:無綫娛樂新聞台)
360秒人生課堂 譚俊彥曾在專訪中說過,戴耀明是他在TVB「第一個朋友」,絕對不止同事咁簡單,2016年拍《天命》期間戴耀明在譚俊彥身邊做太監,二人收工時都順路一齊返屋企,譚媽媽都認得當今視帝曾經駕車載兒子收工回家,印象深刻。
譚俊彥曾在專訪中說過,戴耀明是他在TVB「第一個朋友」,絕對不止同事咁簡單,2016年拍《天命》期間戴耀明在譚俊彥身邊做太監,二人收工時都順路一齊返屋企,譚媽媽都認得當今視帝曾經駕車載兒子收工回家,印象深刻。(圖片來源:tvb.com)

戴耀明即場示範驚喜反應

有譚俊彥做嘉賓,認真面子十足,原來二人一早就在後台聽戴耀明的演講,說到動人之處戴媽媽都感動流淚,播放完參觀片段之後,「導賞員」譚俊彥將戴媽媽帶到小明身邊,一家團聚任務完成,戴耀明亦公開感謝好兄弟的送暖行動!

360秒人生課堂 譚俊彥坦言視戴耀明為真心朋友,初入TVB乜都唔識,連TVB食飯地方,全靠戴耀明主動帶他食飯、又介紹監製,友誼深厚。
譚俊彥坦言視戴耀明為真心朋友,初入TVB乜都唔識,連TVB食飯地方,全靠戴耀明主動帶他食飯、又介紹監製,友誼深厚。(圖片來源:tvb.com)
戴耀明 360秒人生課堂
(圖片來源:tvb.com)

戴耀明媽媽風趣帶動全場氣氛

其後戴媽媽接受訪問,被問到是否全部兒子的演出都有觀看,她坦言唔係全部,由其是演歹角的時候「做衰仔嗰陣、唔係好想睇」引發全場爆笑,戴媽媽表示見到阿仔做打劫阿婆、綁匪角色雖然唔想睇,但「扮衰嘢又真係好神似、好嘢就好笑」,更公開呼籲希望公司可以安排正面角色給戴耀明,建議監製可以分派多點有拍拖、結婚戲份,嚇得小明以為阿媽有投訴。

被問到是否希望兒子攞獎、攞視帝,戴媽媽開心回應「唔好咁強求」、「唔求佢做電影皇帝,咁醜樣」,總之是但一個獎都可以「女配角、女主角都無問題,最緊要做好本份」,兩母子在台上互相倜侃,場面既爆笑又溫馨:

戴耀明 戴媽媽精神奕奕,與阿bob對答風趣,幽默程度不輸兒子。
戴媽媽精神奕奕,與阿bob對答風趣,幽默程度不輸兒子。(圖片來源:tvb.com)

戴耀明社交網講感言:我只係一個好平凡嘅小市民

戴耀明在社交網講出:「幾個月前當我收到呀Bob哥哥 來電嘅時候,心情真的有點複雜,有開心+害怕,一方面好開心,因為可以試吓,自己從未試過嘅台上演說。但另一方面又有啲害怕,害怕自己講得唔好之餘,又唔知應該點講關於 戴耀明 這條友。自問只是生活喺香港地 一個好平凡,好平凡..以演員為職業的一個小市民,只想把這個小市民最真實的一面和大家分享。」

360秒人生課堂 戴耀明講得好生動﹗
戴耀明講得好生動﹗(圖片來源:TVB《360秒人生課堂》截圖)

回顧本台曾訪問戴耀明:

戴耀明被網民惡搞嘅起源,嚟自《巾幗梟雄之義海豪情》,佢飾演日軍向山少佐,同陳法拉重有幕床戲,呢場戲影像化咗唔少巴打嘅final fantasy,亦令佢做咗毒男嘅代表。「晴晴(陳法拉)獻身俾我嗰場戲,其實我冇掂過佢㗎!但係法拉真係好專業,雖然大家冇同時入鏡,但係拍我嘅戲分嗰時,法拉都照樣做番成場戲俾我,照樣除衫,帶我入戲。」「咁當時你個腦諗緊咩呀?」我問。

「全程投入㗎喇!對住法拉好容易投入㗎嘛!」真係聞者葡萄,見者噴血。不過《巾》劇監製李添勝當年曾經公開點名多謝戴耀明。

「聽到我好感動,佢係我伯樂,關照咗我十幾年。有時我出show唔夠數,添哥都會救我,佢可以講得上係我嘅再生父母。」當年黎耀祥都係多得李添勝關照,憑住《巾幗梟雄》一鋪翻身,但戴耀明就唔敢將自己同黎耀祥相提並論。

「我想像唔到自己可以擔起1套劇。唔係對自己冇信心,但做咗十幾年,大概都知道乜嘢人可以帶得起成套劇。我自問只可以喺主角側跟錦上添花,只要觀眾留意到我,我已經好滿足。初入行嗰幾年,都會對人氣有憧憬,而家做咗十幾年,都睇化喇!」你咁講法即係話黎耀祥唔靚仔啫!

