江嘉敏

江嘉敏自爆「自己寸又冇禮貌」+被上位小生力追!被前粉絲數5宗罪咁回應

娛樂資訊

廣告

江嘉敏有份出演TVB劇集《黯夜守護者》,由出道以來都是非多多的她,多次被爆出介入其他人的關係成為第三者,其次是因為人品及性格問題被公司雪藏。今次江嘉敏突破性以一個齊蔭髮型亮相,成功掀起不少話題,不少人都翻出舊事重提。

黯夜守護者 江嘉敏 江嘉敏在劇中飾演陳敏之個女。
江嘉敏在劇中飾演陳敏之個女。(圖片來源:《黯夜守護者》劇照)

江嘉敏《黯夜守護者》演技被讚有進步

對於今次江嘉敏的髮型,觀眾都有唔少意見!當中大讚江嘉敏可愛兼「後生咗」嘅言論都為數不少!尤其是江嘉敏早期因為拍劇而剪短頭髮被指「顏值大減」,突然行可愛風的確有很大反差,對反,都有人話江嘉敏面圓圓加埋個煲蓋頭,更加盡得面大,「好似粒珍寶珠」。不過江嘉敏在劇中要扮後生都係無可奈何,事關她飾演的盧小寶,角色設定是20歲,仲要係陳敏之個女,二人實際年齡分別係27歲同埋43歲,同劇入面一樣相差16年!

黯夜守護者 江嘉敏 江嘉敏 20歲,似唔似?
20歲,似唔似?(圖片來源:《黯夜守護者》劇照)
黯夜守護者 江嘉敏 江嘉敏 仲要同實際年齡係16歲嘅楊凱博有感情線!
仲要同實際年齡係16歲嘅楊凱博有感情線!(圖片來源:《黯夜守護者》劇照)
黯夜守護者 江嘉敏 江嘉敏 佢自己都有Po舊照幫手宣傳!
佢自己都有Po舊照幫手宣傳!(圖片來源:[email protected]_kong)

江嘉敏短髮Look致敬仙杜拉? 戰鬥格被嘲滲「東莞味」

而事實上,江嘉敏早前已經為拍攝劇集《四十二章經》而剪去多年長髮,豈料她犧牲嘅唔單止係留落多年嘅髮絲,她更曾自爆因為剪短髮連個男朋友都冇埋!當日她曾經在IG寫道:

知道嗎舊人
嗱長頭髮丫
一個人愛你係唔會理你長頭髮定短頭髮

黯夜守護者 江嘉敏 江嘉敏 去年11月4日江嘉敏生日,當時她已為新劇《四十二章經》剪了短髮,男友Anthony亦有出po為她慶生,上載兩人頭貼頭齊嘟嘴合照,以英文留言:「Happy birthday to my perfect one......」網友還以為他放風好事近。
嘉敏生日,當時她已為新劇《四十二章經》剪了短髮,男友Anthony亦有出po為她慶生,上載兩人頭貼頭齊嘟嘴合照,以英文留言:「Happy birthday to my perfect one……」網友還以為他放風好事近。(圖片來源:[email protected]
黯夜守護者 江嘉敏 江嘉敏 為咗一部劇,好犧牲呀!
為咗一部劇,好犧牲呀!(圖片來源:[email protected]_kong)

江嘉敏短髮Look再被批評

其實嫌棄江嘉敏短頭髮的,不單只是佢前男友,仲有一班網民。早前發福不少的江嘉敏於IG貼谷胸照,自稱獲友人大讚「身瘦咗但塊面圓咗」,並謂:「我把自己吃得這麼圓,就是為了不被別人看扁。」自信滿滿的她早前還以戰鬥格,穿黑色Deep V Bra Top披藍色西裝外套入馬場,惟有網民嫌「鄉姑」味濃,紛紛留言「件衫隻色想點,以為返咗大陸」、「東莞夜場小姐」、「啲Taste咁差」、「花家姐咁款」、「以為夾個髮夾喺頭就會似番女人?」等。然而去年底換上新造型時,江嘉敏已被指「完全Carry唔到短髮」,甚至問:「係咪致敬仙杜拉?」

