翁嘉穗疑與李明慧「搶老公」今洗底嫁豪門住破億豪宅!海景獨立屋藏畫室
翁嘉穗(Virginia)為1997年香港小姐冠軍,與同屆亞軍李明慧曾上演「爭奪一人」的戲碼,最終更令兩人反目收場。不過事過境遷,兩人現在均嫁入豪門專心做起少奶奶,更曾分別曝光各自的豪宅,而翁嘉穗的海景獨立屋更是擁有超奢華裝潢,簡直羡煞旁人。
翁嘉穗嫁老公後做少奶奶 住海景獨立屋裝潢超奢華
雖然「兩女爭一夫」最後由港姐冠軍翁嘉穗爭贏,但其實李明慧都嫁唔差,03年下嫁名慈善家、教育家陳樹渠幼子陳燿陽,生下一對龍鳳胎,從此也過著夢想中嘅闊太生活。今年樓市喺疫情下變得更熱鬧,唔少明星名人入市或放盤,早前李明慧將中半山複式單位以1.15億放售,大屋價值二千萬嘅奢華裝潢曝光令人嘩然。
![翁嘉穗 獨立屋 97年當選港姐冠軍後,99年已經嫁入鄔家做少奶奶,今年46歲已有兩子,但翁嘉穗依然 keep 到,隨意喺家中一個角落影張相,都見到擺設和傢俬件件價值不菲。](https://imgs.sundaymore.com/wp-content/uploads/2020/11/1_1197a_aunt_p10_11_2846090785fab8d2f6ec70-822x1024_82147524461403bc288c3c-822x1024.jpg)
![翁嘉穗 獨立屋 夫妻多年來一直相當恩愛,大仔和二仔年紀相差十五歲。](https://imgs.sundaymore.com/wp-content/uploads/2020/11/2_1197a_aunt_p10_11_9840744915fab8d3170488_92543024561403bd4d5acc.jpg)
![翁嘉穗 獨立屋 婚後除咗相夫教子打理頭家,翁嘉穗亦有積極參與慧妍雅集嘅慈善活動,是現任會長。](https://imgs.sundaymore.com/wp-content/uploads/2020/11/3_1197a_aunt_p10_11_5288893545fab8d32d6e5f_33933718961403be6d75a5.jpg)
呢邊廂老公億億聲身家嘅鄔太翁嘉穗全海景超豪獨立屋,亦都逐格在其 IG 曝光,花園、露台、gym room、畫室⋯⋯一應俱全,view 靚屋靚得令人羨慕!當年爭完老公,睇吓24年後,邊個間屋豪啲、邊個嘅闊太生活寫意啲?
![翁嘉穗 獨立屋 另一個大露台就算擺滿盆栽仲有一套籐製戶外餐桌,地方仲綽綽有餘,夠細仔坐住架學行車周圍碌。](https://imgs.sundaymore.com/wp-content/uploads/2020/11/12_1197a_aunt_p10_11_2276368595fab8d41eeebd_110654985061403c218df59.jpg)
![翁嘉穗 獨立屋 獨立屋背山面海,有花園又有大露台,景觀令人心曠神怡。](https://imgs.sundaymore.com/wp-content/uploads/2020/11/11_1197a_aunt_p10_11_20803355105fab8d4076c5f_26358317561403c231a4c1.jpg)
![翁嘉穗 獨立屋 同樣道理,農曆新年都係通過盛大布置展示財力和貴氣嘅好時機,每年悉心布置屋企,盡顯女主人嘅心思。](https://imgs.sundaymore.com/wp-content/uploads/2020/11/10_1197a_aunt_p10_11_13243147545fab8d3eccfd8_194661010461403c249cfa4.jpg)