360秒人生課堂 戴耀明
(圖片來源:新傳媒照片庫)

戴耀明做秋生短命都制

入行廿幾年,好多人叫唔出佢嘅真名外,甚至連片尾字幕都打錯佢個姓做叫「載」耀明。

「而家行出街都有人會叫我大茄㗎!初初未習慣都會有啲唔開心,但做咗十幾年,情緒上冇咩事喇!我只會覺得呢啲人冇禮貌。反而最慘嘅係當年喺訓練班出嚟,試過要扮牛頭馬面,笠住個面具拍古裝,角色完全見唔到個樣。又試過坐係藝員休息室,保安以為我係臨時演員,重諗住趕我走。最辛酸嘅係,我哋做配角會同時間騎住幾套劇,最多試過兩個月騎4套劇。凌晨4點拍完一組戲,另外一套劇又開晨早6點。多劇拍雖然係辛苦,不過一定會爆show,一睇銀行簿仔就開心番。」但係佢並唔係為咗爆show就咩角色都肯演。

「如果要我除褲露屎忽、打格仔露J嗰啲,我一定唔會接,就算露完可以上封面我都唔制。但係如果係梁家輝嘅《情人》,嗰啲又唔同。人一定會計數,有等價交換。我年紀唔細,如果俾5千蚊我拍兩組鹹戲,就梗係唔制啦!除非真係冇飯開㗎啫!我最大嘅宏願係做到黃秋生,佢每個角色都好搶。做到佢咁樣,我真係短幾年命都制。」黃秋生已經係影帝級,戴耀明要學佢,首先要掃番幾個獎先。不過佢似乎對《萬千星輝頒獎典禮》有啲意見。

「『飛躍進步』獎其實都係頒俾主角級嗰啲,最好有個『綠葉』獎!」講完呢句,佢就哈哈大笑。相信,佢都知道呢個建議係妙想天開。

黃秋生開金口讚開心過攞奬

2015年戴耀明跟黃秋生一同出演劇集《梟雄》,他於TVB《星光路上》大談當時的拍劇過程,憶述當時停機後被黃秋生喊停,戴耀明當刻相當緊張,心想一定是自己演技差,需被影帝黃秋生指點:「靚仔,你邊度嚟㗎?」戴耀明隨即回答自己出身於演藝訓練班,誰不知黃秋生大讚更鼓勵自己繼續努力。當下被黃秋生大讚戴耀明直言開心過奪獎。

戴耀明 圖片來源:YouTube@TVB USA Official
圖片來源:YouTube@TVB USA Official

戴耀明仍渴望獲獎

現年都入行多年,戴耀明都直言自己曾多次渴望憑劇集中的角色獲獎,他表示獎項是對於一個演員而言是一個肯定及回憶。雖則至今,願望仍未成真,但戴耀明從未氣餒。

戴耀明 圖片來源:YouTube@TVB USA Official
圖片來源:YouTube@TVB USA Official

後記:而我不知戴耀明是誰?

入行近卅年,拍過嘅劇絕對比好多1線小生重要多,戴耀明亦不止一次接受採訪,其中一個訪問在多年前進行,記者帶咗戴耀明落旺角影相。影影下,人群開始聚集起嚟,後來重有自遊行主動要求逐一同佢合照。戴耀明忽然變成旅遊景點,可惜喺班自遊行入面,冇人講得出戴耀明個名。對於1個演員嚟講,冇知名度會唔會係最大嘅遺憾呢?

360秒人生課堂 當年的訪問花絮,戴耀明忽然變成旅遊景點,可惜喺班自遊行入面,冇人講得出戴耀明個名。對於1個演員嚟講,冇知名度會唔會係最大嘅遺憾呢?
當年的訪問花絮,戴耀明忽然變成旅遊景點,可惜喺班自遊行入面,冇人講得出戴耀明個名。對於1個演員嚟講,冇知名度會唔會係最大嘅遺憾呢?(圖片來源:新傳媒資料室)
360秒人生課堂 戴耀明 大茄有樣好,冇包袱做咩都得,就算被網民做萬能key都有一百樣可能發生。
大茄有樣好,冇包袱做咩都得,就算被網民做萬能key都有一百樣可能發生。(圖片來源:新傳媒資料室)

戴耀明未婚妻是誰?

戴耀明未婚妻是他的前女朋友,指和前女友雖然分手,但一直保持聯絡,感情如家人一樣親近,是次再走在一起是因為…詳情請看

戴耀明過往如何和佘詩曼表白?

戴耀明曾暗戀佘詩曼長達16年,無論身價地位都差一大截,因此當年不敢追這位當紅小花,不過又一次就借醉示愛,他向佘詩曼表示…詳情請看

撰文:東方新地圖片來源:新傳媒照片庫、FB@戴耀明、TVB《360秒人生課堂》截圖、IG@佘詩曼資料或影片來源:TVB

你可能也喜歡

Recommended