HMV 旗鑑店 過萬呎餐廳食香港菜

美食


Text |Carrie Photo|Clay Lam
雖然不致於是音樂發燒友,不過四萬呎三層高嘅HMV旗艦店開幕,點都應該去行吓嘅!間舖變大咗,連間cafe都變埋做餐廳,唔再係得簡餐小食,有齊中西美饌,連cocktail都有,一邊食飯一邊聽音樂,我以為自己去咗倫敦Brick Lane Market,之後同Do姐去shopping!
工業風的磚牆配金屬支架,極有英國舊工廠改建的味道。

吧枱位飲杯咖啡或cocktail,配埋火車站大鐘,好想問一句「唔知去Manchester班火車幾點到呢?」聽說未來會定期舉行各類音樂派對,舞台位一早已預備好,依家放部型仔電單車俾大家selfie住先!

Next Page> 意想不到的招牌菜係…港式牛腩麵($98),以傳統港式五香牛腩份外稔嫩,因西式慢煮法保留濃厚醬汁,所以特別減少上湯,令麵吸收更多醬汁更惹味。除牛腩麵外,仲有星洲炒米、窩蛋牛肉飯、瑞士汁雞柳公仔麵,去茶餐廳冇位,不妨考慮嚟呢度!美國黑豬五花腩($168),五花腩煎香後炆,可能因為是美國黑豬入口不算油膩,配烤燈籠椒及多士,份量特大,起碼三個人嚟才可以叫!

鸚鵡菜沙律($88),只選幼嫩爽口BB菠菜葉,配用橄欖油輕炒過的Portabello大蘑菇惹味,加埋香脆焗榛子果仁,素食人士之選。Next Page> 港菜部牛腩麵係皇牌,咁西菜部呢…HMV和牛漢堡($148),澳洲和牛做漢堡好處是可以煎至汁最豐腴肉最香的六成熟,不需花巧肥膩的醬汁,加片芝士、生菜番茄同洋蔥,就已足夠!配埋厚切薯條,兩個分享最理想!

Earl Grey Cake($78),HMV招牌粉紅色的甜皮外層雖然很甜但勝在夠薄,正好平衡內裏的伯爵茶蛋糕的茶甘味,難怪是招牌甜品之一。女生未必個個想喝酒,店員推介Mocktail Litchi Mojito($78),荔枝蜜和清新的薄荷香原來很夾,吃罷牛腩和豬腩飲真好。

怕太甜的不妨選青檸汁配薑啤的HMV粉紅的California($78)。HMV Restaurant
地址:銅鑼灣明珠廣場4樓
營業時間:逢星期日至四及公眾假期10am – 12am; 星期五至六及公眾假期前夕10am – 2am

延伸閱讀

▲超值 $188紅磡空中花園下午茶 仲有禮物送

HTTP://GOO.GL/SQGWNF

▲超抵買!$32 日本千総果物店手工果醬

http://goo.gl/LpWzMg

如欲率先接收資訊,請讚好我們的FB專頁並於「已讚好」選單設定「搶先看」,多謝支持。

你可能也喜歡