網上Window Shopping ﹣韓國篇
我相信係女人都鐘意行街，我自己都係行街精，
不過因為工作成日都無時間行街買嘢，
而且online shop愈嚟嚟普及之後，
我都轉戰網上買嘢，
今日就介紹三個我經常買開嘅韓國online shop，
等大家破吓財！
我自己最常買嘅都係韓國同歐美嘅online shop，因為有信心保證，
反而我就唔淘寶，試過買過貨不對辨，
搞到嘥錢又嘥心機，所以就無再淘寶喇！
首先介紹呢一間Cherrykoko，
啲衫感覺斯文啲，好啱各位OL人士。
佢係韓國江南都有實店，
如果旅行經過都可以去睇吓架！
佢質素都幾好架，價錢都唔算好貴，
例如冬天啲大褸外套都好靚又抵！
Shipping大概需5﹣10個工作天，
一般一至兩星期內收到，都唔算好耐。
佢係用EMS Postage，所以運費都係根據重量同size而定，
落order嘅時候就會知要收幾多運費。
可以用VISA／MASTER，或者Paypal付款，非常簡單方便。
而呢一間Zipia應該好多人都認識，
佢嘅種類比較多，
無論casual、返工衫、連泳衣都有架！
佢價錢都係好平民，
而且有好多時裡面啲衫都好獨特，
係香港未必會遇到架！
而近期我就鍾意佢啲bottom同accessories喇！
佢哋啲accessories仲好抵買添，
如果鍾意買飾物嘅朋友就啱哂你喇！
佢仲有instagram，
一有新貨就會即刻update，
包你時時都係行緊街，check實個潮流！
呢間我就係經代購去買，
facebook search “Seoul Good”就會搵到，
價錢上如果48000won就變HKD480咁上下，
不過多數會問問先，等佢報個價。
如果要得一件，又要佢地國內運費就要加多around $25-30。
我訂過呢幾間online shop，
so far都冇問題，未試過要換貨退貨，
所以整體上都好OK。
今次就介紹住咁多先啦，
下次再同大家發掘更多online shop，
燒吓大家啦！
如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或 Like我們的Facebook專頁：
www.facebook.com/janicelammakeup
（版權所有，未經同意不得轉載。)
