荃灣豬肉佬阿威首除口罩現真身拍廣告!眼利網民對比舊照「全面大執位」?
荃灣豬肉佬阿威首次除罩現真身,將真面目呈現於人前,豬肉檔AK阿威更做回自己老本行邊斬豬肉邊賣廣告!日前阿威早在自己社交平台率先預告,已經吸引了不少粉絲留意,沒想到在廣告曝光後,網民都將焦點放在威威「除罩」後的真面目上,並呈現出兩極的反應,更指他「全面大執位」。
荃灣豬肉佬阿威「除罩」拍廣告 網民對比威威出道舊照
第一次在鏡頭前「除罩」演出,威威直言初期面對鏡頭比較生硬害羞:「在脫下口罩後,大家不再只看著我的眼睛,更要兼顧笑容。剛開始時我還是有點不習慣,而且有點怕醜…腦海中常常想很多:『我這樣笑好嗎?要露齒嗎?不笑的話眼睛要看哪裡?』想太多的話便令效果不太好。幸好導演和工作人員們都對我十分有耐心,導演亦給予很多不同的指導,令我慢慢習慣在鏡頭前的感覺。真的十分感謝他們的耐心和教導。」
荃灣豬肉佬阿威做回老本行拍攝 被網民笑臉容升級
威威又講到對是次廣告拍攝,感覺既興奮又激動:「今次能夠參與廣告拍攝實在感到很興奮,特別是當導演和我講解廣告大綱時,得悉拍攝地點是在自己熟悉的豬肉檔,可在拍攝時做回自己的老本行實在開心不過!」不過網民對他今次「除罩」現出真面目反應兩極,有網民大讚他「冇帶口罩都好靚仔」、「幾好睇~好自然」、「除了口罩更型」等等。
不過有眼利的網民指,威威為了除罩一刻早有兩手準備,從出道以來都有不少威威的「除罩照」流出,不少人都笑他「個鼻好大個」、「大鼻龜」等等。另外一直以來網民都指PR公司「跟得好貼」會在「除罩威威留餸區」的FB專業留意網民的一字一句,所以不少人都認為「真面目」已經過臉容升級,希望除罩後「效果」更好,網民認為就算沒有整容都一定有「P圖」,更翻出剛出道舊照對比,不少人都覺得好大對比!
不過都有粉絲指威威「真面目」激似小豬羅志祥,非常有型!
即刻去片睇威威首個廣告:
荃灣豬肉佬阿威曾被流出真面目 淚眼自拍回應 「古惑仔」指控
荃灣豬肉佬威威劉宋威因為一副明星相而一夜成名,早前大搞生日會畀奶師粉絲熱捧,仲成為廣告界新貴,job接job豬籠入水!不過威威人紅是非多,不斷被網民翻出黑歷史,繼早前爆出疑似做傳銷,又被爆狂串MIRROR同COLLAR。近日再有網民公開一張10年前的威威舊照,指他曾經撈偏以及玩過好多女人?面對種種負面抨擊,阿威自拍回應 !
荃灣豬肉佬阿威做豬肉切割員前係古惑仔?
近日網上討論區有人貼相爆料,指荃灣豬肉檔威威曾經是古惑仔一名。網民紛紛留言和應「睇佢頭髮同紋身都估到了」、「紋哂身,知咩料la」、「炸到咁唔通正經人家咩」同時亦有網民指出「我有朋友識佢之前個女友,話佢唔係好人,撈開古惑…之後先轉行切肉」、「條友玩過好多女人」。更有網民質疑威威可能兩個身份同時擁有,又係古惑仔又係豬肉佬。
不過部份網民力撐威威,覺得佢「曾經學壞」依家「從良學番門手藝養家」故事好感人,好欣賞佢。亦都有網民覺得「浪子回頭金不換」。
荃灣豬肉佬阿威拍片淚崩回應
純情暖男形象幻滅!16日晚上威威終於忍唔住要出片澄清,仲要講講吓哭了?!劉宋威於ig及Facebook出自拍片回應,表示近日收到好多唔少的報導,當中包括好多負面的說話,「話我唔係好人、話我係黑社會」,劉宋威作出以下澄清:
首先我要澄清返,我只係一個普通屋邨成長,基層出生,亦唔係大家所講的黑社會⋯⋯
點解喺屋邨長大就係黑社會?點解有紋身就唔係好人?就要俾人歧視?
點解我自己的事業去賣豬肉,揸把刀就要去斬人哋?
劉宋威又說,之前聽好多人講「人紅事是非多」,實會俾人攻擊,如今自己親身感受到,說到這裡威威還未講完,已經哽咽講唔到落去咁,最後更流出眼淚表示「我會繼續努力,做好自己,多謝大家!」
荃灣豬肉佬阿威疑似做傳銷
近日有網民爆出一張疑似威威的照片,照片中該男士拎住一枝黑色產品自拍,眼利網民即指出拎呢支產品影得相就係做傳銷工作,仲指做得傳銷就無個好人。跟住網民仲搵出呢支產品功效神奇,「呢支嘢癲架,佢哋講到噴胸會豐胸,噴頭會生髮,噴臉會瘦臉,講到支嘢萬能有智慧識得知你噴緊邊。」有網民就話職業無變「咁以前職業都係劏豬,但就係劏港豬囉」「傳銷傳到做明星,好勵志,銷佬又可以宣傳」「唔怪之得唔除罩,原來做傳銷」「總之建華啲馬仔一律唔當好人」不過有網民就力撐威威「咁又點?要佢受網络公審?改過自身,己屬好事,何必要揭他瘡疤,人誰無過,豁達啲,睇開啲!放個過人,亦饒恕自己」
有網民指荃灣豬肉佬阿威真身似哪藝人?
荃灣豬肉佬阿威第一次在鏡頭前「除罩」演出,威威直言初期面對鏡頭比較生硬害羞,網民著眼於他的容貌上,部分網民指臉容疑與出道前有所不同,亦有粉絲指威威「真面目」激似…詳情請看
荃灣豬肉佬阿威曾就負面說話作出澄清?
荃灣豬肉佬阿威曾表示收到好多負面的說話,話佢唔係好人係黑社會,威威0澄清自己只係一個…詳情請看