張文采IG抱B相疑走光　飛甩TVB藝員甜嫁消防員　離職主播化身職場自由人

張文采抱B相疑似走光

日前她於朋友家抱B合照時，因穿著的短褲太短而剛剛好被BB遮住，導致尷尬露出「神秘三角」，性感lace令一眾網民都想入非非。有唔少網民都善心提醒：「小心走光」，又有人問她「是否沒有留意自己露底？」，張文采隨即回應並解釋：「又會係咁明顯露底都放出嚟囉，短褲嚟㗎！」，都有網民為她平反，直指：「戴有色眼鏡嘅人睇咩都有色」。

二度疑似再走光？

另外，張文采在另一日上傳與愛犬合照，當中張文采穿著的黑色短牛熱褲，疑似因為褲襠太大而有走光嫌疑，引起網民熱烈討論。有網友都好心提醒：「小心走光」，不過今次張文采則沒有主動回應留言。

飛甩偷食男友羅鈞滿

張文采雖然身為無綫新聞台主播，但其實亦曾登上娛樂雜誌封面。她於2011年被傳媒揭發與TVB男藝員羅鈞滿拍拖，當時二人感情甚好，羅鈞滿亦曾在張文采深受網民非議時，主動企出來為女友撐腰。不過網民當時對這對「女主播配二三線男藝人」的情侶不太受落，後來亦傳接二連三傳出羅鈞滿背張文采偷食，最後女方在2015年狠撇拍拖4年的偷食男友羅鈞滿。

後來，張文采在2018年嫁給比她細兩年、任職消防員的盧樂輝（Benedict），並於婚後離開了任職10年的無綫新聞部，更在IG大玩「你問我答」，被網民問到︰「懷念以前主播生涯嗎？（尤其合作過的同事）」她就回答︰「以前返工係幾開心嘅，但而家都冇乜懷緬，而家連新聞都好少睇！」。

新聞小花化身職業自由人

離職主播後，張文采轉戰自由工作者身分，其工作路數比起以往都來得更加廣，又做口才訓練導師，又繼續接freelance主持、配音等等，搵銀能力比以往淨係做新聞主播都來得更加高。