Mirror Mirror

Mirror鏡粉前夫改編8首金曲 寫實受害經歷《姜濤心的愛》、《AL生日攞的AL》

Article

ViuTV節目《全民造星》成功帶紅Mirror、Error各位成員,令多名老公、男朋友降呢成第17位,早前就有一眾 鏡粉前夫開了群組「我老婆嫁左比Mirror導致婚姻破裂關注組」分享因另一半入坑而被冷落經歷,大放笑彈。而最近 CM Jill Li 及鏡粉前夫就改編了8首金曲歌詞,將他們的受害經歷寫入歌詞中,不知道當中歌詞又會否引起你的共鳴呢?

撰文:YY | 圖片來源:Mirror 成員IG|編輯:Sylvia

鏡粉前夫改編 8 首超爆笑金曲

鏡粉前夫改編金曲1.《鏡是永恒》(原曲:愛是永恒 張學友)

這首歌曲主要講述另一半愛上Mirror 後的一些小轉變,如地位大改變,感覺好像被派帽一樣,另一半愛上另一個男人的辛酸。

(圖片來源:Mirror成員IG)
(圖片來源:Mirror成員IG)

完整改編歌詞如下:
鏡粉的老公 能受百樣痛
男士永沒法認同 幻覺跨時空
打開煲只得青菜 無飯兼無肉
會課金 無限制 有幾多全奉送
快死的癈中 前列腺又痛
仍是見著你面紅 在看姜濤中
無做愛 已有三年吧
落去樓下 樓上去㩒鐘
*對著我 便嘆著氣
姜某是永不死
婚變這危機 感覺好兒嬉
背著我 酷愛著你
喜愛話我老土 逐漸離棄

變做庶民 分手似做戲
靚太失晒蹤 台下看著你
維護你沒有限期 大嗌Mirror中
這舊愛 與教主同在
實太無奈 離別進行中
(*重唱)
以後我哋無碇企
夫婿望有轉機
慘到周圍匿
衰過畀人飛
你避我 別在念記
千個萬個派帽 實在完美
鏡是永恒 衰婆愛是你..

鏡粉前夫改編金曲2.《16任愛人》(原曲:16號愛人 容祖兒)

《16任愛人》這首歌曲在 YouTube 上載短短時間經已吸引多人收看,當中除了將每位 Mirror 及 Error 成員們的名字填進歌詞中外,更訴說了他們對 Mirror 及 Error 成員的看法,同時也不滿自己為何要為另一半課金在第二個男人身上。

(圖片來源:Mirror 成員IG)
(圖片來源:Mirror 成員IG)
(圖片來源:Error IG)
(圖片來源:Error IG)

完整改編歌詞如下:
婚姻加持 經已沒意思 殘存僅可以
由塊鏡決定誰 才應該在你家中擁有位置
當晚飯再看電視時 張口有阿牧餵飼
牆上正貼著姜糖專有貼紙
扁咀姜濤 like佢沒架子 純情得可以
男生統統都變做了廢紙
原來話你最愛我不過暫時 名次每隔兩日都改變位置
一變四 四變十二 來到這禮拜更加諷刺
何以 我要去課金十六任愛人
隨便 看上那個他都比我更有趣吸引
偶爾我亦 願我是樂文 能轉個化身被你再重任
最愛還有阿陳 加柳柳 AK或Alton
皮皮 也變了客廳裝飾 座著Stanley的櫈
看見瀚霆 雙腳也在震

因我說過愛是無憾 才會沒覺訓
家中的人 都變做鏡粉 全員皆興奮
誰知吞聲忍氣仲要課金
誰人話我會縱你勾搭別人 連愛上米米導演都要默允
忍了你 你更薄倖 能叫我課到永不超生
何以 我要去課金十六任愛人
隨便 看上那個他都比我更有趣吸引
你會答話 願我是樂文 或變呂爵安共你再蜜運
最愛還是教主 啫喱米 做特別愛人
華Dee 也上到最高逐漸墮落不死的暗
看見佢哋 雙腳也在震
因我說過愛是無憾 才會受教訓
193競逐你的吻 我發脾氣惹公憤
面對虎仔與爗生 Poki梁業 是誰幸運做你本週冠軍

