193妹郭嘉盈大爆曾遇渣男前度　網民：零修圖個樣搞唔掂

193妹郭嘉盈分享曾與渣男拍拖 連家人也嫌棄

最新一集《晚吹–戀講嘢》講到193妹妹郭嘉盈（Michelle）分享感情事，因193與Michelle甚少談及感情事，193認為人生是妹妹自己的，作為哥哥也不應插手太多：｢要拍就拍，要結就結，要生仔就生。好唔好都唔關我事，因為佢嘅人生嚟㗎嘛！」

Michelle大方在節目中分享自己曾與渣男拍拖，當時亦有帶渣男前度回家與家人見面，193直言妹妹前度「好樣衰」，大爆連媽媽亦嫌棄，私底跟兒子說：「你阿妹個男朋友咁鬼薯，真係配唔起你阿妹，你阿妹都靚靚地，點解會揀個咁嘅人？」

193妹郭嘉盈曾跪求望挽回出軌前度

3妹Michelle談及與渣男前度分手的經過，當時非常愛男友的Michelle正在冷戰中，二人未有見面及聯絡，Michelle突擊對方家驚覺有大量女性用品，當中發現有女性內褲、內衣等。愛得深的Michelle竟為了挽回男友，邊哭邊攬住對方的腿，哭求對方不要分手，但卻被渣男絕對推開。

最後Michelle發現出軌對象是自己大學好姊妹，頓時令她清醒起來立即死心。193聽到竟如此對待妹妹，即動真火，命令渣男馬上立刻現身道歉！

網民把重點放到3妹真樣

不少網民亦為Michelle抱不平。但亦有不少網民把重點放在Michelle在節目中的樣貌，直指P圖前後差天共地，完全是兩個人，認為平常Michelle放在IG上的相片都修得太過份。