捽腳子懶人料理 (2)：半額香蔥碎吞拿魚腩飯
日本人出晒名OT得好癲，田中YoYo亦唔例外。
佢每日7點到返到公司，但通常夜晚10點打後先收工，
（其實10點叫早，我地經常超過12點先食晚飯！）
所以我通常都9點幾先開始煮飯，
但有時佢突然LINE我話會早返來食飯時，
（而我仲喺出面風流快活地行街時）
我就會趕去超市搵一樣野：半額免治吞拿魚腩！
（其實10點叫早，我地經常超過12點先食晚飯！）
所以我通常都9點幾先開始煮飯，
但有時佢突然LINE我話會早返來食飯時，
（而我仲喺出面風流快活地行街時）
我就會趕去超市搵一樣野：半額免治吞拿魚腩！
「半額」即係半價，去超市買餸最鍾意見到呢兩個字，
通常即日或第二日就過期嘅海鮮或肉類就會出現呢個貼紙，
除左半價外，仲有「2割引き」（8折）、「3割引き」（7折）同「4割引き」（6折）。
基本上超市愈夜就愈多食物有貼紙，
（所以我鍾意8點後先去買餸，又多減價貨又唔使同人逼。
但又唔可以太遲，因為啲好野會畀人揀晒）
一包約120g嘅免治吞拿魚腩半價只賣廿蚊到！
加薑蔥、Wasabi同豉油就整到一碗香蔥碎吞拿魚腩飯，
抵到爛！ヾ(*´∀`*)ﾉ ｷｬｯｷｬｯ♪
喺出面要成舊水嘅香蔥碎吞拿魚腩飯定食，
自己「煮」加多碗即沖麵豉湯30蚊有找！
用料雖然唔係頂級新鮮，但入口都非常美味，
重點係煮理過程唔使5分鐘（唔計煲飯啦），又平又慳時間！
係我永無失手嘅絕招 !!ほっほっほ♪(￣▽+￣*)
Tag
捽腳子懶人料理