 

鏡粉前夫改編金曲3.《Lan伊仁》(原曲:傷追人 古巨基)

有很多男士都將 IAN 陳卓賢的錯讀成「LAN」,所以改編填詞人 CM Jill Li 也有將這個爆笑經歷寫進歌詞中,如:「無奈我的Lan線著火 損壞過」、「誰料我將個字頭 i 寫錯左 如像一巴掌摑我」等形容非常貼切。

(圖片來源:Mirror 成員IG)
(圖片來源:Mirror 成員IG)

完整改編歌詞如下:
本應返苦主group可以求助
無奈我的Lan線著火 損壞過
你到底開心甚麼
為了搶飛只好僅記名字
誰料我將個字頭 i 寫錯左
如像一巴掌摑我
知了 雜誌硬照合照會照近照
尚有一個卓賢欠你這麼多
我點鬼知佢叫男神
讓你家陣咁樣羞辱我
我最多 把Lan線暫時就當不屬我

麻木去受你最後重擊一趟
這什麼 叫Lan線 係情敵 過火
如內子想打我不必去躲
或者搶到飛必需要炫耀
無奈我的網絡連線 都賠掉
寧願撻訂不去了
搞錯 又要鬧我又要話我又要問我演唱日期
要我記清楚
我只想修理“卓賢an” 又惹起嬲嬲豬羞辱我
我最多 把Lan線暫時就當不屬我
麻木去受你最後重擊一趟
薏仁麽 我堅拒為條線撲火
身份早已忘我 書寫得夠清楚
(咪再打我)

 

鏡粉前夫改編金曲4.《姜濤心的愛》(原曲:安徒生的錯 林奕匡)

看歌名就知道這句歌詞主要圍繞姜濤,講述另一半愛上姜濤後,會因看到姜濤代言的產品廣告立即追隨購買新產品,令一眾前夫銀包元氣大傷。

(圖片來源:Mirror 成員IG)
(圖片來源:Mirror 成員IG)

完整改編歌詞如下:
從前誤信廣告 街坊只會踩場
原來是塊魔鏡 粉絲先會誇獎
只需搵到佢 賣嘅廣告個個細心欣賞
為何賣嘅產品 偏偏得到景仰
怪那一位姜濤生 相貌生長得太動人
讓老公都相信 天公不憐憫
太太爭取姜濤心
繼續去追新產品
會睇youtube睇到今晚都唔訓
不返房訓
抬頭望向燈牌 姜B閃爍依然
回眸望向妻子 她終於發花癲
妻子的笑語 獨愛姜B 課到更加誇張
床頭下那餅罐 身家早已不見
怪那一位姜濤生 相貌生長得太動人
讓老公都相信 天公不憐憫
太太爭取姜濤心
繼續課金好開心
我會否可得到蒼天的護蔭

呀~!
課金要勇氣 換埋洗衣機
會否家變 望換來轉機
我更要信 未來的開支
要不久以後搬新雪櫃
未計運費
怪太太的姜濤心 愛慕姜B可愛動人
再拍多啲廣告 我怕會犧牲
我太太活得天真 繼續買多幾千蚊
我張visa碌爆 嬲咗 分床訓
不返房訓

 

鏡粉前夫改編金曲5.《AL生日攞的AL》(原曲:奇洛李維斯的回信 薛凱琪)

早前Anson Lo 盧瀚霆生日,一眾神徒不惜花一大筆錢購買尖沙咀大型生日廣告牌、郵輪廣告為教主慶生。這首歌曲主要講述前夫車出車入陪前妻去打卡,看見前妻比為自己慶生時的模樣感到更開心興𡚒,難免有一點失落。

(圖片來源:Mirror 成員IG)
(圖片來源:Mirror 成員IG)

