護膚一週:韓國護膚品牌

網誌

今個星期會為大家介紹多款護膚產品,
由於護膚品繁多,我地就將其分類為-
韓國品牌、歐美品牌同醫學品牌。
打頭炮係黎自韓國既護膚品!
韓牌當中價錢有平有貴,種類亦十分多,
佢地既貴品牌比歐美牌子更平,但質素都可媲美歐美牌子,
而且宜家唔使下下飛去韓國,全部香港都有得賣架喇!
最近早晚都有微微秋意,
大家都可以睇定秋冬要轉用既護膚品岩唔岩啦~

AMORE PACIFIC

AMORE PACIFIC旗下有LANEIGE、雪花秀等二十多個護膚化妝品牌,
當中遍及平、貴、中價等品牌,
而以自身集團名字命名既AMORE PACIFIC就係比較尊貴品牌,
專門研究珍貴草本植物,加入嶄新科研技術,提煉活膚產品。


(左起)CONTOUR LIFT Skin Defining Eye Creme、MOISTURE BOUND Hydration Ampoule、TIME RESPONSE Skin Renewal Mist

TIME RESPONSE Skin Renewal Mist 80ml $410

為肌膚持久補濕的清新活膚噴霧,
蘊含專利配方Advanced TIME RESPONSE Complex™,
令肌膚重拾柔嫩膚色與彈性。
以AMOREPACIFIC獨自栽種提煉的Green Tea Cell Water™和草本精華代替蒸餾水,
綠茶高效抗氧化,同時能修護並改善粗糙膚質。

大家見到呢款噴面水可能都會諗點解賣咁貴,
其實市面上大部分噴面水都係蒸餾水成分,或者香氛加蒸餾水,
而呢一款就完全用精華代替,可以話係一枝噴霧既精華。

佢既粒子好幼細,噴到面上感覺似霧水,好快就吸收左,
因為佢既微細粒子,噴既時候可以近少少距離15-20cm左右,
感覺唔黏笠,好清爽,唔令身,仲帶有淡淡護膚品香氣,
因為佢既尊貴配方,以呢個價位黎都算ok。

CONTOUR LIFT Skin Defining Eye Creme 15ml$1370

專為幼嫩眼周肌膚而設,觸感輕盈,
蘊含獨家Collagen Bridge Technology™,促進膠原蛋白的增生,重拾彈性。
珍貴皂苷成分Bio-GF1K改善肌膚緊緻度,
結合氨基酸和植物提取成分Amino Linker有效提升肌膚密度,明顯減淡細紋及皺紋。

天然透明質酸成分強化眼周肌膚保護層,打造富彈性的柔滑肌膚。

呢款眼霜質地係柔滑cream狀,
感覺唔會太厚,但滋潤度高,
只要小小份量就已經可以搽勻眼周位置,
按摩後感覺眼周有返彈性,
適合眼周比較乾、有眼紋既朋友使用。

MOISTURE BOUND Hydration Ampoule (5ml x 4) $1020

為期一個月的補濕精華療程,有效鎖水,締造水潤肌膚。
高濃縮竹液有效集中傳遞水份至肌膚,
蘊含獨創科研配方5-Hydra ComplexTM,維持肌膚水份並賦予健康生機,
Inner-moisture Activating TechnologyTM幫助激活肌膚深層的潛在鎖水能力,
乳霜結合精華質感,能快速令肌膚吸收,同時賦予肌膚充足水份和滋潤感。

呢款精華一枝可用7日,感覺好清爽,好易吸收,
用黎做打底護膚品可以令底層肌膚變得水潤,

改善吸收能力,令之後搽既護膚品更加易滲透吸收。
如果本身皮膚狀態唔好,就算搽好滋潤既護膚品,
裡面既水分同精華都落唔到底層,
所以呢款產品就可以從根本幫助改善底層乾既朋友。

The history of 后

Gongjinhyang Soo Camellia Moisturizing Oil 50ml $870

蘊含宮廷保濕秘方瓊玉秘丹、清氣益壽丹、銀河水及調率丹,
補充皮膚水分,有效提升皮膚吸收水分能力,加強肌膚水氣,讓皮膚水潤保濕。
以桔梗、川芎、荊芥及紫胡配製而成的宮廷秘方調率丹,
能活化鬱結的血脈,使清氣與淨水流動,
促進肌膚的水脈循環,加強水脈,使肌膚吸收豐富的水分,令肌膚充滿彈性。
可直接使用在身體、面部及頭髮上,更可混合精華液、乳霜甚至粉底使用。

好多人聽到精華油都會耍手擰頭,以為好似花生油果啲咁油淋淋,

其實呢一兩年都有唔同既品牌出左face oil,
而大部分都係質地輕盈、水感多於油膩。
而呢一款同樣質地比較輕,似係水狀既油,唔會有油膩感,
上到皮膚後好快就被吸收,
而吸收後亦感覺清爽水潤、不黏笠,帶有護膚品香氣,
當中既油份可以保持皮膚既水油平衡狀態,適合所有皮膚使用,

LANEIGE

貴為AMORE PACIFIC旗下既LANEIGE,
係較為多人熟悉,價錢較親民既品牌,針對既年齡層亦較為廣泛,
佢地既產品大部分適合中性至乾性肌膚,
如果係極乾皮膚或成熟年齡肌既朋可能用返AMORE PACIFIC呢類就比較適合喇。