黯夜守護者 江嘉敏 江嘉敏 江嘉敏近日於IG貼出谷胸照,自稱獲友人大讚「身瘦咗但塊面圓咗」。
江嘉敏近日於IG貼出谷胸照,自稱獲友人大讚「身瘦咗但塊面圓咗」。(圖片來源:[email protected]_kong)
黯夜守護者 江嘉敏 江嘉敏 江嘉敏早前戴上髮夾,怎料被網民嘲「花家姐咁款」,「鄉姑」味濃。
江嘉敏早前戴上髮夾,怎料被網民嘲「花家姐咁款」,「鄉姑」味濃。(圖片來源:[email protected]_kong)
黯夜守護者 江嘉敏 江嘉敏 江嘉敏去年底換上短髮新造型,有網民問她是否向前輩仙杜拉致敬。
江嘉敏去年底換上短髮新造型,有網民問她是否向前輩仙杜拉致敬。(圖片來源:[email protected]_kong)

江嘉敏認自己化妝幾恐怖 爆造型原來搵朋友幫手

對於被封「時裝車禍」,江嘉敏接受鄭裕玲(Do姐)主持的商台節目《口水多過浪花》訪問時,大方直認不懂扮靚、幫自己化妝都幾恐怖,「可能件衫本身係靚,但我冇諗到咁深層次,原來件衫唔啱我身形著,我冇留意呢啲。」又表示造型是搵朋友幫手,現會考慮聘請形象指導,Do姐追問:「嗰個朋友絕咗交未?」江嘉敏即解釋:「冇,朋友好好,佢哋有勸我嘅,但我就好堅持,我覺得呢件衫真係好靚,咁其實自己衰囉!」

黯夜守護者 江嘉敏 江嘉敏 江嘉敏日前接受Do姐左)的電台節目訪問,她自認唔識扮靚。
江嘉敏日前接受Do姐(左)的電台節目訪問,她自認唔識扮靚。(圖片來源:[email protected]_kong)

江嘉敏成「車禍」榜常客 被批造型老氣兼自曝其短

假如「宇宙巨肺」鄧紫棋是歌壇「時裝車禍」的代表,那麼劇界的「佼佼者」必定是江嘉敏,皆因她幾乎次次現身大型活動都例牌炒車!好似2019年出席《萬千星輝頒獎典禮2020》,當時蜜運中的江嘉敏一身「幸福肥」,卻穿上一襲Bling Bling直間緊身魚尾裙,將其腰間贅肉表露無遺,相當趕客;而經常被批評打扮過於成熟的她,上月以黑色喱士襯藍色連身短裙Look亮相《周年慶典節目巡禮2022》,雖然「中門暗開」身形若隱若現,但仍遭網民狂踩顯肥兼老氣。

黯夜守護者 江嘉敏 江嘉敏 江嘉敏於IG自貼《萬千星輝頒獎典禮2020》的造型照。
江嘉敏於IG自貼《萬千星輝頒獎典禮2020》的造型照。(圖片來源:[email protected]_kong)
黯夜守護者 江嘉敏 江嘉敏 然而媒體鏡頭下的江嘉敏現晒粗腰、肥腩。
然而媒體鏡頭下的江嘉敏現晒粗腰、肥腩。(圖片來源:網上截圖)
黯夜守護者 江嘉敏 江嘉敏 江嘉敏出席《周年慶典節目巡禮2022》的一身造型被指顯肥又老氣。
江嘉敏出席《周年慶典節目巡禮2022》的一身造型被指顯肥又老氣。(圖片來源:[email protected]_kong)

