陳展鵬因單文柔改變一生 娘爆衣著成標誌 自爆曾做地盤散工又爛蒲做「狗公」

娛樂資訊

陳展鵬單文柔3年多一直恩恩愛愛,早前在情人節特備節目中與老婆單文柔夫婦檔大曬恩愛,最近又「單拖」接受阿Bob林盛斌主持的J2全新節目《人夫放假約出去滾》打住邊爐講入行至今的辛酸史,仲被Bob重提亞視出的娘味月曆卡。陳展鵬承認當年好頹廢,有段時間愛上夜蒲,曾遇事業谷底的他走去做地盤散工,唔使睇人面色日薪300;捱足廿年終於見岸,陳展鵬遇埋真命天女單文柔,改變他的一生。

陳展鵬歌星夢碎

陳展鵬的人生並非順風順水,近年演戲為主的他,其實有個歌星夢未圓,那時候唱片公司寶麗金睇中陳展鵬想簽他做歌手,當時他只有18-19歲,唔知有經理人同冇經理人的分別,盲樁樁走去唱歌,搞到電視台工作全面停止,他說:「其實都好失望,喺TVB都做咗一段時間,本身想雙線發展,但就只能夠二選一,然後入咗去寶麗金唔夠兩年執笠。夢碎咗唔緊要,但冇錢,唔知之後點行,又唔想冇嘢入返TVB,唔想咁樣,然後好彩識咗出面電影公司人去拍電影,但唔夠一年又冇埋。」

 陳展鵬 陳展鵬當年選擇入讀無綫訓練班後,覺得好開心好好玩,但事業上絕對不是順風順水,更可以說是不如意。
陳展鵬當年選擇入讀無綫訓練班後,覺得好開心好好玩,但事業上絕對不是順風順水,更可以說是不如意。(圖片來源:TVB《人夫放假約出去滾》截圖)
 陳展鵬 陳展鵬對住Bob無所不談。
陳展鵬對住Bob無所不談。(圖片來源:TVB《人夫放假約出去滾》截圖)

陳展鵬事業低谷時 做狗公𥄫女

陳展鵬在訪問中直認自己生性頑皮,不過唔做犯法事,他表示入行後一高一低睇到好多嘢,他說:「嗰五、六年輸咗畀自己,做乜輸乜,個環境又差喎!我性格比較內斂,個樣又寸寸貢,唔會去主動搵人畀機會,後來愈來愈唔掂,焗住去敲門,臨時演員都去做吓,嗰時仲開始沉淪,去蒲吧唔知自己做乜……純粹去𥄫女,又冇錢,好頹廢。之後又教返打乒乓波又做地盤,地盤好搵日日Pay三嚿水,唔使睇人面色,做完嘢就走。」

 陳展鵬 陳展鵬表示在事業低潮期做乜都唔掂。
陳展鵬表示在事業低潮期做乜都唔掂。(圖片來源:TVB《人夫放假約出去滾》截圖)
 陳展鵬 有段時間全個人都負能量爆燈。
有段時間全個人都負能量爆燈。(圖片來源:TVB《人夫放假約出去滾》截圖)

陳展鵬被Bob嘲笑拍月曆卡

陳展鵬回憶當年辛酸,他說:「我諗每一個人入呢行都會有不如意,頭兩、三年都覺幾辛苦,辛苦係捱唔到,冇時間休息,我以前做運動員係11點瞓,但去到TVB凌晨4點起身,放工又天光先放。個時拍戲唔興有凳,係啲大哥大姐先有得坐,我哋就企,有時十粒鐘。個段時間係要捱囉,生活節奏同體能搞唔掂。」

 陳展鵬 Bob重提陳展鵬在亞視影的娘味濃月曆卡。
Bob重提陳展鵬在亞視影的娘味濃月曆卡。(圖片來源:TVB《人夫放假約出去滾》截圖)

後來陳展鵬去亞視重頭做起,被阿Bob笑指當時受力捧月曆卡都排頭幾位,陳展鵬尷尬笑,他表示早年拍的電影與電視劇好虛火,由亞視再返無綫,人工由4萬減至1萬,陳展鵬話交租都要8,000蚊,本打算食老本三年再無起色就轉行,好彩又畀佢博到。

 陳展鵬
(圖片來源:亞洲電視圖片)
 陳展鵬 陳展鵬與田蕊妮都是當年亞視力捧小生花旦。
陳展鵬與田蕊妮都是當年亞視力捧小生花旦。(圖片來源:亞洲電視圖片)

