12位圈中嬌小玲瓏女星逐個睇：鄧紫棋16歲後無高過、糖妹149cm都未係全行最矮！
在娛樂園有不少九頭身美女藝人，個個都有螞蟻腰、手長腳長的Fit爆Model身型比例，但仔細想想仍有不少的的骰骰嬌小玲瓏的女星。事實證明不一定要擁有完美身高才能入娛樂圈做藝人，只要有才華，一樣可以做宇宙最強。
原文刊登於：東方新地 ｜ 圖片來源：東方新地
12位圈中嬌小玲瓏女星逐個睇
哈比人女星1. 鄧紫棋 157cm
16歲已經出道，16歲以後亦都再冇長高過，G.E.M. 嘅例子話畀大家知，人生得細粒但係肺可以生得好巨。
哈比人女星2. 糖妹 149cm
150cm都冇只得149cm嘅糖妹（黃山怡），的骰身形加埋招牌瀏海同甜美童顏，已經成為個人標記。
哈比人女星3. 鄭融 157cm
出道17年，鄭融最出名梗係健康膚色又夠wild人稱小野貓，生得細粒咋，無阻佢上山下海熱愛運動同長跑。
哈比人女星4. 林欣彤 158cm
都係人仔細細個肺好巨，講到身高呢個話題，林欣彤都曾經以前老闆王祖藍做例子，話生得矮一樣可以好有頭腦好有成就。
哈比人女星5. 何雁詩 157cm
新婚幸福人妻何雁詩都係出名生得細細粒，不過佢經常著短裙仔亮相，懂得晒腿拉長身形比例，睇落唔似咁矮。
哈比人女星6. 黃美棋 160cm
香港觀眾個個睇住黃美棋長大，不過淨係年紀有增長，但外形同身高就好似冇分別，依然停留喺小芬女階段。
哈比人女星7. 鄺潔楹 155cm
生得細細粒，不過勝在樣貌夠甜美，鄺潔楹喺無綫一樣機會多多，佢仲識得換轉角度睇輸蝕身形：「可能就係因為我嘅身形，所以特別容易被人記得呢？」
哈比人女星8. 黃凱儀 157cm
喺節目《 後生仔傾吓偈 》中人稱「 波波 」嘅黃凱儀嬌滴滴，但身材勁爆，曾被網友質疑佢上圍係潛建出嚟，又被指經常背住男友偷食，勁多負皮！
哈比人女星9. 鄧卓殷 160cm
2018香港小姐亞軍兼最上鏡小姐，鄧卓殷可算是三甲哈比港姐嘅佼佼者！除咗身形矮小成標記，最令人難忘嘅，一定係佢當年參選時幫農夫起外號為「播種的機」。
哈比人女星10. 阮小儀 148cm
糖妹原來唔係全行最矮，仲有小儀比佢再矮多1cm。可能人生得嬌小特別可愛有助凍齡，剛剛過完50歲生日嘅小儀，竟然容貌同三十多年前嘅學生look冇乜分別。
哈比人女星11. 林穎彤 163cm
林穎彤都上榜其實係想幫佢洗底，皆因入行多年都令人有細細粒既定形象，自稱163cm又被指講大話，事實係 《娛樂大家》 現場幫Bella、糖妹同何雁詩度高，Bella真係最高嗰個真係有163cm高。
哈比人女星12. 譚嘉儀 154cm
譚嘉儀話自細外國長大，外國人鍾意佢細細粒夠可愛，不過入行拍劇影相，就經常要墊完木箱著埋高踭鞋至可以襯得起對手。
有什麼Netflix、Disney+推薦及必睇劇集？
為大家整理一下截至目前為止小編追過的Netflix影集清單，必睇Netflix電影或劇集片單；Disney+方面，則可以一看電影片單推介。
