38歲傅嘉莉曬素顏相撞樣林嘉欣 入行8年捱出頭網民熱捧奪女配角
38歲傅嘉莉(Kelly)於2015年加入TVB發展,入行8年終於在早前熱播劇集 《香港人在北京》中飾演男仔頭角色「芬妮」而捱出頭,有望憑此劇勇奪今屆女配角一獎。除了成為女配角大熱外,來年更有3套參演劇集等住播而成為「劇后」。傅嘉莉日前在IG回應好評,並貼上一張素顏靚相,隨即引起不少網友大讚撞樣另一女神林嘉欣!
傅嘉莉素顏靚相撞樣女神林嘉欣
傅嘉莉近年發展演員事業之外,4年前再搞埋副業,自設個人飾品品牌faa。2021年半工讀英國FGA寶石學課程,9月已畢業,成功取得人生首個FGA文憑證書。傅嘉莉日前在IG透露已飛往倫敦出席文憑證書頒授典禮。
傅嘉莉興奮拿住小熊公仔自拍,以素顏示人,長髮披肩更有清純味,摵甩昔日螢幕上邪花角色的感覺,更有網友指,傅嘉莉清新氣質與另一位女神林嘉欣相似。
![傅嘉莉 素顏 傅嘉莉興奮拿住小熊公仔自拍,傅嘉莉素顏示人,長髮披肩更有清純味!](https://imgs.weekendhk.com/wp-content/uploads/2023/11/398569650_1485320168678038_7116263090860560097_n_755331292654dba40cb290-1024x1024.jpg)
![傅嘉莉 素顏 更有網友指傅嘉莉清氣質與另一位女神林嘉欣相似。](https://imgs.weekendhk.com/wp-content/uploads/2023/11/-2023-11-10-1.16.43_1170383768654dbcc710a97.png)
傅嘉莉:2023的確係我好圓滿的一年
對於日前《香港人在北京》取得唔少好評,傅嘉莉亦發文表示:
「我特登挑選《香港人在北京》嘅戰衣,因為我係當時一邊拍劇一邊溫書面對呢個公開試,而家劇集播出嘅靚靚成績表已經得到了,再去埋英國親身接受FGA 文憑證書,2023的確係我傅嘉莉好圓滿的一年。」
![傅嘉莉 素顏 對於日前《香港人在北京》取得唔少好評,傅嘉莉亦發文表示:而家劇集播出嘅靚靚成績表已經得到了](https://imgs.weekendhk.com/wp-content/uploads/2023/11/d9af9c2b-d0b8-4926-b965-75a79bc55600_1765481852654dba624e3e2-782x1024.jpg)
![傅嘉莉 素顏 成功摵甩昔日螢幕上邪花角色的感覺](https://imgs.weekendhk.com/wp-content/uploads/2023/11/306cf6c4-f649-4093-b064-c1d2b798e90e_2105577269654dba6116fa6-777x1024.jpg)
傅嘉莉《香港人在北京》動人演技由頭帶到尾
《香港人在北京》尾聲,大家都非常關注傅嘉莉情訂誰人!隨住陳星妤退出,洪永城決心追回要遠走非洲的傅嘉莉,他中途塞車,決定踩單車趕去高鐵站,不過都是食白果。
不過,3個月後,洪永城在大街上重遇男仔頭的「傅嘉莉」,深情爆出金句:「只要你喺度,立遺囑都得,受益人寫你個名」、「風依家先知,原來我一直鍾意嘅人就喺我身邊」,雖然蝦碌認錯人,但真正嘅傅嘉莉企在身後聽住,最終被真誠打動,加上富二代方晴選擇讓愛,二人成功在一起了!
![傅嘉莉 素顏 香港人在北京 大結局 洪永城在大街上重遇男仔頭的傅嘉莉,深情爆出金句:「只要你喺度,立遺囑都得,受益人寫你個名」、「原來我一直鍾意嘅人就喺我身邊」,最終被真誠打動,成功一齊了!](https://imgs.weekendhk.com/wp-content/uploads/2023/11/dda6c5b3-fb3c-4221-ae9e-6c94e0d381cc_15966118246545133c96497-768x1024.jpg)
![傅嘉莉 素顏 香港人在北京 大結局 獻出深情一吻](https://imgs.weekendhk.com/wp-content/uploads/2023/11/35a5cfd6-3eef-4d9d-a04c-47febf50c6c3_13101394466545161c46cb4-1024x715.jpg)
大團圓結局終極自抽!
