黎諾懿曾住劏房領綜援過活 全靠「錫老婆會發達」做5億駙馬！

黎諾懿《 疫境廚神 》節目彈起 何文田複式豪宅意外曝光

早幾年疫境之下冇得出街，個個焗住留家避疫。被迫放假善用時間又好、乘機親子互動都好，人人都化身廚神鑽研廚藝。不過眾多疫境廚神，應該以黎諾懿最成功，真係煮出個自家新網上節目《 疫境廚神 》。由於節目多數留家拍攝，除咗成日有得睇趣致到爆嘅囝囝「 小春雞 」夾手夾腳同爸爸一齊玩一齊煮外，仲意外將何文田複式市值過億豪宅曝光。

黎諾懿「5億駙馬」在家種自家作物

到底結婚有沒有收樓，當事人就沒有親口承認，不過婚後由村屋搬入何文田大型豪宅屋苑。黎諾懿 IG 曝光家中陳設，有巨廳有大露台有長廊仲有天台，擺明係屋苑內僅得22個嘅複式連天台特色單位，最細嗰個都有二千幾呎、市值過億。

無可厚非，屋企大點，留家抗疫啲時間都容易打發點，除了玩廚神在自己的巨型廚房開 live 教煮之外，豪宅可以廣邀朋友開Party食飯、可以在露台種自家菜。

房間內空間感十足，除了讓囝囝擺廚房仔、電動超跑大型玩具外家中還有很多空間，這位五億駙馬的生活真係令人艷羨！

黎諾懿住所露台景觀開揚 自設水上遊樂場

這個位於何文田半山的高層複式豪宅除了空間感中足外，露台景觀更十分開揚可以俯瞰紅磡城市景及少量維港景色，二十四孝好爸爸黎諾懿更為囝囝在露台上打造水上遊樂場，即使足不出戶，在夏天仍然可以在家中隨時玩水暢泳。

黎諾懿住所樓底高 空間感十足

單位內除了有兩層外，每層的樓底都極高，黎諾懿特別在囝囝房間安裝了如空中瑜珈般的繩索吊床，讓兒子可以隨時享受盪鞦韆的樂趣。

黎諾懿坦言不紅！曾住劏房領綜援 現娶嬌妻住半山

黎諾懿首次做監製的TVB旅遊節目《仨心友行2》聯同龔嘉欣、王君馨、姚子羚合作挑戰創業。而第四集中四人玩起真心話遊戲，其中一個問題「覺得自己紅不紅」時，黎諾懿坦言不覺得自己紅，更直指自己是當年「奧運六子」中包尾的一個，認為自己好像總是有機會，但又欠了甚麼似的。

黎諾懿初出道即擔正

不過其實黎諾懿在無綫電視藝員訓練班畢業後入行，才剛出道不久便出演《戀愛自由式》，更擔正演出當年紅極一時的《當四葉草碰上劍尖時》，由於樣貌俊朗被指肖似陳百強而為人熟悉，後來更與林峯、吳卓羲、馬國明、黃宗澤及陳鍵鋒組成「奧運六子」，可惜及後人氣後繼無力，相比其他五子的人氣要低很多。

黎諾懿靠努力得大眾認同

經歷多年的浮浮沉沉後，黎諾懿憑《愛回家》中馬壯一角彈起，及後演出多部當紅劇集如《不懂撒嬌的女人》、《溏心風暴3》都依然不受關注，直到演出《BB來了》才真正獲網民讚賞。

除了演戲，近年黎諾懿更專注於節目主持，當中《懿想得到》更邀請了圈中多名好友任嘉賓拍攝，節目更成功奪得最佳非戲劇節目。今次更首次為《仨心友行2》做監製，讓觀眾慢慢發展其演而優則導的才能。

黎諾懿公屋仔出身 曾領綜援、住劏房

TVB播出的劇集《刑偵日記》中，飾演重案組總督察的黎諾懿一頭白髮、凶狠的表情嚇怕不少觀眾！在現實中，現年42歲的黎諾懿是一圈中出了名的好男人，更有「五億駙馬」之稱，不過原來這位「最接近神的男人」都是跟很多香港人一樣都是公屋出身，最艱難時更領綜援過生活，全靠正面態度以及好友相助才走到現在這一步！

黎諾懿全靠鄭伊健相助肯做肯捱終成五億駙馬

曾在無綫處境劇《愛‧回家》飾演馬壯一角而大受歡迎的黎諾懿近來不論事業、感情都如魚得水，早前更得到TVB重用於多套劇集擔任男一角色。原來過往這位「最接近神的男人」都有過一段辛酸史，試過捱麵包、住劏房，生活要擔柴憂米。

黎諾懿之前在接受電台訪問時就重提這段捱窮史，還提起他的好兄弟鄭伊健，同感激他在自己危急之秋義氣相助，令大家知道更多兩人間更深層嘅經歷。諾懿透露06年拍《溏心風暴》是他人生中最窮嘅時期，於紅磡住劏房期間多得有好友伊健相助，更會搵相熟導演介紹他拍戲。諾懿早年在訪問中稱很感謝鄭伊健在他身邊出現。

他提起舊時:「在最霉的時候，伊健會叫我去佢屋企揀衫，因為佢好多衫都只係着過一次，着完就會送俾我。」黎諾懿更憶起當時鄭伊健好貼心地話:「啲衫我都唔要，過嚟揀啦！我淨係喺大陸着過，香港唔會知嘅。」伊健真是對朋友義無反顧！

黎諾懿是基層過來人零架子滿足粉絲要求

因父親早年離世，全靠母親一個人捱大的三兄弟，出身屯門公屋嘅黎諾懿試過攞綜援試過住劏房，曾經飯都冇得開要靠圈中友人接濟，不過高大威猛肯做肯捱終於捱出頭來做到男一，仲同富二代落選港姐李潔瑩撻著行埋。14年結婚時，黎諾懿被喻為五億駙馬，亦都盛傳老婆娘家送出四千萬豪宅畀兩公婆做結婚禮物。