姜濤月底23歲生日 賺逾千萬竟盼30歲退出幕前！媽媽點評唱功意外曝光大屋

姜濤4月30日23歲生日 自爆盼30歲退出幕前、呢行唔適合佢？

即將踏入23歲的姜濤透過ViuTV選秀節目《全民造星》入行，投身演藝圈接近四年時間。被主持問到入行前後的最大分別，他就笑言人總會長大：「其實人喺呢個世界嘅時間愈長，思想愈嚟愈成熟，思想同以前比較都爭幾遠。可能呢幾年好快地發生咗好多嘢，成個人反而係Deep咗好多。啱啱入行嘅時候天真好多，天真呢方面依家少咗好多，我諗呢方面改變最大。」

被問到對加入娛樂圈的感覺，他表示不一定可以長待在娛樂圈一世：「對於真正熱愛表演嘅人嚟講，呢一行係每個人都想入嘅門檻，但我自己覺得我並唔適合太長時間留喺呢一行，我未必會喺呢一行留得好耐，呢個係我一直以嚟都有同大家講嘅一件事。唔知呢，可能除咗上舞台之外，呢一行嘅其他嘢唔係好適合我。」

一直以來，姜濤都將「退休」兩字掛在嘴邊，他坦言自己確實有這個想法︰「係呀，係真！我想將我最想留下來嘅表演，喺自己最好嘅時光留下，之後就過番啲安靜生活，可能因為呢一行太唔安靜。」他坦言初入行時只是為了夢想，但一直都有不太適合自己的直覺︰「身邊嘅人都話，入行愈耐愈放唔低，但我反而入行愈耐愈想放低。」

姜濤盼30歲前退休 目標成為發哥

其實姜濤早前接受美國華語節目《偶像名人堂》訪問時，講過曾媽媽確認於30歲前儲到錢買兩層樓，一層住，一層收租，屆時會考慮移民到外國退休，非常有計劃。今次訪問，他表示自己的理想目標就是可以過著影帝周潤發的平凡生活，能夠在工作與生活之間取得平衡，又可以繼續演藝工作。他更揚言有考慮30歲後轉做演員或幕後：「我好鍾意其中一個明星嘅生活，就係周潤發，因為覺得佢好好呀，住喺山上面，得閒落嚟拍吓戲，我諗嗰個係我理想嘅生活狀態啩，可能我過咗30歲之後應該會轉行做演員，或者幕後都唔定。可能演員係個人經歷得多啲，對做演員有更加大幫助。」

姜濤讀書時曾因身形被欺負 不介意再變胖

因小時侯身形龐大而遭到同輩欺負，被問到如果因演戲時需要飾演醜角或身形龐大角色，姜濤笑言：「我一定好容易脹番，我就OK，但我公司就未必接受到，因為要好長時間先可以減番；但如果做醜角，我覺得無乜所謂，以前包袱比較重，但依家對演戲了解多咗，演戲係另一個專業，你要做到嗰個角色，都無話唔得嘅。」他說自己比起以前對演戲有興趣，更表示未來有退休後，可能都會將演員作為終身職業。

姜濤晒中學脹爆相自嘲被AK發現「飛釘」

姜濤當年一上ViuTV節目《全民造星》就自爆以前曾是個身形脹爆，重達210磅的男生，之後他為女生瘦身，靠運動、飲食激減60磅，成功變成大帥哥，變化之大被封為「翻版彭于晏」。早前他曾於Instagram上載中學時舊照，配上自己驚訝的表情自嘲：「Who are you?」相中的他著上黑色薄身Tee，Anson Kong笑他「飛釘」，Stanley邱士縉就指以前的他比較靚仔。除此之外，他還在限時動態公開與朋友的合照，配以僵硬笑容自嘲。

姜濤曾剖白中學自卑事

其實他曾經因為體胖而嚴重自卑，他曾在紀錄片《答案最終章》坦言從來不敢脫衣上游泳堂，即使每日跑步，望住同學都會覺得好自卑：「可能人哋睇我係好高峰嘅位置，但其實我真係跌得好低……所以千祈唔好太容易定義一個人，冇人定義到。」同時他回帶中學時的單戀另一班女同學無疾而終：「每個肥仔心目中都有一個女神，佢係普通女仔，不過因為自己外形、性格問題，最終都無表白，好悲慘咁暗戀人。」畢業後亦曾被派好人卡︰「離開中學後拖過一個女仔隻手，返去FF（幻想）好耐以為拍拖，但原來只係開玩笑。」他說在青年學院（邱子文）求學的經歷令他自卑、不自信：「我唔係話呢間學校唔好，係純粹我喺呢度嘅經歷……喺呢度愈自卑、愈唔懂事，令到自己大個咗變得越嚟越懂事。」幸好他明白到人生的意義，令自己變堅強，因而成就了今日的萬人迷。