江嘉敏充斥負面新聞自認全因性格使然 被兩大高層嚴厲對待

江嘉敏早前被主持林柏希問到知唔知外界點睇自己時,江嘉敏九秒九答:「是非精吖嘛﹗呢樣嘢有少少唔開心嘅,因為自己性格衝動,好多嘢加埋變成觀眾覺得我好多新聞,一提江嘉敏就等如負面,扼殺咗我喺背後付出過嘅努力﹗」林柏希指江嘉敏過去負面新聞多多,包括有同湯盈盈去船P最後搞到姊妹反目收場,江嘉敏直言每次有負面新聞,樂易玲都會「訓話」她,江嘉敏在鏡頭前模仿樂小姐惡氣惡氣:「你知唔知自己今次點解出事呀?」林柏希又問樂小姐點睇她勾人夫的緋聞?江嘉敏就答:「樂小姐會覺得我太熱情,其實我已經收斂咗,因為我一直想工作環境開心,所以同咩人都啱傾,老中青乜都傾一餐,乜話題都傾到﹗」

除了樂小姐,曾勵珍都對她都好嚴厲,江嘉敏指曾因著leggings被珍姐大聲訓斥,江嘉敏話:「珍姐問我係咪去減肥,做乜著成咁,leggings係做運動著嘅,作為一個藝人要注意形象,其實珍姐講得好啱,我會記住﹗」江嘉敏直指樂小姐和珍姐對她好嚴厲﹗林柏希問電視台潛規則要送禮?江嘉敏即答:「我完全冇做囉﹗過年會送賀年食物,但唔會淨係送畀佢兩個﹗」

黯夜守護者 江嘉敏 江嘉敏 江嘉敏為自己是非精之名自辯。
江嘉敏為自己是非精之名自辯。(圖片來源:《月傾會》截圖)

江嘉敏自爆有上位小生追求:係好sweet嘅﹗

江嘉敏在節目中自爆有男藝人瘋狂追求,她指對方為她作歌,「佢唔係歌手,但好有心機,用我個名寫咗首歌,想同我講嘅嘢寫晒喺歌詞度,仲拍咗個MV送畀我。」主持林柏希追問下,雖然江嘉敏未有開名爆,但就透露是無綫上位中的男藝員,並透露「後生嘅」、「未上到一線,努力緊努力緊」、「青靚白淨」、「好溫柔,斯斯文文」又指對方姓氏唔普通。雖然江嘉敏未有透露幾時被追求,但就指對方好好又sweet,只是自己狀態未適合再拍拖,所以拒絕對方,似暗指是年初和有米男友Anthony分手後、近月的事。

黯夜守護者 江嘉敏 江嘉敏 林柏希問江嘉敏「有冇男artist或知名人士追求你?」江嘉敏聽到即陰陰咀笑﹗
林柏希問江嘉敏「有冇男artist或知名人士追求你?」江嘉敏聽到即陰陰咀笑﹗(圖片來源:《月傾會》截圖)
黯夜守護者 江嘉敏 江嘉敏 雖然話唔可以開名爆,但就提供不少線索﹗
雖然話唔可以開名爆,但就提供不少線索﹗(圖片來源:《月傾會》截圖)

江嘉敏望大家多提點:我知大家覺得我寸又冇禮貌,我會變好﹗

主持林柏希畀機會江嘉敏自白,指讓外界重新認識她,江嘉敏就話知自己性格太主動,又太衝動所以導致令人有誤解,亦因此而有不少負面新聞,她指知道外界會覺得佢「為人好寸、冇乜禮貌」,但她解釋只是性格衝動使然,又話:「大家第時見到我,唔好淨係叫我影張相,要提我唔好咁衝動,大家keep住提點我,我就會變好﹗」希望江嘉敏學懂慎言的重要性﹗