Clear-C Advanced Effector 150ml $350

蘊含頂尖抗氧化科研技術遊離基抑制科技,能更有效中和肌膚細胞的遊離基,
將天然成份直達肌膚底層,發揮高效抗氧化作用,補濕同時美白,
擊退暗啞令肌膚即呈現晶瑩剔透、水嫩光澤。
蘊含西印度櫻桃Acerola及被巴西莓果,
提升細胞自我更生能力,改善膚色不均,
同時有鎮靜、補濕與抗氧化,延緩衰老,
減低遊離基造成的傷害、預防膠原蛋白流失及提升免疫力。

呢款肌底液喺韓國就已經出左一段時間,
好多朋友去韓國都會專登入貨,
宜家呢款產品已經引入左香港。

肌底液都一樣有打底既功能,從根本改善皮膚底層狀態,
令底層皮膚更水更潤、同時改善暗啞問題。

Mini Pore Waterclay Mask 70ml $210

成分源自韓國新安曾島之一級天然無污染礦物泥,
比一般過於濃稠的礦物泥更能吸附油脂污垢,
質感水凝,徹底淨化毛孔,迅速回復緊緻,令肌膚細嫩柔滑。

之前用過好多唔同品牌既clay mask,
大部分都好易抽乾水,杰撻撻又厚身,
不過呢款質地感覺非常水潤,唔會乾爭爭,
上皮膚後乾透時間比較快,只係有少少繃緊感覺,
洗面後仍然feel到水潤感,
肌膚仲滑左,同有少少亮白效果。
乾皮膚可以敷5mins,而油皮膚就可以敷耐少少,約10mins。

belif

belif係一個以草本植物為主既品牌。
品牌理念以真實珍貴原料,打造珍貴天然草本植物護膚品。

De-wrinkle treatment spot care $450

蘊含大量β-胡蘿蔔素的羅勒,有滋潤肌膚、改善老化、
撫平皺紋等功效,有助於延緩衰老。
加上Napiers保濕配方研製,有效重點減淡皺紋如眼紋和嘴角細紋,
改善老化問題從而尋回彈性肌膚,
同時為肌膚補充足夠水分,從肌底改善乾燥肌膚

Almighty Sun Stick SPF50+ PA+++ $280

克莉奧帕特拉香草’長蒴黃麻成分的防曬棒,
無白濁現象,柔和塗抹,不粘膩的水潤使用感,
含[無添加]礦物類,合成香料,合成有機色素,合成防腐劑等。

平時都好怕用防曬stick,怕好黏笠,
但呢款sun stick就好清爽,帶有檸檬草味道,
質地好似潤唇膏,搽到皮膚上係透明無色,
細細枝拎出街或者帶去旅行都好方便。

Sooryehan

Hyobidam Anti-aging Pack 100ml $568

高濃縮營養睡眠面膜,質感柔滑滋潤,易吸收不粘膩,
利用附帶的檀香木輕柔按摩,促進臉部血液循環,
晚上護膚程序的最後階段使用,利用附帶的檀香木按摩約一分鐘後睡覺。

如果平時喜歡幫自己按摩又喜歡藥用成分護膚品既朋友,
呢一款面膜就岩晒啦。
面膜一打開就有好濃既人蔘味道,
質地質感柔滑、厚身較滋潤,
按摩cream一般都會較滋潤,咁就會易推啲,
透過按摩時可以慢慢滲透到皮膚,
如果太過清爽既話就比較難按架啦。
而附送既檀香木就係用作按摩用途,

木板有圓角同尖角,可接摩面部多個穴位,
促進血液循環,同時瘦面去水腫,
適合乾皮膚,成熟年齡肌使用。

(想知何按摩面部可以click去以下兩條link:
http://www.girlstalk.hk/blogs/?p=19870
http://www.girlstalk.hk/blogs/?p=17706

YUMEI

(左)O2 Bubble Massage Cleanser 120ml $188

豐厚的潔膚泡沫如蠶絲般柔嫩,能深層清潔,幫助去除毛孔內的雜質、污垢。
配方性質溫和,蘊含多種草本精華成分,
其白蘑菇提取物及山藥提取物能強效保濕,
增加彈性,美白亮膚,控油及舒緩鎮靜肌膚。
成分含豐富氨基酸的大豆蛋白,有助於促進膠原蛋白合成,
氨基酸能讓潔面時鎖住水分,防止乾燥。

(右)O2 Magic Bubble Peeling 120ml $188

含多種天然植物精華成分,荷花葉,白柳樹,
月見草及蔓越莓果萃取物等,能徹底去除化妝品及肌膚上的殘餘污垢,

分解溶化黑頭及粉刺,減少黑色素增生。
有效地全面潔淨與淨化毛孔,軟化並去除老化角質,
控制油脂分泌、收細毛孔和美白肌膚。

呢款潔膚泡泡質地好似mousse,柔滑軟綿,
由於泡泡密度較高,唧既時候要小心,唔需要太多份量,
洗面後感覺水潤唔乾,保濕度高,
有效舒緩肌膚,亦明顯有亮白效果。

你可能也喜歡

Recommended