完整改編歌詞如下:
攞AL 今天休假伴我慶生嘅最愛
想到別人凝望我 不太自在
點解啲衫統統呢隻色 情侶扮哂可愛
出尖咀 一心打算共進午餐法國菜
而驚喜情人持著禮品咁大袋
給我送贈只得一個樽:俾我開蓋
心想妻子陪伴祝福攞大假
但係又發現情境不太雷同
誰人是阿Lo 搞乜咁長龍
才明白大塊banner笑笑叫我拍照
明知今天帶住你老公
仍然將愛慕AL 存放腦中
原來大叔的阿牧 迎26歲
歡聲笑語 我仲要慘過返工
神徒追巴士太倦 撲了空
連環影相不死心 忘了老公
偏心得超級偶像 也動容
不願相信 竟要給你收集手信

搞乜春 點解今次為我慶生無禮送
唔知道實情其實發緊白日夢
真正禮物:統一的教主 等你相信
默默承受來做苦工影合照
仲特別照料 情境不怕無聊
頑強吧老公 爭取那認同
和霆霆玉立每個fans心中奮勇
明知今天帶住你老公
期待取今天AL大假放鬆
為何大叔的阿牧 尤其重要
歡聲笑語 我仲要慘過返工
神徒追巴士太倦 撲了空
連環影相不死心 忘了老公
偏心得超級偶像 也動容
一直相信 不見得佢比我英俊
連黃昏都要帶住你老公
郵輪追蹤跡打卡 存檔建功
凝望大支的阿牧 悠然自信
朝早到晚 我沒法抖無陰功
神徒追巴士太倦 撲了空

連環影相不死心 忘了老公
偏心得超級偶像 也動容
不願相信 竟會給你收集手信

 

鏡粉前夫改編金曲6.《雞煲與Jer》(原曲:風箏與風 Twins)

而這首歌曲的主角則是Jer 柳應廷,分別設有老公、老婆的對唱猶如夫妻二人大耍花槍,十分搞笑。

(圖片來源:Mirror 成員IG)
(圖片來源:Mirror 成員IG)

完整改編歌詞如下:
老婆:柳柳粉 我即刻衝去做
能入場 山頂位不覺高
我老公 電個JerJer捲髮多麼好
新歌點可以無 聽到在平地跌倒
誰共我 做Jer嘅大老婆
誰敢說一句 JerJer的唱功出了錯
老公:(仆街嘅點解得我一個)
老婆:(又有多一個)
當Jer Jer係老公 精品禮物相送

唔同崇尚韓風 香港歌星愛得英勇
看見他在唱歌 永遠流露著笑容
老公:Jer Jer雞係個煲 Jer Jer雞吃得多燥
誰能來大排檔 關心一點我的申訴
冥冥中遇上他 愛侶吃的雞煲 像極了薑醋
望個樣都執得幾正吧
連髮型都set得好靚吖
再細聽 論唱功真心也都不差
真心的相信我 我眼淚還未算假
誰伴我 扮死跳落臭河
男人有一個 假想的女優抒發過
老婆:(想多姿多彩怎會一個)老公:(又那可一個)
老公:JerJer雞係個煲 老婆:(何時做show……)
老公:JerJer滋味雞煲 油鹽麻辣糖醋 老婆:(何時又有通告……)

老公:加棵葱各取喜好 半隻雞就上得 老婆:(搞錯!)
老公:黃糖魚露荔枝醋 老婆:(咪L嘈!)
老公:JerJer雞係個煲 老婆:(Jer係最最好)
老公:JerJer雞進補啱數 麻油落大肥雞 老婆:(Jer係我契家佬)
老公:必須加較多香醋 器皿中落片薑 老婆:(有誰)
老公:切大概一吋粗 老婆:(咁用醋?)揼爛再加滴醋
老公:JerJer雞係個煲 老婆:(不要雞煲加醋)
老公:JerJer滋味雞煲 仍然在大排檔 老婆:(廚房已用哂啲黑醋)
老公:火頭哥立起枱布 抹抹碟就上枱 老婆:(仍然沒有諗到)

老公:仍然留著這支醋 老婆:(你會雞煲加醋)
老公:JerJer雞係個煲 老婆:(不要黎落浙醋)
老公:JerJer雞煲也都很燥 還能落碟油菜 老婆:(唔怕痛看你支撐到嘔吐)
老公:不准管我的喜好 器皿中落片薑 老婆:(我今餐 …食乜好…)
老公:切大概一吋粗 揼爛再飲醋