黯夜守護者 江嘉敏 江嘉敏 主持林柏希追問和前度Anthony分手是否因為剪短頭髮,江嘉敏答:「唔知喎,你真係要問番佢﹗」又否認被分手:「其實大家冇好明確講分手嘅,都拍咗三、四年拖,當然傷心,喊咗個幾月﹗」
主持林柏希追問和前度Anthony分手是否因為剪短頭髮,江嘉敏答:「唔知喎,你真係要問番佢﹗」又否認被分手:「其實大家冇好明確講分手嘅,都拍咗三、四年拖,當然傷心,喊咗個幾月﹗」(圖片來源:[email protected]_kong)
黯夜守護者 江嘉敏 江嘉敏 林柏希笑江嘉敏每逢在大騷都會發生時裝車禍,江嘉敏笑認仲話唯一一次無出事就係呢次台慶,因為黑衫有顯瘦效果﹗
林柏希笑江嘉敏每逢在大騷都會發生時裝車禍,江嘉敏笑認仲話唯一一次無出事就係呢次台慶,因為黑衫有顯瘦效果﹗(圖片來源:[email protected]_kong)
黯夜守護者 江嘉敏 江嘉敏 無綫
當年江嘉敏在無綫劇《親親我好媽》中飾演中六考DSE的女學生,一劇入屋,人氣一度急升。(圖片來源:[email protected]_kong)

江嘉敏早前被前粉絲爆 5宗罪事後逐一回應

第一宗罪:愛卸責

該名前粉絲指責:「江嘉敏最大嘅問題係在於從來唔覺得自己有問題。次次有咩事都剩係識不斷為自己辯駁,將責任推向人哋度,有無限嘅藉口不斷死雞撐飯蓋。」

黯夜守護者 江嘉敏 江嘉敏再惹是非 被前粉絲力數五宗罪
該名前粉絲話好多謝江嘉敏曾在其人生最抑鬱時和他講加油,只是他沒法接受自己點解要咁多年先可以睇清楚她真正為人。(圖為2017年一眾粉絲現身支持江嘉敏活動照)圖片來源:江嘉敏@IG

江嘉敏第二宗罪:態度差

江嘉敏被前粉絲指:「EQ又低又串串貢又貪心,態度差過好多輩份比佢高嘅偽人,公司又點會想捧呢啲帶來咁多麻煩嘅人。」另外亦有一名網友爆料指:「早兩年賣衫,佢試過R sponsor,真人態度X,又串XX咁,呢頭同你笑哂口,轉頭就叫第二個講,多多意見!」

黯夜守護者 江嘉敏 江嘉敏再惹是非 被前粉絲力數五宗罪
前粉絲指江嘉敏真人串串貢、態度差,仲人前人後兩個樣,十足雙面人。圖片來源:江嘉敏@IG

江嘉敏第三宗罪:貪心

該名前粉絲又指控江嘉敏貪心,曾在網上問粉絲搵氣球,疑似「攞著數」:「你喺出面點R Sponsor我唔在意,但唔好畀我知你真係無論去到邊都想攞人著數好冇;叫人幫你買嘢又唔識還番錢畀人。雖然冇損失好多錢,但呢啲係基本禮貌同尊重。」

黯夜守護者 江嘉敏 江嘉敏再惹是非 被前粉絲力數五宗罪
前粉絲指江嘉敏曾在網上問紛絲搵氣球,之後在她和男友生日時現場都放滿氣球,疑似成功「攞著數」。圖片來源:江嘉敏@IG

江嘉敏第四宗罪:無交帶

前粉絲又指責江嘉敏在台灣時拜託其他明星的Fans代她購買三文治,但買完後無講幾時交收:「雖然都係食物,唔係D咩貴價嘢,但呢個係基本禮貌。就算人哋冇打算收你錢,你都應該答謝人哋幫你買,同埋好好交代番。以為自己好紅咩,出Trip驚死人哋知佢住邊間酒店,約佢交收又唔應。嗰日佢班機提早咗又唔交代聲。」

黯夜守護者 江嘉敏 江嘉敏再惹是非 被前粉絲力數五宗罪
江嘉敏被指在台灣曾拜託其他明星的Fans代她購買三文治,但對方買完後江嘉敏無講幾時交收,連班機要提早飛都無交待聲,最後該粉絲要搭的士趕去機場「送貨」。圖片來源:江嘉敏@IG

