譚詠麟老婆二奶火拼之路 ：曾借機為第三者Wendy補擺酒扶正名份 大婆激罕現身復出管家力阻上位！

原文刊於、圖：東方新地

譚詠麟老婆二奶火拼之路 ：曾為第三者Wendy補擺酒扶正名份！

譚詠麟2011年為Wendy賜名份擺酒後，其有份出席的好友曾志偉被問為譚詠麟做伴郎時直認：「我只記得嗰晚我負責敬酒，都冇所謂啦，佢都半公開。譚詠麟最開心佢個仔讀書好叻，係十優會考生，佢仲話唔關佢事，係Wendy教得好。」一句說話道盡譚詠麟有仔萬事足，一家三口母慈子孝，髮妻莎莉仿如局外人。事後譚詠麟知志偉爆響口後顯得甚為難，更勞氣斥志偉「多口」，他說：「我冇乜喜事，只係生日飯。（婚姻狀況有變？）總之冇任何分別。」

大婆莎莉不問世事咁多年 志蓮避世

據知譚詠麟藉生日將壽宴變喜酒賜名份予Wendy實乃暗中行事，如今東窗事發，難怪阿倫頭痕，據知情人爆料：「莎莉不問世事咁多年，除咗錢銀上，其實等同對阿倫放晒手，除咗每個月支一份開支俾二房嗰邊做家用，其餘時間潛心禮佛積德！阿倫生日本來佢都預咗兩邊分別食飯慶祝，但你哋寫咗擺酒，佢又知嗰晚咁多圈中朋友有去飲，為免外間誤會，決定出返嚟揸番正譚太呢個身份，管番屋企嘅嘢！」據知莎莉自此嚴管譚詠麟每月交人天數，更搬出倫媽撐腰，迫孝順阿倫就範。

大婆莎莉高調伴倫媽

有周刊當年直擊到低調多年的莎莉罕有偕倫媽、兩名外傭、兩名本地幫傭、一司機一行七人現身鑽石山志蓮淨苑，抵達門口，已有師太在恭候，但眾人卻不是即時入內，而是留在原地。約二十分鐘後，師太領莎莉等人循遊人禁入的職員通道到3樓佛堂參與法會，儘管倫媽已有多名傭人司機貼身服侍，但莎莉還是不放心，一直在旁指揮，更亦步亦趨照顧，顯得關懷備至。據知莎莉因為歷年來不斷捐獻，在志蓮享有特權，可任意自出自入，但一直都是獨自修行，甚少見她帶家人同行，當日帶同倫媽及大批親友同行，顯然另有特別用意。法會完結後，記者一直候至志蓮關門，仍不見眾人現身，估計已從秘道離開。

先入門為大

多年來，阿倫表面雖享盡兩屋兩妻齊人之福，其實有苦自知，他曾表示：「係自己錯，我當年係一己私慾，佢（莎莉）鬧咗幾年，大家無癮，我同佢講，依家你日日鬧都要面對。」道出莎莉表面無欲無求，其實極介意跟另一個女人分享丈夫。

莎莉跟Wendy共侍阿倫多年，各有地盤，大房管錢，Wendy集中火力培訓曉風成材，隨着獨子曉風日漸長大，外表跟阿倫餅印一樣，學業成績好，更是打鼓彈結他鋼琴唱歌畫畫籃球樣樣皆能，令阿倫甚驕傲，二房日見得寵，近年阿倫不避嫌在傳媒面前談及Wendy母子，過時過節Wendy曉風一家三口把臂出遊，而被冷落的莎莉一直為阿倫投資管錢，將心思轉為照顧阿倫父母，以及誠心禮佛為阿倫食長齋積福，據知情人表示：「Wendy以為跟咗阿倫咁多年，曉風都咁大，莎莉會放手俾佢入門啦，點知都唔係，加上老人家始終覺得先入門為大，又唔會容許兩房爭風呷醋搞到家嘈屋閉，所以有倫媽一日，Wendy想坐正絕對唔容易，就算Wendy有個慈姑椗都係咁話！」雖然阿倫跟莎莉因為Wendy的介入漸行漸遠，但逾5億資產物業全在莎莉手，反之Wendy只有跑馬地兩層物業揸手，為兒子將來着想，亦因對莎莉感有愧，阿倫始終事事尊重正印。