姜濤大爆最愛看婆媳糾紛劇集

姜濤早前受邀上商台節目《早霸王》接受主持森美、小儀和Marco的訪問，除了宣傳新歌《鏡中鏡》之外，他還大爆自己不為人知的秘密。原來他很喜歡由零開始看別人鬧交的影片：「我覺得好熱鬧，我鍾意播街坊同街坊嘅嗌交，可能大家為咗個橙而嘈嚟嘈去，我播呢啲，就會覺得屋企好熱鬧。」主持們聽後笑不攏嘴，小儀說：「你覺得熱鬧咋嘛，你得閒搵我哋三個同你傾吓偈就得㗎喇！」

另外他還很喜歡看一些鄉間、農村土地劇集，但不敢將愛看的劇集分享給朋友：「入面有好多嗌交情節。我平時拍廣告，喺休息嘅時候，大家會喺我間房，聽到好多方言、鄉音……總之鄉下嘅嘢，我都好鍾意播出嚟。依家好多後生仔話好鍾意睇Netflix，邊套新劇，其實好多時我都跟唔到，我好鍾意睇奶奶同新抱嘅爭執，可以令我放空、傻笑，將自己嘅快樂建立喺人哋嘅痛苦身上。」

姜濤媽媽6字點評唱功

早前ViuTV播出音樂頒獎禮《Chill Club年度推介20/21》時，姜濤留在家中，乖乖陪媽媽一齊觀看自己的表演片段，並於於Instagram限時動態上載生活片段。當播到演唱《Master Class》及《一號種籽》，他趁機問媽媽對他唱歌有何評價，媽媽開始皺眉，他問媽媽：「有咩缺點呀？」媽媽沒有即時回答，很專心地看，他笑言：「被吸引到不想講話，（心裡應該想着滿滿的缺點）。」之後媽媽點評：「呼吸聲太大了。」

姜濤意外曝光家中內貌

片段中，姜濤不小心拍下家中大廳的內貌，只見他家中大廳用了比較凌亂，放了很多雜物，大堆衣物掛在門上。電視機前還放了口罩、書本、多個新城和叱咤頒獎禮獎座等。旁邊有一張飯枱，上面放了一座電腦，仲有遊戲機手掣、鬧鐘、花瓶、風扇、姜濤小時候的相片。飯枱上有一碟餸菜，還有罐啤酒，相信姜濤母子正在吃晚飯。旁邊有一張梳化，放滿衣物，另外衣帽架掛滿袋。拍攝期間，姜濤不小心拍到媽媽走光畫面，後來他並無剛除相片，並透露︰「我知道剛剛拍到媽媽走光了，但是我媽媽不介意，所以大家不用擔心。」

姜濤年紀輕輕揹起頭家不眠40小時賺錢望爸媽享福

姜濤對父母一向非常孝順，他曾講過因為爸爸、媽媽年紀漸大，身體不如以前般強壯，所以他年僅21歲就承擔起養家責任，希望透過參加《全民造星》 入娛樂圈，搵更多錢幫父母改善生活水平。拍攝《調教你MIRROR》時要沒收電話，他馬上告訴媽媽已將家用轉帳到她的戶口，年紀輕輕已經好懂事，難怪深受網民歡迎。早前他爸爸突然中風，被逼停工，他曾於Instagram抒發感受：

「在今年的最後這幾天，他中風了。幾天前看他還可以一個人走去醫院，我也就沒有意識到事情的嚴重性，直到這幾天你在醫院打來用著不太清楚的口吻告訴我們，你變嚴重了。疫情期間醫院不准探病，護士只能用輪椅把你推到門口，跟我們相隔1米的見面。看著我媽一直在門口哭，真的不知道怎麼形容。我知道自己不能跟著一起難過，畢竟現在家裡只有我能去幫她處理這些事。

出道兩年以來，從來沒有向大家介紹過爸爸，大家也從來沒有見過他的樣子，一方面他個性比較低調，比較少像我媽媽一樣和我的粉絲打招呼，一方面我爸爸是做廚師的，他總覺得這個職業講出去並不是很好聽，所以也就一直叫我不要說。不過我也幻想著，有一天可能可以在舞台上向大家介紹我爸，現在看情況可能辦不到了。

你常常說我是這個家的獨生子，要扛起來這個責任，到今天我才意識到這個責任之重，到今天我才意識到，家裡的這兩個老人，需要我的照顧。

雖然就算我出道後開始賺錢了，你也一直頑強的工作賺一份薪水，這樣也好，爸你以後也不用上班了，錢我來賺就好，以後你就好好休息。

而且你不用感到慚愧，你工作了大半輩子了，現在可以很驕傲的跟大家說，你是我爸，雖然現在家裡只剩下我跟我媽去迎接新的一年，但也希望你在醫院好好的，別害怕。」

為了賺錢，姜濤博到盡，早前忙拍ViuTV新劇《季前賽》，拍完通宵戲後就要趕往拍廣告，完全沒時間休息，他不禁出帖文感嘆︰「拍戲，廣告，拍戲，廣告，不用睡覺。」有工作人員問他多少個鐘沒睡，他答︰「幾多個鐘冇瞓？30幾、40個鐘了！」

原文刊於：SundayKiss、SundayKiss