撻出愛火花|張新悅古色古香老式大宅曝光!曬一家六口溫馨家居 分享13年來愛情保鮮秘訣
張新悅與謝霆峰主演的青春劇《撻出愛火花》最近重播,兩位主角再次成為熱話。於99年出道,出過唱片、拍過電影和電視劇的張新悅,當時都可算是偶像歌手,不過期後她淡出娛樂圈,並於2007年與前立法會議員、現任山頂區區議員楊哲安結婚,一連生了三個女後,就直情專心做楊太照顧小朋友,徹底告別幕前。2018年更宣告新添一員,現時一家六口四個女分別為11歲 Lucy、10歲 Lily、6歲 Leah 同2歲 Lola,十分熱鬧。
原文刊登於:東方新地 圖片來源:東方新地、Instagram
張新悅分享13年來保持恩愛秘訣
近日深宵重播以柔道主題的劇集《撻出愛火花》,當年的女主角張新悅現在已是四女之母,日前她特意穿上柔道袍在電與當年的自己「合照」,相當搞笑﹗
嫁作人妻、亦是四個千金嘅媽媽,張新悅經常分享自己一個湊四個為人母心得,以及同丈夫結婚13年來保持恩愛的秘密。雖然一樣有讀書進修、一樣有社交生活又間中出席公開活動,張新悅都係話想關係好一定要日日見,所以工作、朋友排名永遠唔及老公、女兒同家人:「 我知道好多人成日擺低老公做自己嘢,我唔係,啲姊妹都話約我食飯起碼要約兩個月,因為我一定要同先生食飯、同小朋友食飯、同老爺奶奶食飯、仲要同自己屋企人食飯,因為維持好關係就係要成日見㗎嘛!」
老公同老爺都係政商界名人實力雄厚,張新悅位於中西區嘅大宅亦屬於老牌豪宅間隔,隨意取景影張靚相,都見到陳設氣派地方又闊落。
楊太雖然淡出幕前,不過不時仍以名媛身份出席活動、分享時裝心得,一身裝束同家中呢個古色古香嘅偏廳都襯到十足。
四姊妹感情要好經常一齊玩,背後的書架井井有條,放滿兒童書籍。
婚後相夫教女忙得幸福,張新悅亦經常分享教女點滴,指冇嘢比陪伴更重要。母女四人一齊包雲吞,可見老式豪宅的標準廚房又大又四正。
一家六口老式豪宅曝光
看楊太個人 IG 的確係九成內容都是四個女同一家六口家庭樂,不少相片都是自家大宅內拍攝。老爺楊孝華係自由黨成員、做過國泰高層亦有經商,家境富裕,老公楊哲安亦同樣係自由黨成員、英國牛津大學畢業,又係倫敦政治經濟學院理學碩士,身為中西區山頂選區區議員,屋企當然都係位於老牌豪宅林立嘅中西區,家中間隔四正闊落、面對南區優美景致,又有老式豪宅必備超大露台,目測起碼二千呎,就算有四個女都一定夠住有餘!
經常上鏡的楊家大廳,布置簡潔中見氣派,全屋色調以白色為主,配合木製傢俬,有品味又顯貴氣。
母女不時喺大露台野餐,享受親子時間。
楊太在家中每個角落都放置了不少盆栽點綴,綠化家居。
11歲大女同10歲二女人仔細細,已經一人一部蘋果電腦仲有專屬學習區,令人羨慕。
地方多多,不過兩個大女都係瞓碌架床分享一間房,有姊妹就會懂呢種一齊成長嘅感情,最穩固最友愛。
老牌豪宅必備巨型露台,望出去係南區恬靜優美山景,配套同氣派不是近年所謂「豪宅」可比。
有什麼Netflix、Disney+推薦及必睇劇集?
為大家整理一下截至目前為止小編追過的Netflix影集清單,必睇Netflix電影或劇集片單;Disney+方面,則可以一看電影片單推介。