盤點8位公屋出身藝人！有人靠父幹移民改命、最勁有5億身家！

盤點8位屋村出身藝人！

1.張曦雯@黃大仙下邨

張曦雯原來出自草根家庭，小時家住黃大仙下邨，係名副其實屋邨妹。父親做技工，阿媽幫人做facial，十歲得父母鋪路移民美國才改寫人生。在芝加哥修畢大學企業管理系，回港選華姐一夜成名。據知情者透露：「雖然佢家境一般，但佢爸爸媽媽好辛苦賺錢，都係為咗供佢讀大學，仲鋪晒路移民，等佢將來可以過更好嘅生活。佢爸爸篤信命理，Kelly兩歲時因為有相士話佢改名可以更好運，佢阿爸信到十足！將佢個名由詠欣改做曦雯！」

後嚟十幾歲移民美國，除咗喺芝加哥大學企業管理系畢業，回港後更因選華姐而一舉成名!

2.李佳芯@柴灣興民邨

現為大台一線花旦的李佳芯（Ali），其實出身於基層家庭，自小就與家人居住在柴灣興民邨，以前試過同朋友夾份開髮型屋，斟茶遞水咩都做齊！

3.文詠珊@梨木樹邨

Janice Man當年𡃁模出身，與Angelababy同為𡃁模始祖，近年轉戰影圈，獲提名過香港電影金像獎最佳女配角！話說，JM一家人因受97年金融風暴影響，一家人由私人屋苑搬到梨木樹邨公屋居住，14歲就已經入行！

Janice Man近年𡃁模味漸褪，於2007年起接拍不少電影，至近年更憑電影《赤道》及《寒戰II》入圍第35及36屆香港電影金像獎最佳女配角，努力有目共睹！

4.王敏奕@柴灣漁灣邨

王敏奕，其實喺單親家庭長大，自小家境麻麻，以前與媽咪及兩個細佬住喺柴灣漁灣邨百呎公屋。

王敏奕14歲時已經半工讀，做兼職平面模特兒養家，搵錢幫補家計，但剛出道時工作唔多，佢自己亦曾自爆當時收入少到「試過戶口一百蚊都冇！」

5.黎諾懿@屯門友愛邨

人地話成功需要父幹，但就算冇父幹，有後天努力一樣可以打出個名堂。喺屯門友愛邨出身嘅黎諾懿，細個時爸爸因病離世，媽媽獨力養大佢哋兄弟三人。

因2012年嘅處境劇《愛·回家》中擔正男主角之一，飾演馬壯一角大獲好評。自此，一講「神之子」，就係人都知係邊個。

2014年，佢與家族資產近5億嘅李潔瑩結婚，3年後囝囝出世，相信而家黎諾懿都係有仔萬事足，為做個好爸爸同好老公而努力不懈！

6.王祖藍@沙田恆安邨

屋村出身嘅王祖藍，細個全家住喺沙田恆安邨。祖藍因與阮兆祥、李思捷做《荃加福祿壽》開始走紅，一路以嚟靠自己密密工作，賺到盤滿缽滿。

重返無綫前的王祖藍喺內地工作不斷飛撲埋身，賺錢能力高企，同時亦不忘對家人多加照顧。侍母至孝嘅佢就以3,700萬，買入自己寓所同屋苑連花園特色戶畀阿媽住。

7.楊思琦@大坑西邨

有「慳妹」之稱嘅楊思琦，佢以前細個就住喺大坑西邨，據知，佢慳家嘅目的係為咗可以儲錢置業。當年香港小姐冠軍嘅「思琦妹」曾為TVB花旦之一，其後離巢，結束13年賓主關係。

8.鄧麗欣@屯門大興邨

鄧麗欣（Stephy）自細喺屯門大興邨長大，讀書時做過兼職模特兒，後來入埋娛樂圈發展。Stephy以組合Cookies成員身份出道，做過歌手又拍過劇集同電影，樂壇同影壇產量亦有一定數量。曾經憑《空手道》喺金像獎提名最佳女主角，可惜不敵毛舜筠，失落獎項。

雖然Stephy出身屋邨，但出道打拼八年後，終於升呢入住貝沙灣大屋，身家更加豐厚，事實證明一分耕耘一分收穫！