脫虧三件事之二：養生降 膽固醇 早餐
之前講過用拔罐來為身體去濕脫虧，今日講嘅係第二樣好・重・要嘅事，就係食・早・餐啊。
我有個朋友成日都頭暈，但係佢有個壞習慣，就係成日都唔食早餐，呢樣嘢真係好傷身㗎。經過一個夜晚，睡覺嘅時間已經差不多將晚餐消化晒，第二朝身體真係好需要水份同埋食物來啟動。有啲人成日食茶餐廳嘅早餐，其實茶餐廳好多時用埋啲人造牛油，午餐肉同火腿又係合成肉，都唔係好健康。以下就推介幾樣我覺得好健康嘅早餐。
01 一分鐘搞掂 香蕉芝麻三文治
Open sandwich 係我趕出門口嘅首選，一般來講我都會用麵包，加上芝麻醬同埋香蕉來做早餐。曾經試過貪方便，空肚食香蕉做早餐，不過因為香蕉係好涼嘅，所以食咗之後就有個胃好唔舒服嘅感覺，想反胃。不過香蕉其實有好有營養，因為有齊色胺酸同埋兒茶酚胺激素兩樣可以令人開心的成分，仲可以食咗令人開心啲添。
而芝麻醬就有好補鈣嘅作用，so soap番梘創辦人bella 都係一個好注重健康嘅人，她在粉嶺嘅紹香園，見到鋪頭裏面有一部手磨芝麻的機器，即磨芝麻醬超香！
02 牛油果三文治
另一個我好鍾意嘅三文治餡料就係牛油果，我個人鍾意食牛油果多個牛油添。不過記住要買熟嗰啲，一刀一開二，再用個匙羹刮啲肉出來就得，超好味！仲係降膽固醇嘅食物添！簡單加啲鹽同胡椒調味，已經好好。放假先咁好心機切牛油果。平日半個夾在麵包便出門～
Next Page> 我有遺傳性膽固醇過高，所以也會吃麥皮，點整好味？
Where to buy?http://goo.gl/oo8Dcj
03 龍眼果仁麥皮
雖然我係比較瘦，不過因為遺傳嘅關係，我嘅膽固醇都超標，曾經試過壞膽固醇去到七，勁過好多阿婆阿伯同肥佬！所以麥皮都係一個早餐嘅選擇，由於果仁都係好有營養嘅食物，又飽肚，所以我在成日幫襯嘅健康食品店manna買左一盒果仁粉，佢比我在點點綠買嘅核桃粉冇咁甜，而且點點綠嘅核桃粉，通常買返嚟嘅時候，一開都是只得個罐嘅七八成滿，呢罐充實好多。為了增加小小甜味，我仲會加幾粒龍眼入去，有時都會加埋杞子。
Where to buy?http://goo.gl/oo8Dcj
04糙米粉海帶芽麥皮
第二樣會用來加落麥皮嘅，就係糙米粉。糙米本身好有營養，因為白米在精米嘅過程當中，表皮好有營養嘅部份都比人哋整走咗。不過鍾意都話唔係人人適合食糙米，尤其是消化系統唔好嘅人。糙米粉係用技術將佢磨到好似好細，所以好容易吸收。另外我仲會加埋脫水海帶芽，一包四十幾蚊可以食到100次。因為深綠色嘅食物可以為腦部帶氧上腦，食咗個人會冇咁眼瞓。呢個就係我鹹食麥皮嘅方法。
Next Page> 真真真心推介埋呢個養生粥！
05椰棗發芽糙米粥
最後如果時間好充足，呢個養生粥，都係我嘅超級推介！中醫應為早上食粥對身體好好，大家睇吓個氣字，中間都有個「米」字，就知道補氣一定要食米。我用嘅係發芽米，其實米都係種子，發咗牙嘅米，營養更加爆發。事實上佢哋都係糙米，我本身食唔到一般糙米，因為比較硬會胃痛。
不過呢隻發芽米，因為預先俾水浸左20小時，所以煮嘅時候唔使再浸，但係都唔會硬（不過比白米有咬口）。 我會加入對女仔好好嘅椰棗，食兩粒就可以補充經期失去嘅鐵質、另外都會加埋紅棗、龍眼、杞子等等來煮粥。
但係我唔會開火煲，因為唔想睇火，反而會用之前喺十度良品買嘅電燉杯來煮粥。我呢個本身細D，因為是用來喺公司焗茶飲，如果大家買來煮湯或粥，建議買大嗰隻！
杯杯Where to buy?http://www.myhome-idea.com
今次分享係咁多，鼓勵大家要吃早餐！早日脫虧！