 

鏡粉前夫改編金曲7.下一站AK (原曲:下一站天后 Twins)

這首以Anson Kong 江𤒹生為題的歌曲寫下前夫陪前妻去聽 AK 上台唱歌,雖然內心極不情願,但是也陪了前妻去,更表示老公地位低,太太只想AK陪她唱歌,而不是老公。

(圖片來源:Mirror 成員IG)
(圖片來源:Mirror 成員IG)

完整改編歌詞如下:
站在會展前 细心看看 佢的頭
確係無分別 立高啲 加埋燙斗
但沉默的表情 連貓都會嚇走
養六隻貓便已經足夠
在各位夫君的眼裡 就係有種殺氣外露
老婆們在聽唱 係AK都最好
老公衰過肥皂泡
AK這天開個唱 唔係我唱 點解迫我入場
然而妻子 大鬧一場 不俾錢 如何聽住唱
黑之呼吸给我唱 唔係勉强 我唱到似劏腸
難道给最愛在耳邊 低聲溫柔地唱
白日夢一場 永不太遠 太抽象
見係有AK 買返黎 朝夕鑑賞
在人地的主場 大聲 呼叫拍掌
我地嘅妻兒 對他景仰
入了生粉堆的愛侶 面上有種顧盼自豪

在台下望佢唱 係AK點算好
老公衰過肥皂泡 呀~
AK這天開個唱 唔係我唱 點解迫我入場
然而妻子 大鬧一場 不俾錢 如何聽住唱
青筋爆起谷我唱 唔係勉强 我唱到似劏腸
難道给最愛在耳邊 低聲溫柔地唱
黑之呼吸给我唱 唔係勉强 我唱到似劏腸
難道给最愛在耳邊 低聲溫柔地唱
太太心里最大理想 搵江“畢”生 陪他唱

鏡粉前夫改編金曲8.《皮皮相 – 一幅都掛》 (原曲: 一絲不掛 陳奕迅)

最後一首歌曲主要提及前夫為了哄前妻開心,不惜購入大量Frankie 代言的貨品,同時也提及前夫故意把「Frankie」說成「Franky」的一則笑料,填詞人 CM Jill Li 真的超用心呢~

(圖片來源:Mirror 成員IG)
(圖片來源:Mirror 成員IG)

完整改編歌詞如下:
追Franky病態的你一反臉
白日夢心想會夢中糾纏
喺架車裡睡覺 迫我坐喺邊 將隻手擺去邊
然後你坐好緊貼著沒語言
誰鬆手想擺脫被皮皮左右
過後誰人被麻痺雞似個柒頭
紥到手筋痛又唔知變咗個玩偶
想打你 其實說到底 誰唔願落手
消炎止痛 只等你給藥膏兩劑塗抹
那時廣告 搞笑入了兩打 掟上group
但你一路偷笑 發現沿途前妻很快活
埋著一段典故 面部流露幻想太豐富
期待你訓醒 飛了站 都不顧
這些年望你張貼他的臉
洗手間走廊也受到牽連
洗髮水去囤貨走到樓下為你搬上樓 搬到癲
全為你課金逼我日日變臉

如搬三箱洗髮液 唔嘥 點做
抹在頭皮內痕癢得似有還無
為你開心每日牛腩麵想吐未吐
想醫你期望見你好 原來未病好
消炎止痛 只等你給藥膏兩劑塗抹
那時廣告 搞笑入了兩打 掟上group
但你一路偷笑 發現沿途前妻很快活
埋著一段典故 面部流露幻想太豐富
期待你訓醒 飛了站 都不顧
之後感覺身邊你的老公會給奚落
化學先生感染大眾前妻的快樂
又再更換新照 繼續懷念皮皮嘅感覺
老公終豁出去 老婆其後在苦主group裡搜索
難道我太太可愛在於 揮霍
無奈你愛的皮皮 在牆角

你可能也喜歡

Recommended