新同事日日捱麵包當午餐 背後有洋蔥！上司揭可憐身世請食飯：「幫得就幫」

撰文：Ella｜圖片來源：討論區截圖、Pixabay、劇照

新同事日日挨麵包當午餐背後有洋蔥！

該名網民於社交平台上以「發覺公司個新人真係好慘好可憐」為題發帖文，表示公司上兩星期剛有新同事入職，樓主本想邱出友誼之手，叫對方一起叫外賣午餐，不過被他通通拒絕，其後發現他幾乎日日獨自捱麵包當午餐，因而決定要關心對方！

日日麵包當午餐 悉同事身世可憐

樓主因見到對方入職以來幾乎日日捱麵包當午餐，起初新同事會以「鍾意自己一個靜靜地食包」為由婉拒。不過作為Senior的樓主就覺得有所不妥，決定關心一下對方。在細問下，新同事坦言自己家境貧困，對方雙親早已離世，加上去年大學畢業後正值疫情爆發，一直找不到正職，過去一年都只能靠打散工勉強維持生計；而要捱麵包是因為要等到月尾出糧，才有錢交租、雜費和食飯。

上司悉真相決定出手相助

樓主得悉捱麵包真相後不禁眼濕濕，同時又回想起自己剛踏入社會的辛酸史，決定要出手幫對方渡過難關。「命令式」要求對方一齊食飯，不過錢由上司自己出，希望對方可以健健康康。樓主亦叫網民要多關心新鮮人，若見有同事捱麵包，就主動關心一下。雖有人擔心新同事其實「呃飯食」，不過樓主似乎就稱不介意，更直言：「何況如果自己生活尚可以，幫下人有咩所謂？幫得就幫嘛」。

舉動獲網民一致激讚

帖文一出引來網民紛紛留言，大讚樓主是一個充滿正能量的好上司：「有能力，幫下人都是舉手之勞」、「善有善報」、「人間有情」、「樓主好正能量。有能力幫到就幫」、「好在佢遇到你，好上司」；不過同時有不少網民坦言無法好像事主般大方：「我又無你咁慷慨，但每幾日請佢一個早餐都ok，當鼓勵吓佢」。