櫻花妹 真夏美白 清涼 小法寶
櫻花妹真夏美白 清涼 小法寶
Text | 七七子
Edit | Kingyo Hsu
夏至剛到，香港已熱到日日33度，不要以為日本緯度高夏日就輕涼些，6月尾無論是關東還是關西，都發出熱中症嚴重警告。
但不得不佩服日本女性，日日30幾度，烈日當空，不但唔見佢地香汗淋漓，溶妝化眼線亦唔太覺眼，唔通日本人用日本化妝品先有呢個化學作用？非也，只要細心留意，就知大家的手袋中放有唔少法寶！
Ⓞ櫻花妹的必備防曬：
01 一手搞定防曬噴霧
對我來說，第2重要必定是防曬，但七七子為人懶到出汁，要我每小時由頭到腳補防曬一次，難難難！
但去年開始，我選用KOSE噴霧式防晒，擁有SPF50+及PA＋＋＋＋防曬功效，其中幾款配有美白、涼肌或防蚊成份，不止手腳，就連面及頭髮亦可直接噴灑，簡單直手，一隻手就搞掂。
今年賣斷市的防曬品牌亦加入噴霧戰團，雖然貴KOSE成倍，但講明流汗、游水都用得，吸引力非常，不過約一星期就用完，有少少肉痛，加上噴霧裝不宜帶回香港，記得小心。
02 99% UV CUT 日傘！
日傘，意思指為擋大太陽的遮，相對於雨傘，日傘較為細把， 但因為日本好天時陽光非常猛烈，所以日本女性對日傘亦極之有要求，不但最好擁有99% UV CUT，外觀亦十分講究，可說係Fashion既一部分。每逢夏天，各大百貨公司地下的雨傘部總會人頭湧湧，經七七子觀察，日傘由¥2,000至 ¥20,000不等，去年我就買左悄有名氣的鐮倉Kagoo兩用傘，此牌子手感扎實，每把約¥3,600, 唔算貴之餘款式偏向和風路線，有花火、繡球花等花紋，顏色唔會太沈亦唔太花巧，擋太陽擋雨亦無問題。
Ⓞ櫻花妹止汗法寶！
除左美白保濕對抗真夏，櫻花妹子們每日都會帶備清涼及抗汗用品，一來保持個人衛生，二來避免不必要的尷尬場面。
03 －30度涼感噴霧
涼感噴霧，大家都應該好熟悉，噴於衣服上，帶來冰涼感覺。不過今次七七子來推介的，係為長髮或頭髮厚的女性面設的，頭皮涼感噴霧，唔駛我多講，長髮的你感覺好明白！
04 爽快濕紙巾
爽快濕紙巾，當中Biore推出的一系列濕紙巾深受OL們追捧，因為一抹，不但感覺清涼，仲會有用左爽第粉既手感，果份令自己都討厭既癡手感覺瞬間抹走，今個夏天仲加推果莓香味，香到搽左香水一樣。
05 止汗劑及吸汗貼
止汗劑及吸汗貼，你會話香港都有啦，但香港朋友卻成日托我購買，原因無他，就係因為香味夠多，清爽舒服。另外，日本OL亦會用腋下吸汗貼，兩重準備，以免尷尬。
限定涼肌衛生巾，幾年前開始女性用品品牌「超熟睡」開始每逢夏天推出涼肌限定版衛生巾，沒有想像中的薄荷涼快感，但透氣及舒爽度的確很明顯，女性恩物也。
涼感頸巾，細個阿媽會叫你雪條毛巾入冰箱帶出街用，不過總會嫌重又麻煩。近年大為流行的冰涼頸巾，用法輕鬆方便，而且唔會過凍凍傷後頸，又可循環使用，值得買條慢慢用。
