日本夏祭花火節 人氣熱點 + 浴衣租借 攻略

Text| 七七子
Edit | Kingyo

唔講你未必知，其實日本人全年都幾鍾意放煙花，但係數到最大規模、最多枚數、最有睇頭、最鬼熱鬧、最多靚女、最多小食檔就當然係夏日花火大會，話說今年夏日花火大會於5月20日已於各大小地區開跑，不過唔使擔心，最好玩的都於7、8月舉行！

有人問，每個夏天有成百個場地，點選擇？

其實好睇個人喜好同行程安排，七七子就覺得如果有時間又想睇傳統日本大型花火大會，或者可以選擇日本三大花火大會，其中新潟的「長岡まつり大花火大會」已多年被選為人氣NO．1及最值得觀賞度NO．1花火大會，單2015年為期兩日花火大會已吸引了超過100萬人參加，可觀度是肯定的。

七七子已經率先睇咗2016年「長岡まつり大花火大會」RUNDOWN，講明由7點20分放到9點15分，共115分鐘！當中最有睇頭係最後10分鐘「尺玉100連發」，未睇都「嘩」一聲。

而另外兩大花火大會，分別是位於秋田的「全國花火競技大會『大曲の花火』」及茨城的「土浦全國花火競技大會 」，2015年均入選人氣度十大，你可能會問，咩係「花火競技大會」？其實係每年日本花火職人比賽及SHOW OFF大日子，各地花火大師會拎出最自豪作品參賽，而全日本眾多花火競技大會之中，以秋田及茨城兩地最為人氣，是極具歷史性的集大成花火祭，如果行程許可，不妨觀摩一下！

但係，身為遊客嘅七七子都明白，與其要山長水遠犧牲一兩日行程去睇煙花，不如搵幾個就腳點，夾好時間睇多幾個過下癮就夠，其實東京、大阪、京都、仙台等熱門城市都有大大小小的花火祭，有冇考慮換套浴衣去沾染吓日本傳統夏日色彩？！

浴衣租借攻略：

花火大會點少得浴衣！日本不少女性為浴衣花大錢，目的只為靚靚睇煙花。七七子去年獲朋友相贈浴衣，初試浴衣體驗。

如果大家冇私人浴衣，其實可以租借，全套連SET頭都係JPY10,000以內。不過要留意番，火花大會當日不論租借或穿着浴衣人數極多，最好提早於網上預約為妙，而設有英文版面的網站就最方便不過。

着浴衣Tips：
－ 如果怕太熱或自己太大汗，可自備2－3條白色薄長毛巾（類似「祝君早安」毛巾SIZE），方便穿替人員幫忙包裹腰間位置吸汗
－ 穿著時一定會問你會唔唔唔太緊，要量力而為，唔好為左瘦同靚而講OK，那怕未到會場已暈咗
－ 租用鞋隻多數為木製，唔好行是一定的，所以可自備拖鞋替換
－ 緊記要帶水傍身
－ 花火大會當日約3點會開始租借店會繁忙起來，可選擇在早上穿替，先到不同地方拍照
－ 網上或電話預約後一定要出席，若要取消盡早告知，做個負責任的香港人

浴衣租借網站

東京：
https://kr-aki.co.jp/english/rental_plan.html

關西：
http://okamoto-kimono.com/english/index.html

博多：
http://www.waza.co.jp/welcome/en/index.html

北海道：
http://www.uu-beihaidao.cn/corporate/furifuri-mode.shtml

花火大會溫馨提示：
－ 提早1-2小時到達，因為參加花火大會人數眾多，難免會有所阻塞

－ 自備個人坐墊，方便長時間欣賞花火
－ 多數花火大會都設有收費席（有料），記得唔好行錯，大多日本人都選擇免費席（無料）
－ 自攜垃圾袋帶走垃圾
－ 盡量避免自駕，當日會有封路行動，未必方便
－ 女士們最好選著舒適鞋類，河川地帶砂石路較多
－ 請勿攜帶三腳架或有腳椅，場地暗黑，容易發生意外
－ 花火會場內全面禁煙

info：

日本三大花火大會
長岡まつり大花火大會 （新潟）
日期：8月2及3日（8月1日為前夜祭，而2日及3日內容有少許不同）
交通：長岡站步行約30分鐘
網站：http://nagaokamatsuri.com/

全國花火競技大會「大曲の花火」（秋田）
日期：8月27日
交通：大曲站下車
網址：www.oomagari-hanabi.com/index.html

土浦全國花火競技大會 （茨城）
日期：10月3日
交通：JR常磐線土浦駅下車
網址：http://www.tsuchiura-hanabi.jp/

七七子嚴選就腳花火大會熱點：
東京足立花火大會 （7月23日）
東京隅田川花火大會 （7月30日）
神奈川新聞花火大會 （8月2日）
東京神宮外苑花火大会 （8月20日）
仙台七夕花火祭 （8月5日）

大阪天神祭奉納花火 （7月25日）
大阪淀川花火大會 （8月6日）
札幌真駒內花火大會 （7月17日）

延伸閱讀：

2016年5月1日開始 日本 退稅 新制 你要知！

抵買又好用! 日本入手百零蚊 護膚品