江嘉敏疑與男友忍痛分手3年情斷 句句有骨暗示富貴高層男友Anthony出軌兼嫌棄她

娛樂資訊

廣告

江嘉敏疑與男友Anthony分手,日前在社交網連環出po暗示情已逝,又以「舊人」來形容男友,更疑似暗示遭他嫌棄「這樣」,並已取消關注對方!江嘉敏與電競公司高層有米男友Anthony拍拖3年,經常合體放閃,甚至周街公主抱,不料卻傳出因男方出軌而分手,加上過去與閨密反目成仇,入行以來是非與緋聞不斷!

江嘉敏疑與猛料有米男友3年情斷忍痛分手!

江嘉敏與電競高層男友Anthony拍拖三年幾,都經歷過不少風波,不過二人在人前好似打風都打唔甩,今次應該真係大結局。有報道指江嘉敏與Anthony已正式分手,更有指是因為Anthony疑似「出軌」,雖然男方仍有於社交網Follow她,甜蜜合照仍在,不過江嘉敏已Unfollow對方,還連環出po營造失戀的氛圍。

 江嘉敏近日不斷在社交裝發表似是失戀後的感性言論。
江嘉敏近日不斷在社交裝發表似是失戀後的感性言論。(圖片來源:[email protected]_kong)
 江嘉敏在社交網多謝對方給她快樂、經歷、回憶及教訓。
江嘉敏在社交網多謝對方給她快樂、經歷、回憶及教訓。(圖片來源:[email protected]_kong)

江嘉敏字裡行間暗示男友嫌棄短髮

江嘉敏在2022年2月22日、正月廿二的星期二,更上載了兩張長髮舊照,留言似有所指:「趁今日有那麼多『愛』,給情侶們一個小分享,兩個人在一起久了呢,會膩,會沒有新鮮感,但你要知道,新鮮感是和舊的人去體驗新的事物,而不是和新的人去體驗舊的事物。」她又強調「知道嗎舊人」、「嗱長頭髮丫」、「一個人愛你係唔會理你長頭髮定短頭髮」,句句有骨,看來是畀說話男友Anthony聽。

 江嘉敏上載兩張昔日的長髮照片。
江嘉敏上載兩張昔日的長髮照片。(圖片來源:[email protected]_kong)
 她以「舊人」來形容男友Anthony。
她以「舊人」來形容男友Anthony。(圖片來源:[email protected]_kong)

江嘉敏分手呼之欲出

其實江嘉敏這個宣布分手的方式都幾有鋪排,去年11月生日的她,日前出po留言「最後‧晚餐」,又刻意標籤「見到我仲係金毛就知係latergram」、「一切嚟得太突然」、「2022年我哋嘅第一餐亦都係最後一餐」,又埋怨對方冇準備蛋糕,一直稱呼Anthony做「超人」的她,又hashtag「拯救地球系列」、「結局篇」。講到咁白係人都知江嘉敏情場失認,網民紛紛留言叫佢加油。

 江嘉敏形容她與Anthony最後一次食飯慶生,是最後的晚餐。
江嘉敏形容她與Anthony最後一次食飯慶生,是最後的晚餐。(圖片來源:[email protected]_kong)
 佢自己都寫埋係結局篇。
佢自己都寫埋係結局篇。(圖片來源:[email protected]_kong)

江嘉敏唔否認已分手

對於因為男友Anthony出軌而導致分手,江嘉敏接受傳媒訪問時沒有否認,只說現階段努力抗疫及照顧自己身體,要努力熟讀劇本研究新角色,等疫情緩和就要埋位,希望給觀眾帶到新感覺同新火花,仲叫傳媒畀啲時間她,因為最近好多事要忙。

