私樓, 奶奶, 婆媳, 遺產, 結婚

公屋男家搶女家私樓 女網友:奶奶將層樓讓俾叔仔一家

婚嫁企劃

阿爸死咗,留低層私樓俾個女,係好正常嘅事。但如果個奶奶想霸佔埋呢層樓又點睇呢?有絲打就上網出Post話,自己阿爸死咗,留咗層樓俾自己,但男家就想搶埋佢!

撰文:膠hub | 圖片來源:膠hub、連登 、facebook| 編輯:乖乖隆地洞@central(原文刊於膠hub

公屋男家搶女家私樓 女網友:奶奶將層樓讓俾叔仔一家

內文如下:

本人女 29歲
老公家住公屋有父母同一弟(已婚有2個男B租樓住)
奶奶一直當我係外人,對我好多要求
只對叔仔同佢老婆好
因為奶奶好迷信算命,算過我無男丁

係咁的,我爸生前有層私樓
依加爸因為啲事走左,層樓就留左俾我呢個獨生女,媽咪響我細時已另嫁他人
奶奶知道層樓無我老公名就日嘈夜嘈
又猛同親戚呻,又要求想同老爺一齊搬入來住,一係就將層樓讓俾叔仔一家,話始終叔仔有男丁有後代,呢個時候先同我講大家自己人唔可以咁計較

依加日日打嚟嘈,咩說話都聽過哂
又話我憑咩無男丁又住層有三房既私樓
我真係好大壓力,老公又唔出聲幫我,有時講哂愛情說話哄我落佢名,老公平時對我好,係出過軌二次同個人好計較
依加真係大壓力,每次同男家食飯都會有說話聽,叔仔佢地又成日曬有後代,但又無樓住,一家當正我仇人咁
老公又咁男家又咁,已經大壓力要食安眠藥,慢慢對老公心淡,反正無小朋友,真係好想離婚

哇!自己冇能力,仲想搶埋人哋間私樓!咩人嚟!

內文如下:

經過多日的心淡,已打算真係離婚
人生有好多10年

各位
今日晏就同完男家班西人飲茶
又係講埋啲唔岩聽既說話俾我聽

而我所謂既老公亦都係冇幫過我
終於我忍唔住同佢地嘈,我老公唔幫我不突止仲話我點可以咁同長輩講野
亦都終於我累積落來既心淡 我同佢講左離婚
我有朋友做律師,好叻!
我已經打算搵佢幫手

唔知點解一次過拍枱爆完 個心十分舒服!冇唔捨得!
可能我真係已經唔想再同佢有關係
憎佢地憎到想佢地死

記得之前有一次又係同錢有關
小妹人工只不過係一萬幾
奶奶竟要求我都要有份助養叔仔個2個仔
話大家自己人 我入左門就一樣姓
我無理過佢!

小編睇到都反晒白眼。自己咁窮唔係諗自己點努力搵錢,而係想貪埋唔屬於自己嘅嘢。

咁都忍10年!

原來呢家啲階級觀念咁重!

膠通消息來源:連登

奶奶搵算命師父幫BB改名 新抱:5個都係丫鬟名,點算?

好多長輩都會想幫自己個孫改返個靚名,有啲仲會專登請算命師父幫BB取名,希望BB一生過得好啲。但有位新手媽媽就就好苦惱,因為佢奶奶用2000蚊台幣請師父改咗5個名!

有絲打喺「爆廢公社」出Post就話,佢朋友係位新手媽媽,佢生咗個BB女之後,個奶奶就話要幫個女改名喎!奶奶用2000蚊台幣請師父改咗5個名,包括「秀鸞、寶春、彩鳳、春桃、招弟」,全部都係老一代嘅名!

新手媽媽就話,佢老公話冇意見,但自己又唔想得罪奶奶,因為個BB之後都要奶奶幫手睇住,所以有啲左右為難。

好多網民就話,「這個真的不行,我也沒辦法接受」、「師父是不是常常看戲說台灣,才有那麼多靈感啊」、「你確定這不是菜市場裡隨便找幾個人湊出來的名字嗎?都什麼年代還招弟,超級性別歧視欸」、「好經典的名字」、「婆婆得罪算命仙了嗎」。

還有許多人建議,「自己取,跟婆婆說名字筆畫太多,小孩會討厭寫自己的名字,名正言順的改成自己喜歡的」、「別衝動!自己再去一次,取一個年輕一點的,免得孩子怨恨你」、「要知性別,合八字配四柱,計算天地人總外等五格的影響,而不是廟裡隨便算算給給就行」。

膠通消息來源:爆廢公社

開始需要籌備婚禮要留意什麼?

首先,要訂一個結婚的好日子,即看2024結婚好日子; 訂好後就可以開始看婚戒及場地,即看人氣婚禮場地推薦;之後再可以開始看看婚紗,詳情請看

婚禮開支要預幾多?最新人情公價又是幾多?

首先,我們可以留意婚禮籌備超實用規劃Checklist,看看還有什麼需要準備。之後再看準新人必學11大節省貼士。最後,就是留意最新的人情公價

你可能也喜歡

Recommended