陳展鵬感恩「黑妹」李麗霞走出事業低谷

不過在低谷中幸得「黑妹」李麗霞助他登台賺外快「第一次Show人哋畀幾多錢佢,佢畀番個筆錢我,$12,000同我份糧差唔多。」黑妹姐一個仙都沒有抽取令他非常感動,更主動介紹朋友圈給他拓展人脈,因此他非常之感恩,亦明白到做得娛樂圈都是靠大家互相幫助和照應。

(圖片來源:weibo@陳展鵬-好鵬友大本營)

陳展鵬表示老婆單文柔有初戀感覺

近年事業算得意,陳展鵬更遇上單文柔,結婚生女同年發生,好幸福,他在訪問中自爆當年單文柔選港姐做評判已有私心,評「最上鏡小姐」時畀單文柔最高分,不過憑他一人之力都幫唔到單文柔拎獎,陳展鵬話年幾後才真正與單文柔有接觸,仲好大膽話:「當年佢都冇依家咁靚……結婚因為神推鬼㧬」同埋「年年都有港姐,原來我浪費咗好多機會。」陳展鵬表示單文柔畀到一種初戀的感覺「好純、好乖、好簡單、諗嘢完全唔複雜」,有讚冇彈。

 陳展鵬 陳展鵬表示與單文柔拍拖初期已有初戀感覺,很舒服。
陳展鵬表示與單文柔拍拖初期已有初戀感覺,很舒服。(圖片來源:IG@rucochan)

陳展鵬單文柔戀情不被看好 護花令感情升溫

當年陳展鵬正在內地拍攝劇集《天命》,陳展鵬與老婆的地下戀被媒體揭發,戀情曝光後被一眾網民認為胡定欣才是正印,更公開到單文柔社交平台留言炮轟,但因工作關係未能陪伴在太太身邊,只從旁建議她一星期內不要外出,希望太太給予時間讓他好好處理,免得事件再被報導。事後陳展鵬出面護花,更公開答謝單文柔的陪伴:「佢真係好單純又陽光,佢將陽光感染埋我,我以前成座冰山咁,現在慢慢被佢融化。」更表明與胡定欣從來沒有拍過拖,在這件事情後兩人感情更堅固。

 陳展鵬 陳展鵬一家三口不時放閃,囡囡小豬髀冧死爸爸。
陳展鵬一家三口不時放閃,囡囡小豬髀冧死爸爸。(圖片來源:IG@rucochan)

自爆全因「電視劇情」求婚成功

陳展鵬坦言自己36-37歲已經準備好結婚,在拍拖兩年後,已忍不住要向太太求婚,但當時單文柔不願相信,更認為陳展鵬「講笑」覺得太假,在求婚失敗半年後,陳展鵬全靠《逆天奇案》電視劇情,當時摺了一隻戒指給林夏薇,同一個求婚心思用在單文柔竟然就成功了!

他指「趁佢瞓覺嘅時候摺咗隻戒指俾佢,然後將戒指套喺佢手指,第二日瞓醒,佢發現點解會有隻野喺度?然後就成功求婚!」場面見當搞笑!陳展鵬更非常多謝編劇,如此貼心為他想到一條絕世求婚好橋!

陳展鵬為單文柔及「小豬比」有更好的生活買軍澳晉海

為了太太單文柔及「小豬比」有更好的生活環境,更入住將軍澳「晉海」千萬豪宅,組織一個安樂窩。其實陳展鵬在2017年時便以母親名義花1,280萬購入將軍澳晉海一個700呎3房高層單位,有時當時陳展鵬一心想與中風後行動不便的母親同住。隨著與單文柔結婚後便一同入住將軍澳晉海單位,直至單文柔結誕下女兒「小豬比」才與母親分別居住。

(圖片來源:IG@rucochan)

陳展鵬曾做地盤散工,當年人工多少?

陳展鵬曾遇事業谷底,只好擔任地盤散工,人工僅…詳情請看

陳展鵬是否對單文柔一見鍾情?

陳展鵬曾自爆當年單文柔選港姐做評判已有私心,評「最上鏡小姐」時畀單文柔…詳情請看

Tag
TVB
撰文:冬冬、東方新地圖片來源:IG@rucochan、TVB《人夫放假約出去滾》

你可能也喜歡

Recommended