 去年11月4日江嘉敏生日,當時她已為新劇《四十二章經》剪了短髮,男友Anthony亦有出po為她慶生,上載兩人頭貼頭齊嘟嘴合照,以英文留言:「Happy birthday to my perfect one……」網友還以為他放風好事近。
去年11月4日江嘉敏生日,當時她已為新劇《四十二章經》剪了短髮,男友Anthony亦有出po為她慶生,上載兩人頭貼頭齊嘟嘴合照,以英文留言:「Happy birthday to my perfect one……」網友還以為他放風好事近。(圖片來源:[email protected]
 去年Anthony30歲生日,二人更穿情侶裝慶祝。
去年Anthony30歲生日,二人更穿情侶裝慶祝。(圖片來源:[email protected]
 江嘉敏被男友公主抱
江嘉敏獲男友Anthony以公主式抱起。(圖片來源:[email protected]

江嘉敏與男友Anthony甜蜜事回顧|江嘉敏男友投訴 ︰「是你大褸太重還是…

江嘉敏近排新聞多多,早前曾被指背住電競公司高層男友Anthony,疑似偷食男友嘅好朋友X先生嘅新聞被翻炒而嬲爆,搞到佢要喺IG發文表達不滿!不過,去年聖誕節,江嘉敏已放下怒氣,喺IG大晒同男友拍拖行街嘅合照,男友仲懶理途人目光,以「公主抱」抱起佢,而江嘉敏亦好識做,即時樹熊上身依偎在男友臂彎內,又頭貼頭深情互望,畫面羨煞旁人!不過,Anthony之後竟敢投訴女友好似肥咗唔少,江嘉敏留言話:「𝐶ℎ𝑟𝑖𝑠𝑡𝑚𝑎𝑠 𝑖𝑠 𝑐𝑜𝑚𝑖𝑛𝑔﹗大褸終於出動了!見到聖誕樹,忍不住要合照一下,感覺好幸福。剛巧合照站在蝴蝶結下面,我們都是互相的禮物吖!臨走時,他說了一句:『是你大褸太重還是……』!」

 江嘉敏被男友公主抱
江嘉敏去年聖誕節,孖男友拍拖行街。(圖片來源:[email protected]
 江嘉敏被男友公主抱
二人不時在IG放閃。(圖片來源:[email protected]
 江嘉敏被男友公主抱
江嘉敏與男友Anthony感情穩定。(圖片來源:[email protected]
 江嘉敏被男友公主抱
江嘉敏男友Anthony Cheng 在美國加州柏克萊大學畢業,在本地一間著名電競公司擔任產品部總監,家住太子道西價值千多萬港元的豪宅。(圖片來源:[email protected]
 江嘉敏被男友公主抱
男友對江嘉敏當公主般看待。(圖片來源:[email protected]
 江嘉敏被男友公主抱
江嘉敏常常以「超人」稱呼男友。(圖片來源:[email protected]

江嘉敏男友Anthony曾做阿四

本刊曾全程直擊江嘉敏搵男友幫手搬屋,當日約早上十一時 許,只見Anthony 在村屋外指示搬運工人搬嘢上貨車,江嘉敏則留在屋內 打點,全程點男友做阿四,Anthony 來回十多次搬雜物及清理垃圾,搞了 兩個多小時,傢俬雜物塞滿成架貨車,男友搬搬抬抬十幾轉都依然咁冧,無他,江嘉敏搬搬吓嘢可以冧男友玩畫手仔,只見 Anthony 摸著江嘉敏手仔寫字喺手掌,之後她又撒嬌要寫埋一份,江嘉敏捉住男友手臂寫嘢時,Anthony 更合埋眼極之享受,似乎女友撒嬌已經令他無法抗拒。

 江嘉敏
屋企有米的 Anthony,呢日放下少爺身段,幫江嘉敏不停將屋企唔要廢物,攞出外面掉!(圖片來源:[email protected]
 大件傢俬床褥有搬屋工人幫手搬,Anthony則幫手攞燙衫板等雜物放上自己私家車。
大件傢俬床褥有搬屋工人幫手搬,Anthony則幫手攞燙衫板等雜物放上自己私家車。(圖片來源:[email protected]
 江嘉敏
有男友幫手搬屋兼 做司機,江嘉敏可以翹埋手做公主, 上車等男友車去新居。(圖片來源:[email protected]

江嘉敏忽然撒嬌扭抱男友Anthony

之後江嘉敏坐男友的寶馬座駕,跟在貨車後面一同出發,去到太子道西新居,男友先將座駕泊到自己寓所停車位,再同江嘉敏前後腳返新居執嘢。晚上九時,兩人執嘢執到肚餓,一齊行去九龍城搵餐廳醫肚,江嘉敏全程戴上口罩唔想畀人認出,兩人連行去食飯都好癡纏,近六呎高的Anthony全程搭著女友膊頭行,又幫女友孭住手袋,行到路口,江嘉敏忽然撒嬌扭抱,Anthony竟唔理路人注目將她成個抱起過馬路,江嘉敏姣功果然名不虛傳!

