梁芷珮孖老公拍《非洲潮什麼》！𡃁模清澀照曝光 劏房戶變身旅遊KOL

梁芷珮拍《非洲潮什麼》 與老公仔女走訪大半個非洲

梁芷珮《潮什麼》系列相當受歡迎，過往遠赴不少歐洲國家，一直想再飛遠啲。是次帶同老公、兩位子女Duncan同Kasey玩盡印度洋珍珠三島及大半個非洲。梁芷珮一家人為了在一個半月內盡情踏足想去嘅地方，前後搭足17程飛機。《非洲潮什麼》首集以馬爾代夫揭開序幕，欣賞無邊際海景，又會與一對仔女大玩浮潛、「空中飛人」大鞦韆，同時體驗漁民傳統釣魚方法試釣數量龐大的吞拿魚。梁芷珮亦於節目中到訪毛里求斯，與兩隻獅子漫步。

梁芷珮與老公曾於結婚18周年時大放閃

梁芷珮孖住老公拍攝，二人恩愛如初；去年2月份，梁芷珮與老公結婚18周年，梁芷珮更在IG分享與老公的雪地合照放閃，寫道：「18年前嘅今日，我好愛佢所以嫁比佢。18年後嘅今日，我更加超愛佢，所以去到邊到黐住佢！雖然今年結婚18周年要喺檢疫中渡過，但只要有老公喺身邊，邊度過都冇所謂啦！Happy 18th anniversary! Love u Lo Kung!!!!」

梁芷珮出道早過周秀娜

梁芷珮其實曾做過旅遊雜誌𡃁模，早過周秀娜入行，不過梁芷珮兩年後就結婚，誕下三個小朋友長年以嚟一直專心相夫教子。直至近年梁芷珮才轉型繼續做旅行KOL，憑《潮什麼》系列人氣急升，被封「人妻女神」。

梁芷珮當年模特兒相片：

梁芷珮被指撞樣港姐李綺紅

梁芷珮被廣告商「劃清界線」

梁芷珮曾應廣告商邀請進行直播，但卻惹來不少「反TVB」網民留言攻擊，而廣告商竟與梁芷珮「劃清界線」，梁芷珮又發了千字文回應網友！話說廣告商於2021年5月25日請了TVB藝人梁芷珮開直播，卻惹來不少「反TVB」網民留言攻擊。該廣告商已經找過梁芷珮直播宣傳一次，該次是第二次。不過該廣告商當時已將梁芷珮「劃清界線」，將所有相關貼文及影片刪除。

梁芷珮廣告接不停手 三名子女就讀國際學校

梁芷珮形象討好，就算沒有旅遊節目出街，廣告仍是接不停手。有指梁芷珮單是廣告收入已經過百萬港元，相當犀利。另外，梁芷珮三名子女均就讀國際學校，經濟壓力下，自然努力工作吸錢。

梁芷珮發千字文回應網友：劏房都住過

梁芷珮面對被攻擊，發了千字文回應。梁芷珮一開始提到感激一班支持她的粉絲：「首先我好想喺到多謝喜歡我，follow我嘅粉絲，一個普通嘅師奶仔可以儲到十幾萬粉絲，我已經好滿足，好開心，能夠有今日嘅成績，我真係好感恩，我係一個好勤力嘅人，因為我嘅人生唔係為我自己一個人而活，而係為咗屋企三個小朋友，我唔係來自一個有錢嘅家庭，20歳嫁咗人，老公當年亦都係一個普通嘅20歲o靚仔，當年啱啱加拿大返嚟，我哋冇靠屋企人，未搵到工又冇地方住，劏房都住過。」

梁芷珮：希望各位高抬貴手

梁芷珮最後提到希望各位高抬貴手：「好感恩呢幾年可以幫公司拍旅遊節目，多人認識咗，多咗好多KOL嘅工作，收入穩定咗，就可以比到更穩定嘅生活三位小朋友，我哋每日都好努力咁工作…希望各位高抬貴手，唔好因為我來自邊到，喺邊間公司做嘢而抹煞我嘅工作機會，我只係一個努力工作，賺錢養大仔女嘅媽媽，世界上每一個父母都係咁，你哋如果唔鍾意一樣嘢，其實真係可以唔睇或者直接block咗我，然後follow返你地喜歡嘅嘢，我個人好簡單，有嘢就做，有工就開，大家開心，簡簡單單就得㗎喇。」