新色眼影速遞

網誌


呢排好多品牌都出左新眼影,
今次就挑選左三款眼影試下個效果比大家睇啦,
仲有兩位同事CHRISTY + CANDY,化左唔同既化法示範比大家睇添!

MAQUILLAGE:

CANDY:【小清新水潤感圓眼】哩隻橙色係比較SOFT既橙色,
我覺得好岩一D人想試下搽橙色但又好怕太誇張,
而眼頭同眼尾搽上啡色眼影,令輪廓更突出,眼型更圓。

用米色眼影搽眼肚位置,增加水汪汪效果,
令整個妝感更個水嫩! 最後用上啡色既GEL LINER,
即時自然得黎又有神啦,簡單自然,岩哂喜歡淡妝或者日常返工既朋友!

CHRISTY: 如果好喜愛橙系眼妝既朋友可以加強係眼尾V字位,
望落就更加sharp啦~
而眼頭可以加番淺啡色加強立體感,
望落都好有春日感覺。

SKINFOOD:

CANDY:【小心機立體眼妝】我覺得哩款眼影組入面6隻色都好實用!
同埋係哩三個品牌入面最上色既一隻!價錢又平,真係幾抵買!
我覺得平時日頭可以用左面兩隻較淡既色,
夜晚可以用右面兩隻較深既色,
而中間兩隻閃粉可以加o係眼中間或者眼肚位置,增力立體感。

最後我用左淺色眉筆畫眼肚位置,製做微笑眼既感覺,
大家初時畫既時候可以對鏡微笑住畫,
切忌畫得太低,如果唔係就變左大眼袋感覺好老嫁喇~

CHRISTY: 如果想令眼部望落深邃感更重,
可以先用棕啡色於整個眼妝打底,
於眼頭同眼尾位置加上深啡色,

再係眼球中間最凸位置加上閃令令既珠光色,
望上去對眼就深左好多啦!

LUNASOL:

CANDY:【涼浸浸海洋感】哩隻眼影組好海洋FEEL呀!
仲配堆淺藍同淺綠色,好涼漫漫既感覺!
我覺得哩類色用黎影相都幾潮呀!去陽光海灘影相都好岩~

今次我先畫眼線再用藍色眼影,眼線會變左藍色,
代替彩色EYELINER PENCIL,又唔怕雙眼唔夠神,
眼尾輕輕拉高,感覺更乾淨呢!

最後可以用淺色liqud eyeliner一根一根畫下眼尾,製造眼睫先錯覺!

CHRISTY: 夜晚去party想化得再精靈啲?
就要學下呢個簡易smoky eyes化法啦!

先用淺色於雙眼皮位置打底,
用gel liner畫上粗眼線並掃鬆邊沿,
於眼頭位置掃上粉藍色,眼尾加上深藍色,
就會做出自動漸變感覺啦!
用番深藍色眼影畫番下眼線就可以呼應番個主色。


 

你可能也喜歡

Recommended