 江嘉敏
江嘉敏一身便裝仲著住類似酒店的輕便拖鞋!(圖片來源:[email protected]
 江嘉敏
Anthony駕車載女友去到太子道,先將寶馬座駕泊返自己寓所屋苑,再同江嘉敏前後腳行返隔籬新居。(圖片來源:[email protected]
 江嘉敏
屋貨車泊在江嘉敏太子道西 新居屋苑外,只見成架貨車都 塞滿嘢,除咗大件傢俬、仲有 床褥、被鋪及唔少膠箱,獨居 的江嘉敏家當多到塞爆貨車。(圖片來源:[email protected]
 兩人到附近茶餐廳醫肚,吃飽飽後,Anthony醒目行去埋單,再陪女友行返新居。
兩人到附近茶餐廳醫肚,吃飽飽後,Anthony醒目行去埋單,再陪女友行返新居。(圖片來源:[email protected]
 Anthony對女友照顧無微不至,行街仲幫女友孭埋手袋, 行到去路口,女友突然撒嬌話攰扭抱,他更man爆將女友 成個抱起過馬路,江嘉敏腳撐撐,搞到男友鬼咁high!
Anthony對女友照顧無微不至,行街仲幫女友孭埋手袋, 行到去路口,女友突然撒嬌話攰扭抱,他更man爆將女友成個抱起過馬路,江嘉敏腳撐撐,搞到男友鬼咁high!(圖片來源:[email protected]
 搬屋靠晒朋友,江嘉敏負責發號施令,但竟然要求全程主力搬搬抬抬嘅男友為她按摩膊頭。
搬屋靠晒朋友,江嘉敏負責發號施令,但竟然要求全程主力搬搬抬抬嘅男友為她按摩膊頭。(圖片來源:[email protected]

《親親我好媽》江嘉敏

江嘉敏中學讀嘉諾撒聖心書院,江嘉敏自17歲已瘋狂拍私影同接拍微電影,而佢喺《親親我好媽》中飾演江美儀大女,一位17歲學生妹,因爲演技自然而大受好評!江嘉敏戲内係一位乖巧文靜,品學兼優的學生,真心純過蒸餾水!佢喺劇中同何廣沛嘅感情線,更是觀眾至愛情節!江嘉敏更憑《親》獲提名頒獎禮女配角,對入行年資不算長的她來說相當鼓舞。

 無綫
無綫劇《親親我好媽》中江嘉敏扮學生妹好神似!(圖片來源:TVB《親親我好媽》劇照)

江嘉敏於港台劇狂扮學生妹

雖然第一次參演無綫劇,但其實江嘉敏拍攝經驗可不少,好似《女人多自在5》、《沒有牆的世界》及《我的家庭醫生》等港台節目,劇中角色一律都係學.生.妹!所以佢在《親親我好媽》再演學生,完全係駕輕就熟!

 無綫
拍無綫劇前,江嘉敏狂拍港台劇!(圖片來源:港台劇集截圖)
 無綫
拍無綫劇前,江嘉敏狂拍港台劇,演學生妹駕輕就熟!(圖片來源:港台劇集截圖)

常見問題

江嘉敏如何字裡行間暗示男友嫌棄她?

江嘉敏在社交網連環出po暗示情已逝,又以「舊人」來形容男友…詳情請看

江嘉敏如何回應傳媒對分手一事問題?

江嘉敏接受傳媒訪問時,指現階段努力抗疫及照顧自己身體,要努力熟讀劇本研究新角色,至於分手一事…詳情請看

撰文:東方新地圖片來源:[email protected]_kong、[email protected]

你可能也喜歡