大團圓結局之際,「徐家」再次出場,陳展鵬笑指,來到大結局點解唔係我哋做主角,吳若希就再寸洪永城:「唔緊要啦,佢都冇乜點做主角」。傅嘉莉還抽水:「唔係BBQ已經好好啦!」都係嘅,去到結局總算冇爛尾,片尾「彩蛋」還特意播出一首《越難越愛》,將氣氛推到最高,確是出色!
![傅嘉莉 素顏 香港人在北京 大結局 大團圓結局之際,「徐家」再次出場,陳展鵬笑指來到大結局點解唔係我哋做主角,吳若希就再寸洪永城:「唔緊要啦,佢都冇乜點做主角」。傅嘉莉還抽水:「唔係BBQ已經好好啦!」](https://imgs.weekendhk.com/wp-content/uploads/2023/11/e87c4225-2bdd-4622-adc1-8b5544725fcc_10926662116545153997d15-768x1024.jpg)
觀眾希望「徐家」原班人馬再拍續集
回看上周收視,《香港人在北京》九點半時段有19.4點(125萬觀眾) ,反而《羅密歐》由首周20.7點跌至 19.2點(由133萬觀眾跌至124萬觀眾) ,陳豪夫婦檔流失足足9萬觀眾,不及陳展鵬同吳若希嘅夫妻檔。《香港人在北京》大結局固然感動,但唔少觀眾都覺得唔夠喉,希望「徐家」原班人馬再拍續集,「今年嘅《下流上車族》」、「好感動,希望再拍續集!」、「今集聽到兩首好好聽嘅歌!」
![傅嘉莉 素顏 香港人在北京 大結局 《香港人在北京》大結局固然感動,但唔少觀眾都覺得唔夠喉,希望「徐家」原班人馬再拍續集!](https://imgs.weekendhk.com/wp-content/uploads/2023/11/0b8c1fc4-337c-4671-9100-7202da802876_241029213654516354f4f3.jpg)
傅嘉莉獲讚女配角大熱:你哋認同我,其實我已經覺得自己攞到獎!
劇集播畢後,傅嘉莉還特意在晚上開IG live分享感受,不少粉絲大讚演技進步,有機會成女配角大熱,傅嘉莉表示:「你哋鐘意,你哋認同我,其實我已經覺得自己攞到獎!」事後還為Funny寫上一段讀白,為結局留下一些感想:
世上或許有一種愛情
就像芬喱一樣
不是一見鍾情,也不是愛得轟烈
而是大家在彼此的生命裏
已經習慣到好像進入對方的血管一樣
好自然,好舒服,好安心或許生活就是找這麼的一個平衡點
這段片段是鍾澍佳總監制分享俾我哋的
有一晚,佢又唔瞓覺,再將個結局剪接多一次
今晚我又俾佢整喊咗兩次
你有冇陪funny一齊喊呢感謝寫咗咁多場搞笑又感動嘅戲俾我哋
![傅嘉莉 素顏 香港人在北京 大結局 事後還為Funny寫上一段讀白,為結局留下一些感想](https://imgs.weekendhk.com/wp-content/uploads/2023/11/20f829fa-61cd-47e4-855f-9d3726d1181a_60418469465451a0d50a33-652x1024.jpg)
![傅嘉莉 素顏 香港人在北京 大結局 傅嘉莉還特意在晚上開IG live,不少粉絲大讚演技進步,有機會成女配角大熱,傅嘉莉表示:「你哋鐘意,你哋認同我,其實我已經覺得自己攞到獎!」](https://imgs.weekendhk.com/wp-content/uploads/2023/11/abf18041-886a-45b3-ab38-638a09860db0_87720085865451a0c084b1-582x1024.jpg)
有什麼Netflix、Disney+推薦及必睇劇集?
為大家整理一下截至目前為止小編追過的Netflix影集清單,必睇Netflix電影或劇集片單;Disney+方面,則可以一看電影片單推介。