![翁嘉穗 獨立屋 細仔剛滿五歲生日在家中切餅慶祝,家中隨處可見一家四口溫馨合照。](https://imgs.sundaymore.com/wp-content/uploads/2020/11/7_1197a_aunt_p10_11_19973403045fab8d39e1100_14515576361403c290e9b1-822x1024.jpg)
![翁嘉穗 獨立屋 有錢人同我哋一樣都係鍾意打吓邊爐燒吓嘢食,不過分別在於張枱大啲餐具豪啲,背後淨係攞嚟擺銀器、水晶杯碟嘅落地櫃都有兩個。](https://imgs.sundaymore.com/wp-content/uploads/2020/11/6_1197a_aunt_p10_11_14962495915fab8d38949ba_37643544861403c2ab5bc3.jpg)
翁嘉穗太高調被挖臭史
港姐冠軍翁嘉穗突然咁高調一定有啲原因,不少網民重提當年佢參選港姐時嘅黑歷史,「咪就係佢喺亞軍李明慧手上撬走鄔友正囉!」
![翁嘉穗 獨立屋 97年港姐三甲係冠軍翁嘉穗、亞軍李明慧同季軍佘詩曼,當年因爭佬事件搞到一鑊粥,李明慧冇得撈,翁嘉穗掛住拍拖入豪門,佘詩曼成為最大得益者,被無綫力捧。](https://imgs.orientalsunday.hk/wp-content/uploads/2020/09/200806271847213337182154_9169502495f69aae53fef6-1024x688.jpg)
翁嘉穗趁情敵公幹奪愛
97年嘅港姐翁嘉穗係冠軍,李明慧係亞軍,佘詩曼只係季軍,當年李明慧同翁嘉穗關係非常之差,唔係因為大家係競爭對手,係因為大家係情敵。話說翁嘉穗現任老公鄔友正當年係李明慧嘅男友,因為鄔友正旗下公司當年係港姐選舉嘅贊助商,鄔友正因利成便同李明慧打得火熱,相戀十日就宣布會喺同年閃婚,李明慧當時以為可以嫁入豪門,就向無綫提出解約。
期間李明慧去美國公幹,就係呢個時候傳出翁嘉穗同鄔友偷偷約會,翁嘉穗仲對外公開自己先係鄔友正嘅正印女友,不過重點係鄔友正亦好維護翁嘉穗,仲向李明慧悔婚,最後李明慧成為最大輸家,解約無綫冇得撈,有傳獲鄔友正補償120萬,不過最大損失係冇得嫁入豪門。
李明慧失鄔焉知非福
呢段咁精彩嘅港姐冠軍同亞軍爭佬歷史真係好經典,李明慧當時雖然雙失(失業又失戀),但佢好快就重整旗鼓,再接再厲,她先轉行做稅務會計師,呢個唔係重點,重點係佢後來因為工作關係喺美國認識咗教育家、慈善家陳樹渠嘅細仔,即係現任丈夫陳燿陽,仲喺03年正式結婚,婚後生咗一對龍鳳胎,老公家底有過之而無不及。
李明慧嫁畀陳燿陽後就專心過住少奶奶生活,早年一家人移居美國生活,近年先回流返香港。李明慧有今日嘅幸福人生,真係要多謝當年翁嘉穗橫刀奪愛咯!
![翁嘉穗 獨立屋 李明慧爭輸鄔友正反而造就另一段良緣,一樣可以嫁入豪明做少奶奶,近年由美國回流香港,高貴現身與公關鄭紹康聚頭。](https://imgs.orientalsunday.hk/wp-content/uploads/2020/09/numberonepr_46287198_307588596632484_2893445338091555293_n_16221417095f69aaf94a1a1-819x1024.jpg)
翁嘉穗曾搶李明慧男友?
1997年嘅港姐翁嘉穗係冠軍,李明慧係亞軍,當年李明慧同翁嘉穗關係非常之差,因為大家係情敵。話說翁嘉穗現任老公鄔友正當年係李明慧嘅男友,期間李明慧去美國公幹,就係呢個時候…詳情請看
李明慧近況如何?
李明慧當年與翁嘉穗爭佬歷史真係好經典,李明慧當時雖然雙失(失業又失戀),但佢好快就重整旗鼓,再接再厲,她先轉行做稅務會計師,佢後來因為工作關係…詳情請看