江嘉敏第五宗罪:當粉絲下人

江嘉敏又被指對待粉絲有如下人一樣,該名前粉絲說:「佢好高竇㗎,對著啲Fans呢好似我哋係下人咁。之前Gathering佢完全唔幫手set場,走又唔講Bye bye,話送英國手信畀我哋,但啲手信係擺咗一年先送,仲要唔係親手畀,而係叫Fans club其他人幫佢比。真係有心送嘅話會唔會係咁。對著Fans佢都咁,想像唔到對著其他外人會係點。」

黯夜守護者 江嘉敏 江嘉敏再惹是非 被前粉絲力數五宗罪
講到呢個point有唔少網友都反駁話覺得Fans Gathering由粉絲set場係冇問題,由偶像set場先係怪。圖片來源:連登討論區截圖
黯夜守護者 江嘉敏 江嘉敏再惹是非 被前粉絲力數五宗罪
不過該名前粉絲話「係態度問題」。圖片來源:連登討論區截圖

江嘉敏反駁:完全係作出嚟

對這次是非,江嘉敏非常勞氣,認為該名網民並非她真正粉絲:「自稱粉絲即係假啦、扮係我粉絲,我相信我嘅Fans唔會做啲咁無聊嘅嘢,睇佢所講嘅嘢,佢真係唔了解我,係完全作出嚟,而且近排都好多假Account,我留意到佢哋不停講粗口、鹹濕嘢、惡意抹黑我,我都Block咗好多Account,同Delete咗成二千幾個留言!」

黯夜守護者 江嘉敏 江嘉敏再惹是非 被前粉絲力數五宗罪
江嘉敏表示自己從來不會叫粉絲買禮物:「因為我啲Fans年紀仲好細,仲讀緊書未有工作,所以佢哋送嘅貴重禮物我都會退番去。」圖片來源:江嘉敏@IG

江嘉敏又逐一反駁該名前粉絲的指控,講到被指叫台灣粉絲買三文治一事,她解釋當時她在台灣拍劇,有一個台灣粉絲去探過他們幾次班,她說:「個粉絲好好,成日買水果、飲品、三文治畀我哋全部劇組人員食,唔係淨係請我一個食,佢都係我哋個劇幾個同事嘅粉絲,唔係我一個粉絲,我覺得粉絲嚟探班,問我哋想食乜係好普通嘅事,唔明啲人點解要扭曲抹黑人哋嘅好意。」

黯夜守護者 江嘉敏 江嘉敏再惹是非 被前粉絲力數五宗罪
江嘉敏指曾有粉絲在她出Trip時到場探班:「佢都有主動問我想食啲咩,話請我食,咁其實都好正常。」圖片來源:江嘉敏@IG

至於搵衫𢱑贊助,她指絕對冇可能:「首先我因為我有經理人,我公司會幫我處理晒所有嘢,絕對唔會叫任何一個粉絲去處理,其次我都識好多客戶,佢哋好疼錫愛護我,去乜嘢Event,佢哋會幫我揀適合嘅衫,我又有自己嘅Stylist,我嘅工作絕對唔會叫粉絲做,如果唔係點解要畀錢請Stylist?唔可以扼殺佢哋嘅努力同好意。」

黯夜守護者 江嘉敏 江嘉敏再惹是非 被前粉絲力數五宗罪
講到問粉絲搵氣球疑似「攞着數」,江嘉敏說:「我只係要搞派對,想問吓大家意見參詳吓,冇叫佢哋去買或搵!」圖片來源:江嘉敏@IG

同場加映:江嘉敏對人態度兩副面孔開工擺阿姐款

現年26歲的江嘉敏出道經常扮玉女,不過玉女假象背後卻姣出汁,除了拍劇愛姣對手,又被爆愛黐富二代,兩年前撻著電競公司高層Anthony火速同居,冧到仔依然未收手,去年中被爆同馮盈盈一齊去船P,卻因事件被撞破各執一詞變羅生門,姊妹從此反目,江嘉敏亦極速埋新姊妹堆,黐林凱恩同小小超女友郭嘉文玩埋,生活繼續多姿多采。

