不時不食定唔熟唔食?

網誌

由籌備黃竹坑廚坊開幕到聖誕真係忙過不停,寫食譜都寫到手軟,好彩聖誕節放左個假期差差電。。。依家又忙緊新年啦!

講番不時不食,近排係Facebook都見倒好多人post一盒盒車厘子相上去,無他依家當做嘛!我都跟朋友湊個熱鬧學人夜探果欄入貨。。。其實係果欄賣生果不嬲都唔D咩新野!但今次嘅重點係佢。。堅。。平,同一盒來自澳洲的車厘子(30-32mm 是指車厘子的直徑,總重2kg),我地係果欄買$300…但係係“城市叔婆”度就賣$840…美孚專賣高檔生果檔都要賣$688!


喱批車喱子好味在大大粒之外就係粒粒卜卜脆,而且佢並唔係果D嗆喉嘅糖水甜味,淡淡的清糖更顯美味!

另外入手嘅係福崗士多啤梨,我地買$110/盒(兩packs)。。。“阿peter”就買緊$248/盒。福崗士多啤梨出名就唔洗講啦,既香又甜。。。
大型超市買野方便就方便嘞,不過食水就深左D囉!

有時間大家都可以去果欄走走,仲有其他正生果,可能會執倒寶架!老闆話今果星期仲有34mm車喱子,同埋士多啤梨到新年前都仲係靚,買黎做手信探朋友就絕不失禮啦!不過大家要記住果欄價都係時價的,日日唔同架。。。而且零晨時份大貨岩岩返,最多揀手貨,係大手買入最好時機呀!

你可能也喜歡

There are no comments

Add yours