張振朗增肌 張振朗增肌

張振朗增肌為拍《拳王》一年40磅!巨腩變肌肉人 全靠4招地獄式瘦身餐單+訓練

減肥資訊

張振朗增肌為拍《拳王》,在開劇前一年多已開始準備操body,為了增肌先谷脹自己,然後再修線條操肌,並進行地獄式訓練。張振朗變成大隻佬,被指激似電影《激戰》主角張家輝﹗近日張振朗就公開了自己操成朱古力肌的餐單,一齊來看看他成功的秘訣啦!

部分原文刊登於:東方新地|編輯:Tracy|圖片來源:TVB發相、IG@owencheung

張振朗增肌為拍《拳王》一年40磅巨腩變肌肉人

張振朗增肌:日食五餐 谷出巨腩增逾40磅再操肌

張振朗苦練多時的爆肌造型亦終於曝光,脹爆的胸肌配以零脂肪、線條靚絕的無敵朱古力肌,吸睛度爆燈!據知,張振朗為了Build出靚肌確是下了不少苦功。早於劇集開拍前一年多,他已開始為操肌做準備,第一步是谷肥自己:「當時一日食五餐,主要都係牛扒同大量嘅飯,因為要先谷肥,增加脂肪同埋肌肉,咁樣操番弗嘅時候啲肌肉先至會更加有份量。」「日食夜食」食足一年後,振朗成功「泵脹」自己,增重多達40磅之餘,更谷出驚人巨腩,他笑言:「增肥嗰陣咁啱有兩套劇出街,就係《使徒行者3》同《踩過界2》,當時好多人話我肥咗。」

張振朗 拳王 張家輝
張振朗開始Build肌前係咁嘅身形,微腩初現。(圖片來源:TVB)
張振朗 拳王 張家輝
經過半年多嘅「努力」,張振朗成功谷出巨腩。 (圖片來源:TVB)

增肥40磅後,再進入地獄式操練+飲食,最後練成朱古力肌!

張振朗 拳王 張家輝
張振朗努力下操肌成功,被指激似《激戰》中的張家輝﹗連甫士都似到十足﹗(圖片來源:TVB)
張振朗 拳王 張家輝
弗到好似key落去一樣﹗(圖片來源:TVB)

張振朗增肌4招 1.自製雞水補充蛋白質

張振朗成功谷肥自己後接下來的半年,便是地獄式的操肌訓練以及超清淡健康餐單;據知由於吃白烚雞肉吃到懷疑人生,張振朗聽從教練建議飲雞水:「因為每一日食嘅(雞肉)量要好多,飲雞水可以補充到足夠嘅蛋白質,又唔使好似食擦子膠咁,個過程幾有挑戰性,辛苦但係對自己身體了解多咗。」張振朗至開拍前仍努力健身並嚴格管理飲食,每天只以雞肉加奶粉及水再打成汁,有時會加半條香蕉,藉此增加肌肉。

張振朗 拳王 張家輝
張振朗公開雞水嘅製作過程﹗(圖片來源:TVB)
張振朗 拳王 張家輝
張振朗為吸取蛋白質,一餐食足四隻蛋再加水溝麥皮﹗(圖片來源:TVB)

張振朗增肌4招 2.低脂飲食

張振朗亦常在Instagram上分享日常飲食,主要以蔬菜和雞肉為主,增肌餐單的重點其實就是補充蛋白質和高纖低脂。

(圖片來源:IG@owencheung)
(圖片來源:IG@owencheung)

張振朗增肌4招 3.補充大量水份

增肌減脂另一大重點就是要每天攝取大量水份,張振朗分享一日會飲進9L水!

(圖片來源:IG@owencheung)
(圖片來源:IG@owencheung)

張振朗增肌4招 4.堅持每日鍛鍊

張振朗在IG分享即使拍戲到凌晨仍堅持每天運動:「每晚收凌晨收3,4點,我第一時間都係走去做gym,然後7點照常上班,持續接近兩個月。」可見要練成好身材,運動與毅力是少不了的!

(圖片來源:IG@owencheung)
(圖片來源:IG@owencheung)

張振朗全身上下均弗至無懈可擊,就連背部線條亦操得相當完美,可見下了不少苦功。張振朗在劇中飾演為復仇去到好盡,性格正直熱血,黑白分明,堅毅不屈的海正藍,並會與黎耀祥、黃子恒及朱敏瀚有大量對手戲。

張振朗 拳王 張家輝
張振朗同朱敏瀚嘅關係相當複雜,唔知今次佢哋合作又有冇不一樣嘅火花呢?(圖片來源:TVB)
張振朗 拳王 張家輝
張振朗同過氣拳王黎耀祥有大量對手戲﹗(圖片來源:TVB)
張振朗 拳王 張家輝
黃子恆和張振朗飾演拳手﹗(圖片來源:TVB)

張振朗增肌 為《拳王》變身大隻佬

張振朗演出的《拳王》將接檔《星空下的仁醫》、於11月23日(周二)起逢周一至周五晚九點半翡翠台播出。以拳擊為主題,著墨探討人性的《拳王》,主要演員有黎耀祥、張振朗、黃子恆、朱敏瀚、姚子羚、蔡潔、賴慰玲、譚俊彥、鄭子誠、許家傑、翟威廉、冼灝英、李君妍及孟希璘等。

張振朗 拳王 張家輝
張振朗今次嘅角色超熱血!(圖片來源:TVB)

男主角之一的張振朗在《拳王》官方網站「拳王The Ringmaster 2021」發布的首條宣傳片,親自旁白:「你嘅擂台喺邊度?每一日我哋為生活、為現實搏命,但呢個係咪唯一嘅選擇?試吓忠於自己,為一個信念去奮鬥,唔好由其他人去定義你嘅價值。」配以黎耀祥戲味十足的表情、緊湊的氣氛以及主角們努力奮鬥的操練畫面,相當熱血。

張振朗 拳王 張家輝
張振朗在《拳王》中飾演泰拳拳手,入型入格﹗(圖片來源:TVB)
張振朗 拳王 張家輝
《拳王》宣傳中見到全身塗滿油的張振朗全身肌肉發達,眼神有火,有姿勢有實際﹗(圖片來源:TVB)

想減肥的話,在飲食上有建議嗎?

當然有!首先,可以參考營養師設計的健康減脂食譜,14日減10磅不反彈;其次,可以飲用排毒蔬果汁,可以消除疲勞及補充身體所需營養,幫助促進消化及代謝;也可以試試椰菜花飯食譜,代替澱粉質的白飯,滿足沒吃到白飯的空虛。

減肥一定會瘦胸嗎?

不一定,可以參考3招減肥同時豐胸方法;除了運動及飲食外,還可以通淋巴按摩方法去減肥排毒。

你可能也喜歡

Recommended