黯夜守護者 江嘉敏 直擊姣精江嘉敏開工擺阿姐款 黑口黑面向助手訓示
無寶不落的江嘉敏,近期經常黐實林凱恩變好姊妹,更透過林凱恩結識小小超女友郭嘉文,相當進擊。早前更同郭嘉文、鄺潔楹(Judy)齊齊為林凱恩補祝28歲生日。圖片來源:江嘉敏@IG
黯夜守護者 江嘉敏 江嘉敏再惹是非 被前粉絲力數五宗罪
18年撻著電競公司高層 Anthony,江嘉敏冧仔花臣多多,扮可愛自拍更手到拿來!圖片來源:江嘉敏@IG

熒幕前經常笑容滿面、天真可愛的江嘉敏,對住助手原來另一個樣,更加男女有別。早前本刊就影到她和女助手出外工作時,頻擺阿姐款,黑口黑面向助手訓示,當正助手係阿四,相當難服侍!

黯夜守護者 江嘉敏 江嘉敏再惹是非 被前粉絲力數五宗罪
早前江嘉敏一個人離開九龍城寓所,企在街邊等的士,雖然戴住口罩,都可見她眉頭緊皺。圖片來源:新傳媒圖片庫
黯夜守護者 江嘉敏 江嘉敏再惹是非 被前粉絲力數五宗罪
同助手在新蒲崗工作完畢,雖然有助手陪同企街等的士,不過等極都無車,大小姐已玄壇口面,向身旁助手發火!圖片來源:新傳媒圖片庫

據知情者透露:「咪睇Kaman 外表好似乖乖女咁,真係畀佢食咗你都未知,佢份人好有心計,鍾意黐埋班有錢仔度,啲富二代鍾意識女明星,佢就成日拉埋啲姊妹一齊去玩,有殺錯冇放過!不過,佢對男仔就嬌滴滴,對啲男工作人員會放晒電,但對女助手就會擺阿姐款呼呼喝喝,有乜安排唔周到就發脾氣,真係唔易服侍㗎 !」

黯夜守護者 江嘉敏 江嘉敏再惹是非 被前粉絲力數五宗罪
江嘉敏乘的士到達尖沙咀,落車時便命令助手幫她拿手袋。圖片來源:新傳媒圖片庫
黯夜守護者 江嘉敏 江嘉敏再惹是非 被前粉絲力數五宗罪
江嘉敏捧住個紙袋,邊行邊訓示身旁助手,只見助手一篋一袋,還要幫她攞住手袋,仲被她沿途訓話。圖片來源:新傳媒圖片庫

早前她由寓所出發開工,等車期間已經皺晒眉頭相當不耐煩,去到會合助手更加玄壇面口,完成上半場工作,同助手一齊等的士,等了幾分鐘未有車,更黑口黑面向助手發火,之後坐的士去到目的地,見助手拖住個篋還孭住大袋嘢,依然要對方幫她攞手袋,工作完畢準備歸家才自己拿回手袋,麻煩態度現晒形!撕開玉女假面具,江嘉敏醜行愈揭愈多,仲有冇人敢埋身?

黯夜守護者 江嘉敏 江嘉敏再惹是非 被前粉絲力數五宗罪
同傳媒做完訪問後,江嘉敏同助手行去街頭上Uber。圖片來源:新傳媒圖片庫
黯夜守護者 江嘉敏 江嘉敏再惹是非 被前粉絲力數五宗罪
江嘉敏在牛頭角放低助手後,再乘 Uber返回九龍城寓所。圖片來源:新傳媒圖片庫

常見問題

江嘉敏對自己被封「時裝車禍」有何回應?

江嘉敏接受鄭裕玲(Do姐)主持的商台節目《口水多過浪花》訪問時,大方直認不懂扮靚、幫自己化妝都幾恐怖,又表示造型是搵朋友幫手,現時…詳情請看

江嘉敏被前粉絲力數哪5宗罪?

江嘉敏早前被前粉絲爆5宗罪事,該名前粉絲指責江嘉敏最大嘅問題係在於從來…詳情請看

撰文:東方新地圖片來源:[email protected]_kong、[email protected]、《黯夜守護者》劇照

你可能也喜歡