全民造星V｜導師爭霸戰惹公憤 陳子豐疑不屑陳蕾出茅招搶人
《全民造星V》進入白熱化階段，今季導師藍組Jay Fung、Rosa及紅組陳健安、陳蕾都為自己的隊伍挑選精英，不過兩組導師眼光相似，因此周不時會出現搶人環節，在早期播出的集數中，藍組導師Jay Fung、Rosa都搶先一步搶走心儀參賽者，而安仔及陳蕾則多次食白果，為了搶到心儀參賽者，陳蕾不惜出茅招，但是卻引來ViuTV藝人陳子豐在IG story出post指罵。
全民造星V｜四大導師爭霸戰 陳蕾出茅招搶人惹公憤
在《全民造星V》節目中，除了一眾參賽者的表演值得留意外，Jay Fung、Rosa、陳健安、陳蕾四大導師的學員爭霸大戰亦是節目的看點之一，面對錯失大熱參賽者時，導師失望的反應充滿娛樂性，對於一個真人騷來說絕對是最理想的節目效果。不過沒想到卻引起公憤，在日前（25/5）播出的一集後，ViuTV藝人陳子豐就在IG Story出post寫道：「呢幾年，我一直都有聽妳的歌，會因為妳得獎而在心中暗暗高興。但……公平公正喺比賽中真係好重要，騷擾別人從而得到你想搶嘅人，玩一兩次可以，但次次有妳想要嘅人就咁做，就會變得好難睇。」疑暗示在一場真人騷見清某歌手的真面目。
然後陳子豐再寫道：「從來無懷疑妳嘅人格，但呢個show對妳嚟講都係一個真人show嚟㗎……如果我係對面嘅人，我講咗粗口行出間房好耐，佩服嗰兩位咁Nice嘅人。」疑似暗示不滿《全民造星V》其中一位導師陳蕾在節目上為了搶到心儀的學而出茅招，不過在凌晨時分陳子豐便刪除此post。
全民造星V｜陳蕾失控搶人嬲爆：你收聲啦
紅組導師陳蕾自言自己是打機高手，手速有一定的水準，因此在節目初時對搶人十分有信心，但是沒想到最後有多名熱門參賽者均被藍組導師Jay Fung、Rosa搶走，面對失去過多人才，陳蕾亦不惜出茅招搶人。一時又捉著Rosa的雙手，一時又壓住對方阻止撳燈，更試過擋住現場電視。藍組導師為免再被陳蕾騷擾，特意用咕𠱸做圍牆，又提意分開坐，保護性極高。
而日前（25/5）播出的一集，Win Win男友KC出場時，兩組導師為了搶人更展開罵戰，當兩組導師等待結果時，陳蕾雙手合十，而Jay Fung就問「你喊啊？」，陳蕾立即嬲爆回覆：「你走開，唔好嘈，你收聲啦，唔好理我哋」，在一旁的Rosa則為Jay Fung出氣：「你已經好奸詐，唔好咁樣同佢（jay）講嘢，我警告你」。四位導師為了搶人而動真火，十分有娛樂性，不過在上周播畢頭5集後，幾位導師一齊開live傾偈時，眼見導師之間言談甚歡，相信這次罵戰都是綜藝效果罷了～
有什麼Netflix、Disney+推薦及必睇劇集？
為大家整理一下截至目前為止小編追過的Netflix影集清單，必睇Netflix電影或劇集片單；Disney+方面，則可以一看電影片單推介。
