單立文自爆曾暗戀王菲 更直言接受精神出軌 第三者叫佩恩

撰文：東方新地｜圖：《Mean Talk》影片截圖、單立文及滕麗名IG、新傳媒圖片｜原文刊於：東方新地

單立文直言：精神出軌好好玩第三者叫佩恩

「豹哥」單立文同「豹嫂」胡蓓蔚由2008年結婚至今一直非常恩愛，但日前單立文在《Mean Talk》上竟然自爆兩人之間有個「虛擬二奶」，他直言：「我所有朋友都知我有小三，精神出軌係好好玩嘅嘢！」他又笑指自己和老婆已認識了廿多年，但決定結婚完全是因為當晚「飲大咗」，更被豹嫂拍下了影片，唯有被逼就範。

講到圈中不道德戀情，豹哥自爆首次拍無綫劇《千歲情人》時，曾因抽離不到角色而愛上劇集女主角王菲，他憶述當時情況說：「夜晚瞓覺會掛住佢，第二朝見到佢對戲又會好似好開心咁，但當時佢已經同竇唯一齊，已經結咗婚。」

豹哥間接踢爆王菲曾隱婚

不過《千歲情人》的拍攝年份是在1992年到1993年，而根據資料王菲和首任丈夫竇唯是在1996年中奉女成婚，即是豹哥意外踢爆了王菲當年曾隱婚起碼3至4年。

單立文拒答有沒有「叫雞」

之後豹哥主動出擊，詢問滕麗名：「你接唔接受到你老公『叫雞』？」江美儀即代滕麗名反問：「咁你會唔會『叫雞』吖？」一向敢言的豹哥這次卻拒絕回答，只說：「點會對住鏡頭話自己『叫雞』㗎，你係咪癲咗呀？你做主持人用吓腦諗嘢啦！」

滕麗名化解婚姻危機

而滕麗名與老公朱建崑（Matthew）結婚近8年，她坦承結婚初時，曾經因一時衝動向老公提出過離婚，她笑言當時老公嬲到攞張結婚證書出來要撕爛，令她忍不住笑了出來，說：「傻豬！離婚要搵律師㗎，唔係搣咗佢就得！」結果老公也被她逗笑，成功瓦解了這次婚姻危機。

滕麗名指李家鼎曾救過自己一命

其後豹哥講到自己難頂的前輩是李家鼎（鼎爺），因為他太粗口橫飛。而滕麗名就指鼎爺曾救過自己一命：「嗰時《尋秦記》我要拍騎馬戲，啲馬係未受過訓練嘅，跟住導演要我騎住一隻，手揸住一隻，仲要係咁跑，手上面又有劍又剩，但嗰兩隻馬打交喎！我真係搞唔掂，咁我離遠見到鼎爺咪叫佢救命咯！」