Ask Joven-男友任由我唔開心，唔緊我!
我同男朋友一齊左三年幾，剛開始準備結婚，但心裡面有d疑問想係結婚前搞清楚，免得日後離婚收場。
同左呢個男朋友一齊帶畀我好大變化，我對上一次拍拖拍左五年，唔知點解由頭到尾我都不停有affair，即使無既時候都同其他男仔暖昧，而且果時男朋友成日都唔會知我係邊到。但同左佢一齊，所有野好似即刻變晒，就算有男仔暖暖昧昧咁我都會覺得好討厭，對住佢除左有驚喜比佢之外真係大話都唔多個，最重要係，我以前係一個成日都唔開心，好大脾氣既人，但同佢一齊後，我身邊好多朋友都覺得我開心左寬容左，個人隨和好多。
其實講到呢到我覺得我真係非嫁佢不可，但係之後問題就黎喇。我男朋友份人好簡單，好多野都無所謂，雖然佢大我好多做人經驗多好多，而且平時溝通佢把口真係好吹得，但一到拍拖，例如平時激嬲左我，或者我唔開心各樣，佢好不知所措唔識哄我，有d野我覺得佢做錯忍唔住發脾氣，佢會同我嬲埋一份（呢樣最近係發生得較密）。另外有時渴望佢會畀到d驚喜我，唔係逢節日都要，例如每年生日咁，對佢黎講都好似好困難，但我諗女仔都有小小浪漫不算太過份吧? 最後一個問題就係，好多時我唔開心會寧願自己哩埋喊，因為同佢講我既心事，佢好似左耳入右耳出咁。佢覺得我為左d小事唔開心，但事實上對我好緊要。同埋就算佢見到我喊，唔會點理我。最近有一次公司有個大project我臨時接手做，所有野係難攤子，而且好急趕，我差唔多日日都OT, 直到project當日現場真係需要人幫手，我事前講過一兩句想佢自己出聲嗌幫手, 佢唔知聽唔出定點，到當日佢有過我地場地，但留左十幾分鍾，我叫佢幫手佢唔肯就走左。當日我活動完左之後佢去左打波，我本身因為工作上既野好唔開心，返到去自己一個人就不停喊，到後尾見佢寫左張紙條我就笑返。電話搵佢，佢知我唔開心等緊佢返去，就話食少少野先返，當時10點鐘。到12點我諗住佢差不多返到我就搵佢，點知佢話岩岩打完邊爐而家係旺角走，我果下真係灰晒，你係心痛緊張既，點會寧願打幾個鐘邊爐，捨得我一個人唔開心咁耐? 我唔知呢d係咪就講緊伴侶間要互相遷就定係應該合則來不合則去？定我太挑剔? 好難諗。
T
Hi T:
在跟現任男友交往後，不要說affairs，甚至連曖昧你都覺得討厭的原因是甚麼?
你怎樣形容自己的轉變?
你喜歡改變後的自己嗎?
女人追求浪漫和驚喜無可厚非，可是除卻這方面的不足，男友有其他可取的地方嗎?
你認為長久的愛情關係，甚麼是重要因素?
你的不開心有多頻密?
你有心平氣和地跟他好好講清楚你的不開心對你有多重要，並希望他給你多關注嗎? 不過又話時話，你不開心的次數有多頻密? 或者，你有請教過男友怎樣處理這些你認為是大件事，而他卻視為小事的方法呢? 畢竟，時常不開心也不是辦法，而自己的問題，終歸有日要學懂自己解決。
再者，普遍的男人都不懂安慰女人，而工作上或跟兄弟吹得，絕對不等於懂得和女人溝通， 希望我明白這簡單道里。
Last but not the least，你怎樣睇愛情? 怎樣的愛情才能滿足你?
最最後，呢d唔係講緊互相遷就，因為從你的來信，我只看到你渴望他遷就你!
Love
遇上愛情或生活上問題，歡迎電郵我– [email protected]。
